கற்றது தமிழில் பரிந்து பேசபட்ட கூட்டம்தான், ஸ்பென்ஸர் ப்ளாசாவிற்கு வெளியில் நிற்கும் பெருவாரிமக்கள்தான், மத்தியதரம்தான், நின்றிருந்த ஒன்றிரண்டு இருசக்கரங்களும் மத்தியதரத்தைப் பறைசாற்றும் பேஷன், சிடி100 வகையறாக்கள்தான், எல்லாருடைய கண்களிலும் தெரிந்த ஒரே விருப்பம்: தனது குழந்தை +2வில் நல்ல மதிப்பெண்கள் வாங்கவேண்டும் என்பதே.
சென்னை - கல்லூரிச் சாலையிலிருக்கும் ஈ.வி.கே.சம்பத் மாளிகையின் அருகே அமைந்திருக்கும் குட்டிக்குட்டி கட்டடங்களில் இயங்கும் புத்தக விற்பனை நிலையங்களுள் ஒன்றில் +2, 10ம் வகுப்பிற்கான வினாவங்கிகள் தொகுக்கபட்டு, பாடநூல் நிறுவனத்தாரின் மேற்பார்வையில் வெளியிடபட்டு விற்கப்படுகின்றன.
ஒருமணிநேரக் காத்திருப்பிற்குப் பின்னரே நமது முறை கிடைக்கின்றது. அத்தனை கூட்டம். ஒரே ஒரு அலுவலர் மட்டுமே சீட்டு எழுதுவதற்கும், புத்தகத்தை எடுத்துக்கொடுப்பதற்கும், பதில் சொல்வதற்குமாக இருந்தால் அப்படித்தானே இருக்கும்.
இடையிடையே வெளியே வந்து "+2 எகனாமிக்சும், கம்ப்யூட்ட சைன்ஸும் ஸ்டாக் தீந்துருச்சுங்க" என அறிவிப்புச் செய்வதும் அவரே. அறிவிப்போடு கூடவே தாளில் அச்சடித்து அவ்வப்போது வெளியே வந்து ஒட்டியும் விடுகின்றார். அதையும் கவனிக்காமல் கூட்டத்தில் புத்தகப் பட்டியலைச் சொல்லும்போது "+2 கம்ப்யூட்டர் சைன்ஸ்" என்று சொல்லி அவர் அதற்கு "என்னங்க ஸ்டாக் இல்லன்னு இப்பத்தான அங்க போஸ்டரே ஒட்டிட்டு வந்தேன்" என்று பதில் சொல்ல, "அப்பொ எப்பொ சார் கிடைக்கும்?" "ரெண்டு வாரம் ஆவுங்க", "ராயபுரத்துலேர்ந்து வரேன் சார்" இப்படியான எரிச்சலூட்டும் கேள்விகளுக்கும் பதில் சொல்லிக்கொண்டும் அந்த அலுவலர் படும்பாட்டை நினைக்கும்போது இவருக்கென்ன சம்பளம் இருக்கும், 'டீலிங் வித் கஸ்டமர்ஸ், கஸ்டமர் சர்வீஸ்' என்றெல்லாம் உட்டாலக்டி அடிக்கும் சில பன்னாட்டு நிறுவனங்களின் அலுவலர்களுக்கு இணையாக இப்படி பொறுமையாக பதில் சொல்லும் இந்த அரசு அலுவலர் என்ன சம்பளம் வாங்கிவிடப்போகிறார் என்னும் நினைப்பு எனக்குத் தோன்றக் காரணம் கற்றது தமிழ் பார்த்தது மட்டுமல்ல.
தமிழ்நாடு பெற்றோர் ஆசிரியர் சங்கம் இந்த வினாவங்கியைத் தயாரித்திருக்கிறது, தமிழ்நாடு பாடநூல் நிறுவனத்தின் ஒப்புதலுடன் வினாவங்கி வெளியிடப்பட்டுள்ளது. அதிகமான விலையொன்றும் கிடையாது. அதிகபட்ச விலை - கணிதம் - ரூ.50, குறைந்தபட்ச விலை - வணிகம் - ரூ.20.
இந்த வினா வங்கியின் விற்பனை குறித்து எங்கும் விளம்பரங்கள் கிடையாது. பள்ளி ஆசிரியர்கள் சொல்லித்தான் விவரம் கிடைத்தது.
இதுதான் புதிராக இருக்கின்றது. கல்வியும் கிட்டத்தட்ட நுகர்பொருள் அளவிற்கு விற்கப்படக்கூடிய நிலைக்கு வந்தபின்னும் (எனது வரிகளில் சந்தேகம் இருந்தால் கணினி கற்பிக்கும் நிறுவனங்கள் புரவலர்களாக இருக்கும் விளம்பரதாரர் நிகழ்ச்சிகளில் ஆடம்பரத்தைப் பாருங்களேன், ஒப்புக்கொள்வீர்கள்) இப்படி ஒரு வினாவங்கி விற்பனைக்குக் கிடைக்கின்றது என்னும் விவரம் பரவலாக எங்கும் பேசப்படவில்லை.
தமிழ்நாட்டில் (ஸ்டேட் போர்ட்) பயிலும் +2 மாணவ மாணவியரின் எண்ணிக்கை மிகக் குறைவானதோ அல்லது வினா வங்கிக்கு சந்தை கிடையாதோ என்பதெல்லாம் வாதமே கிடையாது.
சென்ற வருடம் (+2 ஸ்டேட் போர்டு பிரிவில்) தேர்வு எழுதிய மாணவ மாணவியரரின் எண்ணிக்கை 5,62,710 என்கிறது இந்தச் சுட்டி. இந்த வருடமும் அதே எண்ணிக்கையைக் கணக்கில் கொண்டு, அவர்களுள் பாதிப்பேர் வினாவங்கியை வாங்கப்போவதில்லை என அனுமானித்து, மீதிப்பேரில் இரண்டு மாணவர்க்கு ஒரு வினாவங்கிப் புத்தக ஈடு (question bank book set) என அனுமானித்தாலும் தோராயமாக ஒரு லட்சத்து நாற்பதாயிரம் ஈடுகள் (செட்ஸ்) சந்தைக்கு தேவைப்படுகின்றன.
தமிழ், ஆங்கிலம், கணிதம், இயல்பியல், வணிகம் இப்படி தேவைக்கேற்ப புத்தகங்களை வாங்கினால் ஒரு ஈடு ரூ.150 முதல் ரூ.200 வரையில் செலவாகலாம். குறைந்தபட்சமாக ரூ.150ஐ எடுத்துக்கொண்டாலும் 1,40,000 x 150 = 2,10,00,000, (குறைந்தபட்ச மதிப்பீடாக) இரண்டு கோடியே பத்துலட்சம் ரூபாய்க்கான சந்தையாக இது இருக்கலாம், முறைப்படி விளம்பரம் செய்யப்பட்டு விநியோகிக்கப்பட்டால்.
ஒரு நாளில், ஒரு பாடப் பிரிவிற்கு, ஒரே ஒரு மாதிரி வினாத்தாளை வெளியிடும் செய்தித்தாள்கள்கூட அதன் விளம்பரத்தை அச்சடித்து கடைகளில் தோரணமாகவும், தொலைக்காட்சிகளில் விளம்பரமாகவும் வெளியிடும் அளவிற்கு +2 வினாக்களுக்கான சந்தை இருக்கத்தான் செய்கிறது. ஆனாலும், பாடநூல் நிறுவனம் இதனை சந்தையாக்க விரும்பவில்லையென்றே நினைக்கத் தோன்றுகிறது.
சந்தையாக்க விரும்பாமல் தாழ்நிலையாக இதனைச் செய்யும்போதே இத்தனை கூட்டம் இருக்கையில், ஒருவேளை இதனை அவர்கள் விளம்பரபடுத்தியிருந்தார்களென்றால் எத்தனை கூட்டம் இருக்கும் என்பதும் இதில் துணைக்கேள்வி.
அரசுத்துறை நிறுவனங்கள் செய்யும் இப்படிப்பட்ட சில சின்னச்சின்ன சேவைகள் / செயல்கள் வெளிச்சத்திற்கு வருவது கிடையாது.
பேருந்து நிறுத்த நிழற்கொடைகளிலும் இன்னாரின் தொகுதி மேம்பாட்டிற்கான ஒதுக்கீட்டிலிருந்து இன்னாரின் ஆட்சிக்காலத்தில் கட்டப்பட்ட நிழற்கொடை என்றெல்லாம் விளம்பரம் தேடும் அரசியலார்கள் கொஞ்சம் ஓட்டுவங்கிக்கான களப்பணிகளிலிருந்து சற்றே விலகி அரசுத்துறைகள் செய்யும் இப்படிப்பட்ட சின்னச்சின்ன லாபநோக்கற்ற செயல்களை வெளிச்சம் போட்டுக் காட்டினால் புண்ணியம் கிட்டலாம்.
குறிப்பு:
தோராயமாக 180 முதல் 200 பக்கங்கள் கொண்ட புத்தகம் ரூ.30. இது லாபகரமானதா இல்லையா என்பதை பதிப்பகத்தார் யாரேனும் சொன்னால்தான் உண்டு.
இந்தப் பதிவில் ஏதோ ஒரு பேய் மாளிகையைப் போல் தோற்றமளிக்கும் இந்தப் படம் எதற்கென்று சிலர் நினைக்கலாம். புத்தகம் வாங்க வரிசையில் நின்றபோது எதிரில் இருந்த கட்டடத்தைப் படம் பிடித்தேன். முன்னொரு காலத்தில் அங்கு ஏதேனும் அலுவலகம் இயங்கியிருக்கலாம். இப்போது கேட்பாரற்றுக் கிடக்கிறது. சென்னை - கல்லூரிச் சாலையின் நில மதிப்பீடு தெரிந்தோர்கள் பெருமூச்சு விட்டுக்கொள்ளலாம்.
அன்புடன்
ஆசாத்
சென்னை - கல்லூரிச் சாலையிலிருக்கும் ஈ.வி.கே.சம்பத் மாளிகையின் அருகே அமைந்திருக்கும் குட்டிக்குட்டி கட்டடங்களில் இயங்கும் புத்தக விற்பனை நிலையங்களுள் ஒன்றில் +2, 10ம் வகுப்பிற்கான வினாவங்கிகள் தொகுக்கபட்டு, பாடநூல் நிறுவனத்தாரின் மேற்பார்வையில் வெளியிடபட்டு விற்கப்படுகின்றன.
ஒருமணிநேரக் காத்திருப்பிற்குப் பின்னரே நமது முறை கிடைக்கின்றது. அத்தனை கூட்டம். ஒரே ஒரு அலுவலர் மட்டுமே சீட்டு எழுதுவதற்கும், புத்தகத்தை எடுத்துக்கொடுப்பதற்கும், பதில் சொல்வதற்குமாக இருந்தால் அப்படித்தானே இருக்கும்.
இடையிடையே வெளியே வந்து "+2 எகனாமிக்சும், கம்ப்யூட்ட சைன்ஸும் ஸ்டாக் தீந்துருச்சுங்க" என அறிவிப்புச் செய்வதும் அவரே. அறிவிப்போடு கூடவே தாளில் அச்சடித்து அவ்வப்போது வெளியே வந்து ஒட்டியும் விடுகின்றார். அதையும் கவனிக்காமல் கூட்டத்தில் புத்தகப் பட்டியலைச் சொல்லும்போது "+2 கம்ப்யூட்டர் சைன்ஸ்" என்று சொல்லி அவர் அதற்கு "என்னங்க ஸ்டாக் இல்லன்னு இப்பத்தான அங்க போஸ்டரே ஒட்டிட்டு வந்தேன்" என்று பதில் சொல்ல, "அப்பொ எப்பொ சார் கிடைக்கும்?" "ரெண்டு வாரம் ஆவுங்க", "ராயபுரத்துலேர்ந்து வரேன் சார்" இப்படியான எரிச்சலூட்டும் கேள்விகளுக்கும் பதில் சொல்லிக்கொண்டும் அந்த அலுவலர் படும்பாட்டை நினைக்கும்போது இவருக்கென்ன சம்பளம் இருக்கும், 'டீலிங் வித் கஸ்டமர்ஸ், கஸ்டமர் சர்வீஸ்' என்றெல்லாம் உட்டாலக்டி அடிக்கும் சில பன்னாட்டு நிறுவனங்களின் அலுவலர்களுக்கு இணையாக இப்படி பொறுமையாக பதில் சொல்லும் இந்த அரசு அலுவலர் என்ன சம்பளம் வாங்கிவிடப்போகிறார் என்னும் நினைப்பு எனக்குத் தோன்றக் காரணம் கற்றது தமிழ் பார்த்தது மட்டுமல்ல.
தமிழ்நாடு பெற்றோர் ஆசிரியர் சங்கம் இந்த வினாவங்கியைத் தயாரித்திருக்கிறது, தமிழ்நாடு பாடநூல் நிறுவனத்தின் ஒப்புதலுடன் வினாவங்கி வெளியிடப்பட்டுள்ளது. அதிகமான விலையொன்றும் கிடையாது. அதிகபட்ச விலை - கணிதம் - ரூ.50, குறைந்தபட்ச விலை - வணிகம் - ரூ.20.
இந்த வினா வங்கியின் விற்பனை குறித்து எங்கும் விளம்பரங்கள் கிடையாது. பள்ளி ஆசிரியர்கள் சொல்லித்தான் விவரம் கிடைத்தது.
இதுதான் புதிராக இருக்கின்றது. கல்வியும் கிட்டத்தட்ட நுகர்பொருள் அளவிற்கு விற்கப்படக்கூடிய நிலைக்கு வந்தபின்னும் (எனது வரிகளில் சந்தேகம் இருந்தால் கணினி கற்பிக்கும் நிறுவனங்கள் புரவலர்களாக இருக்கும் விளம்பரதாரர் நிகழ்ச்சிகளில் ஆடம்பரத்தைப் பாருங்களேன், ஒப்புக்கொள்வீர்கள்) இப்படி ஒரு வினாவங்கி விற்பனைக்குக் கிடைக்கின்றது என்னும் விவரம் பரவலாக எங்கும் பேசப்படவில்லை.
தமிழ்நாட்டில் (ஸ்டேட் போர்ட்) பயிலும் +2 மாணவ மாணவியரின் எண்ணிக்கை மிகக் குறைவானதோ அல்லது வினா வங்கிக்கு சந்தை கிடையாதோ என்பதெல்லாம் வாதமே கிடையாது.
சென்ற வருடம் (+2 ஸ்டேட் போர்டு பிரிவில்) தேர்வு எழுதிய மாணவ மாணவியரரின் எண்ணிக்கை 5,62,710 என்கிறது இந்தச் சுட்டி. இந்த வருடமும் அதே எண்ணிக்கையைக் கணக்கில் கொண்டு, அவர்களுள் பாதிப்பேர் வினாவங்கியை வாங்கப்போவதில்லை என அனுமானித்து, மீதிப்பேரில் இரண்டு மாணவர்க்கு ஒரு வினாவங்கிப் புத்தக ஈடு (question bank book set) என அனுமானித்தாலும் தோராயமாக ஒரு லட்சத்து நாற்பதாயிரம் ஈடுகள் (செட்ஸ்) சந்தைக்கு தேவைப்படுகின்றன.
தமிழ், ஆங்கிலம், கணிதம், இயல்பியல், வணிகம் இப்படி தேவைக்கேற்ப புத்தகங்களை வாங்கினால் ஒரு ஈடு ரூ.150 முதல் ரூ.200 வரையில் செலவாகலாம். குறைந்தபட்சமாக ரூ.150ஐ எடுத்துக்கொண்டாலும் 1,40,000 x 150 = 2,10,00,000, (குறைந்தபட்ச மதிப்பீடாக) இரண்டு கோடியே பத்துலட்சம் ரூபாய்க்கான சந்தையாக இது இருக்கலாம், முறைப்படி விளம்பரம் செய்யப்பட்டு விநியோகிக்கப்பட்டால்.
ஒரு நாளில், ஒரு பாடப் பிரிவிற்கு, ஒரே ஒரு மாதிரி வினாத்தாளை வெளியிடும் செய்தித்தாள்கள்கூட அதன் விளம்பரத்தை அச்சடித்து கடைகளில் தோரணமாகவும், தொலைக்காட்சிகளில் விளம்பரமாகவும் வெளியிடும் அளவிற்கு +2 வினாக்களுக்கான சந்தை இருக்கத்தான் செய்கிறது. ஆனாலும், பாடநூல் நிறுவனம் இதனை சந்தையாக்க விரும்பவில்லையென்றே நினைக்கத் தோன்றுகிறது.
சந்தையாக்க விரும்பாமல் தாழ்நிலையாக இதனைச் செய்யும்போதே இத்தனை கூட்டம் இருக்கையில், ஒருவேளை இதனை அவர்கள் விளம்பரபடுத்தியிருந்தார்களென்றால் எத்தனை கூட்டம் இருக்கும் என்பதும் இதில் துணைக்கேள்வி.
அரசுத்துறை நிறுவனங்கள் செய்யும் இப்படிப்பட்ட சில சின்னச்சின்ன சேவைகள் / செயல்கள் வெளிச்சத்திற்கு வருவது கிடையாது.
பேருந்து நிறுத்த நிழற்கொடைகளிலும் இன்னாரின் தொகுதி மேம்பாட்டிற்கான ஒதுக்கீட்டிலிருந்து இன்னாரின் ஆட்சிக்காலத்தில் கட்டப்பட்ட நிழற்கொடை என்றெல்லாம் விளம்பரம் தேடும் அரசியலார்கள் கொஞ்சம் ஓட்டுவங்கிக்கான களப்பணிகளிலிருந்து சற்றே விலகி அரசுத்துறைகள் செய்யும் இப்படிப்பட்ட சின்னச்சின்ன லாபநோக்கற்ற செயல்களை வெளிச்சம் போட்டுக் காட்டினால் புண்ணியம் கிட்டலாம்.
குறிப்பு:
தோராயமாக 180 முதல் 200 பக்கங்கள் கொண்ட புத்தகம் ரூ.30. இது லாபகரமானதா இல்லையா என்பதை பதிப்பகத்தார் யாரேனும் சொன்னால்தான் உண்டு.
இந்தப் பதிவில் ஏதோ ஒரு பேய் மாளிகையைப் போல் தோற்றமளிக்கும் இந்தப் படம் எதற்கென்று சிலர் நினைக்கலாம். புத்தகம் வாங்க வரிசையில் நின்றபோது எதிரில் இருந்த கட்டடத்தைப் படம் பிடித்தேன். முன்னொரு காலத்தில் அங்கு ஏதேனும் அலுவலகம் இயங்கியிருக்கலாம். இப்போது கேட்பாரற்றுக் கிடக்கிறது. சென்னை - கல்லூரிச் சாலையின் நில மதிப்பீடு தெரிந்தோர்கள் பெருமூச்சு விட்டுக்கொள்ளலாம்.
அன்புடன்
ஆசாத்
Comments
I just cut'n pasted and forwarded your write-up to my friends with due credits to you.
Thank you so much.
வெளியூரில் இருப்பவர்கள் மணிஆர்டர் அனுப்பி +2 வினா வங்கிப் புத்தகங்களை வாங்கலாம் எனத் தெரியவந்தது. அந்த அலுவலகத்திறுகு குறிப்பிட்ட சில வினா வங்கிப்புத்தகங்களின்விலையத் தெரிந்து கொளவதற்காக தொலைபேசியில் தொடர்பு கொண்டால் யாருமே எடுத்துப்பேசவில்லை. தங்கள் பதிவைப் பார்த்த பிறகு தான் ஒரே அலுவலர் இருப்பதுதான் காரணம் எனத்தெரியவந்தது. ஓரிரு நாள்களுக்குப் பிறகு தொலைபேசியில் மறுபடியும் தொடர்பு கொண்டபோது விலை விபரம் சொன்னார்கள். தற்போது மணி ஆர்டர் அனுப்பி உள்ளேன்.