சென்னை நகரின் அடிமட்ட மக்களின் அடையாளமாகத் துவங்கி, மெதுவாக கல்லூரிகளில் தொற்றி, திரைக்கு வந்து, அச்சிற்கு வந்து, இப்பொழுது வண்ணத்திரையும் தனியாக இதற்கென்று நிகழ்ச்சியைத் துவங்கியிருப்பது, என்னைப்போன்ற கானா ரசிகர்களுக்கு / எழுத முயற்சி செய்வோர்க்கு மகிழ்வினை அளிக்கிறது.
ஆனாலும், பரவலாக இன்றைக்கு உலவும் கானாக்களில் கானாவின் எல்லைக்குள் சென்று கோலோச்சும் வரிகள் சிலவே. இதனை சுயவிமர்சனமாகக்கூடக் கொள்ளலாம். எனது கானா புத்தகத்தின் முன்னுரையில் கவிஞர் யுகபாரதி கோடு காட்டியிருந்ததும் இதைத்தான்.
சென்னையின் வியர்வைப் புழுக்கமும் வேதனையும் வரிகளில் தெரியாத வரையில் அது முழுமையான கானாவாக இருக்க முடியாது.
நண்பர் ஒருமுறை குறிப்பிட்ட நினைவு, 'ஓரிரு நல்ல கவிதை வரிகளைப் பெறுகின்ற முயற்சியில், பல வரிகளை தேவையற்று எழுதவேண்டியதாகின்றது' - வார்த்தைகள் மாறியிருக்கலாம், ஆனால், பொருளடக்கம் இதுதான்.
கானாவிலும் அப்படித்தான், மண்ணின் மணத்துடன் கிடைக்கும் ஓரிரு கானா வரிகளைப் பெறுவதற்காக, கானாவைப் போலத் தோன்றும் சில வரிகளையும் எழுதவேண்டியதாகின்றது.
கானாவிற்கு முக்கியம் மொழிநடை, சென்னை உச்சரிப்பு. களம் சென்னையைச் சுற்றி அமைந்திருக்க வேண்டியது அவசியம்.
இன்று பழசும் புதிதுமாக வார்த்தைகளைக் கலந்து ஒரு கானா எழுத முயற்சி செய்தேன். பகிர்ந்துகொள்கிறேன்.
அன்புடன்
ஆசாத்
*****
ஊருக்குள்ளே பாரிருந்தா!
பாருக்குள்ளே ஊரிருந்தா செந்தமிழுதான்! - எங்க
ஊருக்குள்ள பாரிருந்தா டாஸுமாக்குதான்!
முன்னோரெல்லாம் கடாமார்க்கு1 மொண்டு குட்சாங்கோ(வ்)! - இங்க
மூணு கட்டிங் வுட்டதுக்கே மொர்ச்சிப் பாத்தாங்கோ(வ்)!
கட்டுமரம் வல்ச்சிக்கினு போனவுங்கெல்லாம் - மாமே
கையிகாலு வேதனைக்கி கஞ்சி குட்சாங்கோ(வ்)!
சுண்ட - கஞ்சி2 குட்சாங்கோ(வ்)!
காலுசென்டர் ட்ரிப்படிக்கும் ஓட்டுனருக்கு - மாமே
கள்ளுக்கட பக்கத்துல போருஇன்னாங்கோ(வ்)!
ஒன்பாட்டி - போரு3இன்னாங்கோ(வ்)!
அஆ...அஆ...
முன்னோரெல்லாம் கடாமார்க்கு மொண்டு குட்சாங்கோ(வ்)! - இங்க
மூணு கட்டிங் வுட்டதுக்கே மொர்ச்சிப் பாத்தாங்கோ(வ்)!
டுபாய்பார்ட்டி வந்துக்குதே(ய்) லீவுலமாமே - நைசா
டூட்டிப்ரீல டாலர்வுட்ட கன்னுங்க மாமே!
என்னி - கன்னுங்க4 மாமே!
மொடாக்குடி வுடாப்புடி போங்குலமாமே! - பீட்டு
ஊதிப்பாத்தா உள்ளடக்கம் சென்ஸு(ம்)மாமே!
நீயூ - சென்ஸு5(ம்)மாமே!
அஆ...அஆ...
முன்னோரெல்லாம் கடாமார்க்கு மொண்டு குட்சாங்கோ(வ்)! - இங்க
மூணு கட்டிங் வுட்டதுக்கே மொர்ச்சிப் பாத்தாங்கோ(வ்)!
அட்சதுக்கு அட்தநாளு தலகிலவல்ச்சா! - அதன
வெள்ளக்காரன் சொல்லிக்குட்த ஓவருன்னாங்கோ(வ்)!
ஆங்கு - ஓவரு6ன்னாங்கோ(வ்)!
இஸ்டத்துக்கு சல்பேட்டா7 வுட்டுக்கினாக்கா - காரம்
ஏத்திக்கினு கஸ்மாலம் சாவுறன்னாங்கோ(வ்)!
சுண்ணாம்பா - சாவுறன்னாங்கோ(வ்)!
அஆ...அஆ...
முன்னோரெல்லாம் கடாமார்க்கு மொண்டு குட்சாங்கோ(வ்)! - இங்க
மூணு கட்டிங் வுட்டதுக்கே மொர்ச்சிப் பாத்தாங்கோ(வ்)!
பாருக்குள்ளே ஊரிருந்தா செந்தமிழுதான்! - எங்க
ஊருக்குள்ள பாரிருந்தா டாஸுமாக்குதான்!
*****
1 - கடா மார்க் - அந்தக்கால (30 ஆண்டுகளுகு முன்) பாட்டில் சாரய ப்ராண்ட்
2 - சுண்டகஞ்சி - கடற்கரையோரங்களில் புழங்கும் ஒருவகை மது
3 - ஒன்ஃபாட்டிஃபோர் - 144 கூட்டமாகச் சேர்ந்து நிற்பதற்கு தடைச்சட்டம்
4 - என்னிகன் - Heineken பீர்
5 - நீயூசென்ஸு - ந்யூசென்ஸ் வழக்கு
6 - ஆங்குஓவரு - ஹாங்ஓவர்
7 - சல்பேட்டா - மட்டரக மதுவகை
*****
ஆனாலும், பரவலாக இன்றைக்கு உலவும் கானாக்களில் கானாவின் எல்லைக்குள் சென்று கோலோச்சும் வரிகள் சிலவே. இதனை சுயவிமர்சனமாகக்கூடக் கொள்ளலாம். எனது கானா புத்தகத்தின் முன்னுரையில் கவிஞர் யுகபாரதி கோடு காட்டியிருந்ததும் இதைத்தான்.
சென்னையின் வியர்வைப் புழுக்கமும் வேதனையும் வரிகளில் தெரியாத வரையில் அது முழுமையான கானாவாக இருக்க முடியாது.
நண்பர் ஒருமுறை குறிப்பிட்ட நினைவு, 'ஓரிரு நல்ல கவிதை வரிகளைப் பெறுகின்ற முயற்சியில், பல வரிகளை தேவையற்று எழுதவேண்டியதாகின்றது' - வார்த்தைகள் மாறியிருக்கலாம், ஆனால், பொருளடக்கம் இதுதான்.
கானாவிலும் அப்படித்தான், மண்ணின் மணத்துடன் கிடைக்கும் ஓரிரு கானா வரிகளைப் பெறுவதற்காக, கானாவைப் போலத் தோன்றும் சில வரிகளையும் எழுதவேண்டியதாகின்றது.
கானாவிற்கு முக்கியம் மொழிநடை, சென்னை உச்சரிப்பு. களம் சென்னையைச் சுற்றி அமைந்திருக்க வேண்டியது அவசியம்.
இன்று பழசும் புதிதுமாக வார்த்தைகளைக் கலந்து ஒரு கானா எழுத முயற்சி செய்தேன். பகிர்ந்துகொள்கிறேன்.
அன்புடன்
ஆசாத்
*****
ஊருக்குள்ளே பாரிருந்தா!
பாருக்குள்ளே ஊரிருந்தா செந்தமிழுதான்! - எங்க
ஊருக்குள்ள பாரிருந்தா டாஸுமாக்குதான்!
முன்னோரெல்லாம் கடாமார்க்கு1 மொண்டு குட்சாங்கோ(வ்)! - இங்க
மூணு கட்டிங் வுட்டதுக்கே மொர்ச்சிப் பாத்தாங்கோ(வ்)!
கட்டுமரம் வல்ச்சிக்கினு போனவுங்கெல்லாம் - மாமே
கையிகாலு வேதனைக்கி கஞ்சி குட்சாங்கோ(வ்)!
சுண்ட - கஞ்சி2 குட்சாங்கோ(வ்)!
காலுசென்டர் ட்ரிப்படிக்கும் ஓட்டுனருக்கு - மாமே
கள்ளுக்கட பக்கத்துல போருஇன்னாங்கோ(வ்)!
ஒன்பாட்டி - போரு3இன்னாங்கோ(வ்)!
அஆ...அஆ...
முன்னோரெல்லாம் கடாமார்க்கு மொண்டு குட்சாங்கோ(வ்)! - இங்க
மூணு கட்டிங் வுட்டதுக்கே மொர்ச்சிப் பாத்தாங்கோ(வ்)!
டுபாய்பார்ட்டி வந்துக்குதே(ய்) லீவுலமாமே - நைசா
டூட்டிப்ரீல டாலர்வுட்ட கன்னுங்க மாமே!
என்னி - கன்னுங்க4 மாமே!
மொடாக்குடி வுடாப்புடி போங்குலமாமே! - பீட்டு
ஊதிப்பாத்தா உள்ளடக்கம் சென்ஸு(ம்)மாமே!
நீயூ - சென்ஸு5(ம்)மாமே!
அஆ...அஆ...
முன்னோரெல்லாம் கடாமார்க்கு மொண்டு குட்சாங்கோ(வ்)! - இங்க
மூணு கட்டிங் வுட்டதுக்கே மொர்ச்சிப் பாத்தாங்கோ(வ்)!
அட்சதுக்கு அட்தநாளு தலகிலவல்ச்சா! - அதன
வெள்ளக்காரன் சொல்லிக்குட்த ஓவருன்னாங்கோ(வ்)!
ஆங்கு - ஓவரு6ன்னாங்கோ(வ்)!
இஸ்டத்துக்கு சல்பேட்டா7 வுட்டுக்கினாக்கா - காரம்
ஏத்திக்கினு கஸ்மாலம் சாவுறன்னாங்கோ(வ்)!
சுண்ணாம்பா - சாவுறன்னாங்கோ(வ்)!
அஆ...அஆ...
முன்னோரெல்லாம் கடாமார்க்கு மொண்டு குட்சாங்கோ(வ்)! - இங்க
மூணு கட்டிங் வுட்டதுக்கே மொர்ச்சிப் பாத்தாங்கோ(வ்)!
பாருக்குள்ளே ஊரிருந்தா செந்தமிழுதான்! - எங்க
ஊருக்குள்ள பாரிருந்தா டாஸுமாக்குதான்!
*****
1 - கடா மார்க் - அந்தக்கால (30 ஆண்டுகளுகு முன்) பாட்டில் சாரய ப்ராண்ட்
2 - சுண்டகஞ்சி - கடற்கரையோரங்களில் புழங்கும் ஒருவகை மது
3 - ஒன்ஃபாட்டிஃபோர் - 144 கூட்டமாகச் சேர்ந்து நிற்பதற்கு தடைச்சட்டம்
4 - என்னிகன் - Heineken பீர்
5 - நீயூசென்ஸு - ந்யூசென்ஸ் வழக்கு
6 - ஆங்குஓவரு - ஹாங்ஓவர்
7 - சல்பேட்டா - மட்டரக மதுவகை
*****
Comments
கொஞ்சம் வீழ்ந்து -நடனக்
காரிகையின்........
எனவெழுதிய 'எண்ணத்'திலிருந்தா
கானாக் கவிதை? இல்லை உங்களுக்கும் வைரமுத்து போல இரட்டை முகமா ?
முதன்முதலாக புத்தகமாக அச்சேறி எனக்கும் ஒருசிறிய அங்கீகரத்தைக் கொடுத்தவை கானாக்களே.
அவை சென்னையின் அடையாளங்கள்.
மொழி சிதைந்திருந்தாலும், வேற்று மொழித்தாக்கம் அதில் காணப்பட்டாலும் அவை அனைத்தும் வறுமைக்கோட்டிற்கு சற்றுமேலோ, கீழோ வாழ்ந்துகொண்டிருக்கும் வலியின் பிரதிபலிப்புகள்.
படிக்கும் காலத்திலிருந்து கானாவிற்கு இலக்கிய அந்தஸ்து உண்டு என நம்பியவன் நான். இப்போதும் அந்த நம்பிக்கை குறையவில்லை.
கானாவும் வெல்லும்!
அன்புடன்
ஆசாத்
இப்படிக்கு,
கல்ல கோட்ட மினிம்மா
மாஞ்சா மேலே பாஞ்சா போல இன்னா அசத்தே;
வேளச்சேரி ரோட்டு மேலே விக்கும் மஸ்கோத்தே;
கானா கிங்கு நீதான் மத்த எல்லா(ரு)ம் பிஸ்கோத்தே;
இப்ப கல்லக்கோட்டய மெய்லாப்பூட் தொகுதில சேத்துட்டதா பேசிக்றாங்க.
தாங்க்ஸ்!
*
இனிய கல்ஃப் தமிழன்,
முயற்சி செய்திருக்கலாம்.
ஆனால், அவர்கள் சொல்லும் அந்தப் பளப்பளா உடையும் அறிமுக இசையில் ஆடவேண்டிய குத்தும் என்னால் இயலாது.
அதனால், அந்த எண்ணுக்கு தொடர்புகொண்டு கானாப் போட்டியில் கலந்துகொள்ளும் எண்ணத்தைக் கைவிட்டுவிட்டேன்.
*
சேவியர்ஜி,
சந்தம் அழகாக வந்திருக்கிறது. நாகர்கோயிலாக இருப்பினும் நீண்ட நாள்களாக சென்னையில் வசிக்கிறீர்கள். அடிமட்ட மக்களின் வியர்வையை கவிதையில் கொண்டு வருகின்றீர்கள்.
உங்களுடைய அந்த சைக்கிள் -> இருசக்கரம் -> நான்குசக்கரம் கவிதையில் தெரியும் வளர்ச்சியும் உணர்வுகளும்...அதை அழகிய கானாவாக வடிக்கலாம். அது சென்னையின் உணர்வு.
கானாவிலும் முயற்சி செய்யவேண்டுகிறேன்.
அன்புடன்
ஆசாத்
"நிதி செய்வாரைப் பணிகுவர் மானிடர் மாமனே - எந்த நெறியினாலது செய்யினும் நாயென நீள்புவி
துதி செய்தே அடி நக்குதல் கண்டனை மாமனே" என்று பாரதியார் எழுதியது தான் முதல் கானா என்று கூட ஓர் அந்தஸ்து தர முயல்வார்கள்.
வெளுத்து வாங்குங்கள். உங்கள் நூலில் இருந்து ஓரிரு கானாக்களையும் தந்திருக்கலாம்.
அத்தான பாத்தன்...என்னடா காரகோட்டய எப்பத்துலேர்ந்து கல்லக்கோட்டயாக்குனாங்கன்னு முழிச்சிக்கினு இர்ந்தேன்.
*
இனிய ரத்னேஷ்,
சமயம் கிடைக்கையில் கானா வரிகளை தட்டச்சிப் போடுகிறேன்.
அன்புடன்
ஆசாத்