எண்ணம்

பொருள் தேடல், பிழைப்பு, இன்னபிற சொந்த சமாசாரங்களை நீக்கிவிட்டு வாசித்தல், எழுதுதல், மனமகிழ்வு என்று பார்த்தால் இந்த வருடம் அப்படி ஒன்றும் சிறப்பானதாகத் தோன்றவில்லை. 2008இன் துவக்கத்தில் புத்தகக் கண்காட்சியும், துபாய் பயணமும் குறிப்பிட்டுச் சொல்லவேண்டியவை. பொறுமையாக கண்காட்சியில் ஒவ்வொரு கடைக்கு முன்னாலும் நின்று படம் எடுத்து வலைப்பதிவில் போடுமளவிற்கு நேரம் கிடைத்தது. துபாய்க்கு வந்த பிறகு வலைப்பூவில் எழுதுவது குறைந்துவிட்டாற்போன்ற உணர்வு. புத்தகங்கள் என்று பார்த்தால், பிரெடிரிக் போர்சித்தின் அவெஞ்சர், ஜெயமோகனின் நிழல்வெளிக்கதைகள், இந்திரா சௌந்தரராஜனின் காற்று காற்று உயிர், சென்னை கானா, துபாய் நண்பர்கள் வெளியிட்ட இரண்டு கவிதைத்தொகுதிகள் இவை படிப்பட்டுள்ளன. சில பக்கங்கள் மட்டுமே படிக்கப்பட்ட புத்தகங்கள் என்றால் ரூட்ஸ், எட்வர்ட் சயீதின் கவரிங் இஸ்லாம், ஜான் கிரிஷாமின் ப்ளேயிங் பார் பீட்சா இப்படியாக சில தொடர்ந்துள்ளன. இப்போது கையில் எடுத்திருப்பது, காலித் ஹொசைனியின் தௌஸண்ட் ஸ்ப்ளெண்டிட் சன்ஸ். இது எத்தனை பக்கங்கள் ஓடும் எனத் தெரியாது. திரைப்படங்கள்...துபாயின் வழமைப்படி குறுவட்டிலும் அரங்கி...

இந்திய-பாகிஸ்தான் எல்லை தாண்டலை கதையின் மையக் கருவாகக்கொண்டு இதற்கு முன்னர் வந்திருக்கும் வணிகப் படங்களுள் தற்சமயம் நினைவுக்கு வருபவை மூன்று படங்கள். ஒன்று ராஜ் கபூரின் கனவென்று எடுக்கப்பட்ட 'ஹென்னா' (ரிஷி கபூர் + ஸீபா பக்தியார்), இரண்டாவது 'ரெஃப்யூஜி' (அபிஷேக் பச்சன் + கரீனா. இருவரும் திரைக்கு அறிமுகமான படம்), மூன்றாவதாக வீர் - ஸாரா (ஷாரூக்கான் + ப்ரீத்தி ஸின்டா + ரானி முகர்ஜி). அதிமசாலா நெடியேறிய பார்டர், கதர் வகையறாக்களை கருத்தில் கொள்ளவில்லை. இம் மூன்றுமே எல்லையைத் தாண்டி வருவதில் இருக்கும் பிரச்சனைகளை திரைக்கதையாக்குவதில் வெற்றி பெற்ற படங்கள். இவற்றில் வணிகத்திற்கான காட்சியமைப்புகளும் பின்னல்களும் இருந்தன. இந்தோ-பாக் எல்லைப் பிரச்சனைகளை வணிகத் திரைப்படங்களின் பாதிப்புகளைக் கலக்காமல் இந்தப் படம் ராம்சந்த் பாகிஸ்தானி சொல்லிச் செல்கிறது. வணிகப் படங்களில் மூழ்கி கலைப் படங்களை ரசிப்பதில் அதிகமான அனுபவமில்லாத என்னாலும் ராம்சந்த் பாகிஸ்தானியை ரசிக்க முடிந்தது. வீட்டில் அம்மாவுடன் நடக்கும் செல்லச் சண்டையால் ஏதோ நினைவில் கால்போன போக்கில் செல்லும் எட்டு வயதுச் சிறுவன் தவறுதல...

'சாச்சா இதர் ஆவ்' (சாச்சா இங்கே வா) அழைப்பது மட்டுமே 'சாச்சா' என்று மரியாதையாக, ஆனால், நாங்கள் அழைக்கும் தோரணையில் அதிகாரம்தான் இருக்கும். பதில் சொல்லும் சாச்சாவும் வாடிக்கையளராயிற்றே என்று பணிவுடன் பேசத் துவங்க மாட்டார், 'க்யா காயேகா போலோ' (என்ன சாபுர்ர சொல்லு) என நாங்கள் காட்டும் தோரணைக்கும் கூடுதலான தோரணையில் கேள்வி கேட்பார். இரண்டொரு முறை தொடர்ந்தாற்போல் வெறும் பருப்பு மட்டுமோ, காய்கறிகள் மட்டுமோ சொல்லிவிட்டால் தொலைந்தது, 'பருப்பும் காய்கறியும் கெடைக்றது நிண்ணுட்டா நீ செத்துப்போயிருவ' (யே தால் சப்ஜி நஹீ மிலாத்தோ தும் மர்ஜாயேகா) தயக்கமே இல்லாமல் சொல்வார், 'என்ன சொல்றமோ கொண்டா சாச்சா, அதிகம் பேசாத' (ஹம் ஜோபி போல்தேன் ஹைன் லேக்கா ஆவ், ஸியாதா பாத் மத் கர்னா), என நாங்கள் அதிகாரமாகப் பேசுவோம். அது வாய்ச்சண்டைக்கான துவக்கம் கிடையாது. எப்பொழுது நாங்கள் அந்த உணவகம் சென்றாலும் சாச்சாவிடம் இப்படித்தான் பேசுவோம். அவருக்கும் கோபம் வராது, எங்களுக்கும் கோபம் வராது. உடன் வரும் நண்பர் ஒருவர் சாச்சாவுக்கு பக்ஷீஸ் தருவது ஒன்று இரண்டு திர்ஹம் என்று மீதமாவும்...

சில சாதனையாளர்களை நினைக்கும்போது ஏற்படும் பிரமிப்பு தவிர்க்க முடியாததாகிவிடுகின்றது. கட்டுடைப்பு, கேள்விக்குறியது, இன்னொரு முகம் இத்தியாதிகளிலெல்லாம் மனதைச் செலுத்தாமல் ரசிகனாக மட்டுமே தன்னை வரித்துக்கொண்டு சாதனையாளர்களை அணுகிப் பார்க்கும் என்போன்றோர் இப்படிப் பிரமிப்பில் மூழ்குவது அதிசயமான நிகழ்வல்ல. அப்படியான ஒரு பிரமிப்பில் என்னை அடிக்கடி ஆழ்த்துபவர் மொஹம்மத் ரஃபி . இன்று (24.12.2008) அவரது பிறந்த நாள். எத்தனை பாடல்கள் ஒன்றா இரண்டா? ஆயிரக்கணக்கில் திரைப் பாடல்கள், நாற்பதாண்டுகால திரைப்பயணம், எத்தனை விதமான பாடல்கள். சோகமே உருவான பாத்திரங்களுக்கும், துள்ளிக் குதிக்கும் பாத்திரங்களுக்கும், நடனமாடும் பாத்திரங்களுக்கும், மென்மையான உணர்வை வெளிப்படுத்தும் பாத்திரங்களுக்கும், சாஸ்த்ரிய சங்கீதம் இசைக்கும் பாத்திரங்களுக்கும் என திரையிசையில் எத்தனை உணர்வுகள் உள்ளனவோ அனைத்து உணர்வுகளைப் பிரதிபலிக்கும் பாடல்களுக்கும் தனது பங்களிப்பைச் செய்திருப்பவர், மொஹம்மத் ரஃபி. மர்ஹூம் (காலஞ்சென்ற) மொஹம்மத் ரஃபி குறித்து பேசும்போது நண்பர் இரா.முருகன் அவர்கள் கட்டாயம் ஒரு பாடலைக் குறிப்பிடுவார். இந்தித் திரைய...

திரைத்தன வில்லன் நடிகனுக்கு என்னென்ன குணாதிசயங்கள் இருக்கவேண்டும் என்பதை நம்பியாரை வைத்தும் பட்டியல் இடலாமோ என்பதான அளவிற்கு திரையில் வில்லனாக நடித்திருப்பவர். வில்லன் பாத்திரமல்லாத புரட்சிப்படைத்தளபதியின் பாத்திரத்தை ஏற்ற அரசகட்டளையாகட்டும், கதாநாயகனை வஞ்சகமாக தன்னுடய கூட்டாளியாக்கிக்கொண்டு அவனுடன் நட்பு பாராட்டும் ஆயிரத்தில் ஒருவனாகட்டும் எம்.ஜி.ஆருடன் ஒரு வாட்சண்டையாவது படத்தில் அமைக்கப்பட்டது. விவசாயி திரைப்படத்தில் எம்.ஜி.ஆர். - நம்பியார் சிலம்பச்சண்டை இன்றைக்கும் சிலம்ப ரசிகர்களின் விருந்து. குடியிருந்த கோயிலில், 'இன்ஸ்பெக்டர் இது பெரிய மனுஷங்களுக்காக பெரிய மனுஷங்களால நடத்தப்படற ஹோட்டல்' என்னும் வசனத்தைப் பேசி முடித்து மணிக்கட்டை வளைத்து மணியைப் பார்த்து, அடிக்கடி தாடையின் கீழ் சிவப்பு விளக்கு எரிய தனது சிங்கப்பல் தெரிய திரையை ஆக்கிரமித்த வில்லன். படகோட்டியின் ஜமீன்தாராகட்டும், உரிமைக்குரலின் மைனராகட்டும், எங்க வீட்டுப் பிள்ளையின் மாமாவாகட்டும் கதையின் போக்கிற்கு தனது ஆழமான பங்களிப்பைச் செய்துவிட்டுச் சென்ற வில்லன். உலகம் சுற்றும் வாலிபனின் சிறுபகுதியில் மட்டுமே வந்திருந...

ஆங்கிலக் கலப்பில் என்றைக்குமே ஆசிபுக்கு விருப்பம் இருந்ததில்லை; தேவைக்குஆங்கிலம் கலப்பதில் தவறில்லை என்னும் எண்ணம் கொண்டவன் நான். ஏதோ ஒரு விளையாட்டான நினைப்பில் பாடுவோர் பாடினாலுக்கு ரீமிக்ஸ் வரிகள் எழுதினால் என்ன எனத் தோன்றியது. ஆசிபும் பாடினார், ஆனாலும் கோபத்தைப் பாடலிலேயே வெளிப்படுத்தினார், சல்தா ஹை. பாடல் நன்றாக வந்திருப்பதாக எனது எண்ணம். * வழமையான வர்ணமெட்டுகள் மறுகலவையில் பாடப்படும்போது அங்கே இங்கே நீட்டி சுருக்கி வளைத்து நெளிந்துதான் வார்த்தைகள் உச்சரிக்கப்படுகின்றன. அதன்போக்கில் கொஞ்சமும், ஆங்கிலம் கலந்து எழுதியதால் அதன்போக்கில் கொஞ்சமும் வார்த்தைகள் சென்றதால், ஓரிரு இடங்களில் தத்தகாரத்துக்காக நிரையசையின் பாதியைக் கூட நெடில் போலாக்கிப் பாடுவதும், நெடில் நேரசையைக் குறில் போலாக்கிப் பாடுவதும் பாடுபவரின் பாணியைப் பொறுத்து இந்த மறுகலவையில் அமையக் கூடும். மறுகலவை பாடுவோர்க்கான சில குறிப்புகள்: 1. 'ட', 'ண' இவற்றை உச்சரிக்கும்போது நுனிநா மேலண்ணத்தின் நடுவில் படாமல் பற்களும் ஈறுகளும் இணையும் இடத்தில் படவேண்டும். 2. குற்றியலுகரம் என்ற ஒன்று இருப்பதாகவே காட்டிக்கொள்ளக் கூ...

அன்புடையீர், நீண்ட நாள்களாகவே இந்தப் பாடலை நாம் எழுதிப் பார்த்தால் என்ன என நினைத்ததுண்டு. அதற்கான வேளை இப்போதுதான் வந்தது. பண்புடன் கூகுள் குழுமத்தில் சகோதரி ஷைலஜா அவர்கள் பாடல் வேண்டுமெனக் கேட்டதும், பி.சுசீலாவின் பாடல் எனச் சொல்லிவிட்டு இதனைத் தேர்ந்தெடுத்தேன். கவியரசர் எழுதியதற்கு இணையாக என்னால் தரவியலாதென்றாலும், அவருக்குக் கொடுக்கப்பட்ட சந்தத்தில் நானும் எழுதும் மகிழ்வால் மனமொன்றி எழுதினேன். கண்ணதாசன் வரிகளிலிருந்து 'தோழி'யை மட்டும் எடுத்துக்கொண்டேன் (என்னதான் இருந்தாலும் தோழி அல்லவா, அத்த்னை எளிதில் விட்டுவிட முடியுமா?). நாற்பதாண்டுகளாக காற்றில் கலந்திருக்கும் பாடல், வரிகளெல்லாம் அனைவருக்கும் அத்துப்படியாயிருக்கும். அந்த வரிகளுக்கு மாற்று எழுதுகையில் பெரிய பொறுப்பு எனக்கிருப்பதாக உணர்ந்தேன். பழைய வரிகள் நினைவில் பதிந்து போயிருப்பதால் நண்பர்கள் படிக்கையில், கேட்கையில் எனது வரிகளில் கொஞ்சம் அன்னியம் தொனிக்க வாய்ப்பு உண்டு. ***** இதோ பாடல்... பொன்மனம் கொண்டானடி பொன்மனம் கொண்டானடி - தோழி காஞ்சியிலே வளர்ந்து கலைகளிலே சிறந்த பொன்மனம் கொண்டானடி - தோழி காஞ்சியிலே வளர்ந்து கலைகளில...

அன்புடையீர், நண்பர் ரஜினி ராம்கி அவர்கள் இந்தத் தொடருக்கு என்னை அழைத்தார். சினிமா தொடர்பான எனது எண்ணங்களை வெளிப்படுத்த அழைத்த அவருக்கு எனது நன்றிகள். எந்த வயதில் சினிமா பார்க்க ஆரம்பித்தீர்கள்? நினைவுதெரிந்து கண்ட முதல் சினிமா? என்ன உணர்ந்தீர்கள்? குழந்தைப் பருவம் முதலே. எங்கள் வீட்டுப் பிள்ளையை காசினோ திரையரங்கில் பார்த்த கையோடு வாப்பாவை புகாரிக்குப் போகச்சொல்லி எம்.ஜி.ஆர். சாப்பிடுவதுபோல் கோழிக்கறி தின்றால்தான் ஆயிற்று என அழிச்சாட்டியம் செய்திருக்கிறேனாம், வாப்பா அடிக்கடி நினைவுகூர்வார், அவரது இறுதி நாள்களிலும் நினைவுகூர்ந்தார். நினைவு தெரிந்து பார்த்த படமென்றால், சிவந்த மண். சென்னை - குளோப் திரையரங்கத்தில் காட்சி துவங்கிய பின்னரே அரங்கிற்குள் சென்றோம். எவ்வளவு நேரம் காட்சி சென்றுவிட்டது என அடுத்தவரிடம் வாப்பா வினவியதாக நினைவில் இல்லை. திரையரங்கத்திற்கு எங்களை அழைத்துச் செல்லும் வழக்கம் வாப்பாவிற்கு இருந்தது. 2. கடைசியாக அரங்கில் அமர்ந்து பார்த்த தமிழ் சினிமா? தசாவதாரம். துபாய் கேலரியாவில் பார்த்தேன். படம் வெளியாகும் நாளன்று இரவு இரண்டுமணிக் காட்சிக்கு சீட்டு கிடைத்தது. தாமதமாகத்தான்...

போக்குவரத்து நெரிசல் மட்டுமின்றி ஈத்காவிலும் (பெருநாள் தொழுகை நடக்கும் மைதானம்) கூட்டம் நிரம்பி வழிந்தது. பதினைந்தாண்டுகளுக்கு முன்னர் இதே ஈத்காவிற்குச் சென்றபோது இத்தனை கூட்டம் கிடையாது என்று சொல்வதெல்லாம் வழமையாகிப் பொரித்தெடுப்பதால் அதனை மீண்டும் மீண்டும் சொல்லி 'அந்தக்காலத்துல' பாணியில் நினைவோடையில் நீந்த விருப்பமில்லை. இன்று நாங்கள் சென்றது துபாயின் தேரா பகுதியில் இருக்கும் ஈத்கா மைதானம். கராமாவில் இன்னொரு மைதானம் இருக்கிறது. அங்கே ஷேக் குடும்பத்தினர் வருவார்கள். துபாயின் ஆட்சியாளர் ஷேக் மொஹம்மதும் அங்கே வருவார் என்பார்கள். தொண்ணூறுகளில் ஒருமுறை நாங்கள் கராமா ஈத்காவிற்குச் சென்றிருந்தபோது ஷேக் மொஹம்மத் வந்திருந்தார், ஆனால், அப்போது அவர் துபாயை ஆட்சி செய்துகொண்டிருக்கவில்லை, பாதுகாப்புத் துறை அமைச்சராக இருந்ததாக நினைவு. இன்றைக்கு காலை ஆறு இருபதுக்கு ஈத்காவை அடைந்தபோது மைதானத்தைத் தாண்டி சாலையில்தான் இடம் கிடைத்தது. மைதானத்திற்குள் செல்லவேண்டுமென்றால் அதிகாலைத் தொழுகை முடிந்தவுடன் அங்கே இருக்கவேண்டும் என நண்பர் நேற்றிரவே பேசிக்கொண்டிருந்தார்கள். வழமைபோல் தொழுகை முடிந்ததும் ...

இந்திப் பாடல்களைக் கேட்டிராமல் தமிழ்த் திரைப் பாடல்களை மட்டுமே கேட்பவருக்கும் மகேந்திர கபூரை அறிமுகப்படுத்துவது எளிது. நீயா திரைப்படத்தின் 'ஒரே ஜீவன் ஒன்றே உள்ளம் வாராய் கண்ணா' பாடலின் இந்தி வடிவத்தைப் பாடியவர் மகேந்திர கபூர். இது ஒரு எளிய அறிமுகத்திற்காகவேயன்றி நாட்டுப்பற்றுப் பாடல்கள் என்றாலே மகேந்திர கபூர்தான் என தூர்தர்ஷன் முடிவுசெய்திருந்ததும் ஒரு காலம். என்னைப் போன்ற திருவல்லிக்கேணி ஆசாமிகள் எழுபதுகளில் 'ஏ நீலே ககன்கே டலே தர்தி கா ப்யாரு பலே' பாடலைக் கேட்காமல் உருது பேசும் மக்களின் பகுதியில் உலவியிருக்க முடியாது. அவ்வளவு பிரபலமான பாடல். இந்தப் பாடலின் மெட்டை அப்போது தமிழிலும் எடுத்தாண்டிருக்கிறார்கள். 'ஏ! அழகின் காலடியே அமைதி காண வந்தேன்' என்பதாகப் பாடல் வரிகள் இருந்தன. உருதுப் பாடல்களின் மொழியறிந்த ஈர்ப்பு உண்டாகியபோது அடிக்கடிக் கேட்கும் பல பாடல்களில் மகேந்திர கபூரின் பாடல்களும் இருந்தன. மிகக் குறிப்பாக நிக்காஹ் திரைப்படத்தின் தில்கி யே ஆர்ஸூ தி கோயி தில் ரூபா மிலே, பீத்தே ஹுவே லம்ஹோன் கி இந்த இரண்டும் ஒருவகையில் ஈர்த்தன என்றால், இதே படத்தில் வரும் பாடல...

துபாய் ஈமான் அமைப்பினர் ஏற்பாடு செய்த இஃப்தாருக்கு ஒருநாள் செல்லும் வாய்ப்பு கிடைத்தது. துபாய் தேரா அங்காடிப் பகுதியிலிருக்கும் குவைத்தி பள்ளிவாசலில் ஆண்டுகளாக செய்துவரும் இந்தப் பணி வியப்படைய வைக்கிறது. நாங்கள் சென்றிருந்த அன்று வெள்ளிக்கிழமை பள்ளிவாசலில், பள்ளிவாசலைச் சுற்றியுள்ள நடைபாதைகளில், எடுத்துக்கொண்டு செல்லும் பொட்டலங்கள் அனைத்துமாகச் சேர்த்து அன்று ஏழாயிரம் கஞ்சிக் கோப்பைகள் விநியோகம் செய்யப்பட்டிருக்கின்றன. மாலையில் இஃப்தாரிற்காக அதிகாலையில் பணி துவங்குகின்றது. காய்கறி நறுக்குவது முதல் கஞ்சி காய்ச்சுவது வரை மதியம் வரையிலும் வேலை நடக்கிறது, மதியத்திற்கு மேல் ப்ளாஸ்டிக் கொள்கலனில் ஊற்றப்பட்டு மரப்பெட்டிகளில் வைத்து விநியோகத்திற்கு எடுத்துச் செல்கிறார்கள். நோன்பு திறப்பதற்கு கஞ்சிக் கொள்கலனை வைப்பது முதல், நோன்பு திறந்த பின் இடத்தைச் சுத்தம் செய்வது வரையில் ஐம்பதுக்கும் மேற்பட்ட ஆர்வலர்கள் சேவையில் ஈடுபடுகின்றார்கள். மதவேற்றுமையின்றி இந்தப் பணிக்கு தன்னாலியன்ற பணிகளைச் செய்யும் ஒருவரையும், ஆர்வலர்களுக்காக மட்டும் தனது உணவகத்திலிருந்து தினமும் உணவு அனுப்பி வைக்கும் இன்னொருவரையு...

எ வென்ஸ்டே, நண்பர் பிரகாஷும் , நண்பர் சுரேஷ் கண்ணனும் ஏற்கெனவே எழுதிவிட்டார்கள். ஆளை அடிக்கும் திரைத்தன வழமைகள் இல்லாமல் இயல்பாக விறுவிறுப்பை உண்டாக்கி, ஓரளவிற்கே கணிக்க இயலும்படியான முடிவை அமைத்து அறிவுஜீவியோ, சராசரித் திரை ரசிகனோ யார் பார்த்தாலும் பாராட்டும்படியான அமைப்பில் இருக்கும் படம். மிஸ்டர் பொதுஜனம் பொங்கி எழுந்தால் என்ன நடக்கும்? இப்படியும் நடக்கலாம். இதுதான் கதை. எல்லாவிதமான முன்னேற்பாடுகளையும் செய்துகொண்டு, மும்பை காவல்துறைக்கு சவால்விட்டு தீவிரவாதிகளை விடுவிக்கச் சொல்லி மிரட்டி அதில் வெற்றியடைகிறார் நஸீருத்தீன் ஷா. அந்த வெற்றிக்குப் பிறகு நடக்கப்போவதை ஓரளவிற்கு ஊகிக்கமுடிந்தாலுமே, சுவாரசியம் குறையவில்லை. படத்தில் நஸீருத்தீனுக்கு பாத்திரப் பெயர் கிடையாது. பெயர் சொல்வதான காட்சியில் 'இவரது பெயரைச் சொல்ல விரும்பவில்லை, ஏனெனில் பெயர் சொன்னால் அவரை மதத்துடன் தொடர்புபடுத்தி நீங்கள் பேசக்கூடும், பெயர் வேண்டாமே' என்னும் வசனத்தை ஒலிபரப்புகிறார்கள். நஸீருத்தீனின் உருது உச்சரிப்பு, தீவிரவாதிகளுக்கு சலாம் சொல்லும் பாணி, வீட்டார்களுடன் பேசும்போது உணவுவகை கீர் (பாயசம்) குறித்த...

பாடுவோர் பாடினால் ஆடத்தோன்றும் பாலுடன் தேன்கனி சேரவேண்டும் கலைகலைத் தெய்வமாய்க் காணவேண்டும் கன்னி நீ இன்னும் ஏன் நாணவேண்டும் ம்ம்ம்... பாடுவோர் பாடினால் ஆடத்தோன்றும் இந்த வர்ணமெட்டை ரீமிக்ஸ் செய்து அதற்கு வேறு பாடல் வரிகளை எழுதினால் எப்படியிருக்கும் என நினைத்ததன் விளைவு. ***** டான்ஸ் ஹனி! நீயொரு சல்சா பேபி! ஸோமெனி ஷேக்ஸ் இனி தட்ஸ் மை ஹாபி! ஷைமக்கின் ஹ்ரித்திக்கின் ஸ்டெப்ஸில் க்ரேசி! ஸ்டார்ட் டுடே வொய் டிலே கொஞ்சம் யோசி! ம்ம்ம்... டான்ஸ் ஹனி! நீயொரு சல்சா பேபி! ஸ்டார் பக்ஸ் மேரி ப்ரௌனா பீட்ஸா டெய்ரி க்வீனா ஃபாஸ்ட் ட்ராக் டேக் கரீ.னா கம் வித் மீ செலீ.னா இன்று உனக்கென பர்த்டே வெய்ட்டிங் ஃபார் ஒரு ஃப்ரைடே இன்று உனக்கென பர்த்டே வெய்ட்டிங் ஃபார் ஒரு ஃப்ரைடே காத்த ரீனா கைஃபும் தோற்பாள் ப்யூட்டி க்வீனாய் உன்னை ஏற்பாள் ப்யூட்டி க்வீனாய் உன்னை ஏற்பாள்! (டான்ஸ் ஹனி! நீயொரு சல்சா பேபி) டேக் ஸம் காஃபி மானே பாய் ஃப்ரண்ட் இங்கு நானே லெட்'ஸ் ஹாவ் பார்ட்டி என்றால் கேர்ள் ஃப்ரண்ட் தேவைதானே எட்டி இருப்பது வீணே தொட்டி உடைக்கிற மீனே எட்டி இருப்பது வீணே தொட்டி உடைக்கிற மீனே ட்விங்க்கிள் லிட்டில் ஸ்டார்ஸ...

சில நேரங்களில் சில கற்பனைகள் தோன்றுவதுண்டு. ஒருவேளை வைரமுத்து எம்.ஜி.ஆருக்குப் பாட்டெழுதியிருந்தால் இப்படி எழுதியிருப்பாரோ என நினைத்துப் பார்த்தேன். இது விளையாட்டாகச் செய்வதுதானேயன்றி யாரையும் புண்படுத்தும் நோக்கம் சிறிதும் கிடையாது. மெட்டு: தாயில்லாமல் நானில்லை காட்சி: தாய் குறித்ததன்று; வழமையான எம்.ஜி.ஆர்.பாணிக் காட்சி நாளை நானொரு மன்னவனே! நாவில் தமிழைச் சொன்னவனே! நான்கு திசை நாட்டினிலே நல்லவர் வாக்கினில் நின்றவனே! நாளை நானொரு மன்னவனே! தேவை அறியும் கலைஞன் - நான் தேய்பிறையில்லா நிலவன் தென்னகக் காற்றின் திசைகளில் நிறையும் அண்ணனின் அறிவுரை போற்றுபவன்! என் வழிப் பாதை யார் மறித்தாலும் எதிர்கொண்டு வீழ்த்தும் நான் மறவன்! (வென்று - நாளை நானொரு மன்னவனே) ஊழி அழிக்காப் பெருமை - என் உயிர்த்தமிழ் நாட்டின் வளமை உலகினில் ஒவ்வொரு நகரிலும் கேட்க உயிர்கொடுத்திடுவேன் இது உண்மை! ஏழையின் சிரிப்பில் இறைவனைக் காணும் கொள்கையில் வாழ்வது என் தன்மை! (வென்று - நாளை நானொரு மன்னவனே) அன்புடன் ஆசாத்

அத்த ஏன் கேக்றீங்க? கோஃப்த்தா, லஹம், ரூஸ், மக்ரோனி, குப்ஸ், ஹமூஸ், லப்னா, லபன், கபாப் அப்படி இப்படின்னு எல்லாம் அராபிக் மெனு...சல்தாஹை! எல்லாம் சாப்பிட்டுப் பழகிருச்சு. ==================== ஜுமைரா பீச் ஹோட்டலுதான். இணையத்துல தேடுனா இதவிட சூப்பரான படமெல்லாம் கெடைக்கும்...ஆனாலும், எனக்கு நான் என் மொபைல்ல எடுத்த போட்டோ....வுடு ஜூட்! ==================== பிரியாணிப் பானைய சூட்டோட தூக்கிக்கினு போவணும்னா என்னா வழி, இப்படித்தான் சவுக்குக் கட்டையக் கட்டி தூக்குவாங்க. ஆனா பாருங்க நாங்க சின்ன வயசா இருந்தப்ப இதக் கட்ற்துக்கு உலக்கை கேப்பாங்க, வீட்ல உலக்கையும் இருக்கும். இப்பல்லாம் வீடுங்கள்ள கல்யாண பிரியாணி செய்றதும் கொறஞ்சு போச்சு, உலக்கையும் யார் வீட்லயும் இல்ல. ==================== 2007, மே மாசம், விஜயகாந்த் கல்யாண மண்டபம் இப்படித்தான் இடிஞ்சு கெடந்துச்சு. ==================== நம்ம பக்கத்துல ஒருதொழிற்சாலைப் பகுதில தீவிபத்து நடந்துச்சு, அப்ப அந்தப்பக்கமா வண்டில போய்க்கினு இருந்தேன். ==================== அண்ணாசாலைல டூ வீலர்ல போகும்போது இந்த எடத்துல சிக்னல்ல வண்டி நின்ணு, செல்ஃபோன எடுத்து கேமராவ ஆ...

1980, 1981 இந்த இரண்டாண்டுகள் தொழிற்சாலையுடன் உறவாடினேன். சென்னை ஆவடியில் இருக்கும் ட்யூப் ப்ராடக்ட்ஸ் கம்பெனி ஆஃப் இண்டியாவில் வடிவமைப்புப் பிரிவில் பயிற்சியாளனாகச் சேர்ந்து இயந்திரப் படங்களை வரைந்துகொண்டிருந்தேன். அந்தத் தொழிற்சாலையில் ஆண்டு விழா நிகழ்ச்சியில்தான் முதன்முறையாக குன்னக்குடியவர்களின் மேடைக் கச்சேரியைக் கேட்டேன். ஆவடி தொழிற்சாலை வளாகத்திலேயே உணவுக்கூடத்தில் கச்சேரிக்கான மேடை அமைத்திருந்தார்கள். 'பாய் போய்டாதடா, இப்பப் பாரு மகுடி வாசிப்பாரு அதக் கேட்டுட்டுப் போ' என்ற அறிவுரையின்படி குன்னக்குடியவர்கள் மகுடி வாசிக்கும் வரையில் பொறுமையாகக் கேட்டுவிட்டுச் சென்றேன். குன்னக்குடியவர்களை என்னைப் போல எம்.ஜி.ஆரை ரசிப்பவர்களால் அத்தனை எளிதில் மறந்துவிட முடியாது. தமிழ்த் திரையில் எம்.ஜி.ஆர். பாடிய இந்திப் பாடலுக்கு இசையமைத்தவர் குன்னக்குடியவர்கள்தான். ஜரீனா வஹாபுடன் நவரத்தினம் படத்தில் ஏ.பி.நாகராஜன் அவர்களின் இயக்கத்தில், குன்னகுடியின் இசையில் அமைந்தது அந்தப் பாடல். அதே நவரத்தினம் படத்தில், மேற்கத்திய + கர்நாடக இசையைக் கலந்து ஒரு பாடலில் கர்நாடக சங்கீதம் சிறந்தது என வாதாடும்...

இது திரைப்படமல்ல; திரைப்படத்தைப் பற்றிய வரைபடம்' - இப்படித்தான் பாரதிராஜாவின் மேற்பார்வையில் வெளிவந்த கல்லுக்குள் ஈரம் திரைப்படத்திற்கு விளம்பர வாசகம் எழுதியிருந்தார்கள். இயக்குநரின் வாழ்வில் நிகழும் சில பின்னனிகளாக அந்தப் படம் தொடர்ந்தது. சிவாஜி அவர்கள் இயக்குநராக நடித்த படம், சர்வர் சுந்தரம், ரகுமான் பின்னனிப் பாடகராக நடித்த படம், கமலஹாசன் திரைப்பட சண்டைக் கலைஞராக நடித்த படம் அப்படி இப்படி என தமிழில் திரையின் திரையை நீக்க முயற்சி செய்வதாக வந்த படங்கள் பல உண்டு. எல்லா படங்களுமே திரை இயக்குநர்களின், கலைஞர்களின், நடிகர்களின் தனிப்பட்ட வாழ்வினை ஒப்பனையுடனோ ஒப்பனையில்லாமலோ திரைக்கான மசாலாவைத் தடவி ரசிகனுக்குக் காட்டின. சென்ற ஓராண்டில் அப்படி திரைக் கலைஞர்களின் தனிப்பட்ட வாழ்வைப் படம் பிடித்துக் காட்டிய மூன்று திரைப்படங்கள் இந்தியில் வெளிவந்தன. நன்றாக இருக்கும் என ஏகப்பட்ட எதிர்பார்ப்புகளுடன் வந்து தோல்வியைத் தழுவியது கோயா கோயா சாந்த் (மறைந்த நிலவு அல்லது தொலைந்த நிலவு). எந்தவிதமான எதிர்பார்ப்புகளையும் உண்டாக்காமல் பத்தோடு ஒன்று பதினொன்றாக வந்து சத்தம் காட்டாமல் தோல்வியடைந்தது ஹல்லா ...

இப்படித்தான் மிகவும் ஆர்வமாக ஆர்.ஜி.வி. என்றழைக்கப்படும் ராம் கோபால் வர்மாவின் வாஸ்து சாஸ்த்ரா வை ஓடிச் சென்று அரங்கில் பார்த்தேன், திருப்தியில்லை. ஷோலேயின் மொழிமாற்றமாயிற்றேவென ஆக் திரைப்படத்தை ஓடிச் சென்று பார்த்தேன், திருப்தியில்லை. இன்றைக்கும் அப்படியே, 'ஃபூங்' கில் சிலிர்க்க வைத்திருப்பார் என நினைத்தேன், அவரது பூத் அளவிற்குக்கூட இல்லையென்றாகி பொரித்தெடுத்துவிட்டது, சல்தா ஹை. ஃபூங் என்றால் 'ப்பூ' என்று ஊதுகிறோமே அதுதான். சூனியக்காரர்கள் ஊதும் அந்த 'ப்பூ'வும் ஃபூங்க்தானாம். பிளவாளுமை, ஆன்மீகம், அமானுடம் மூன்றையும் கலந்துகட்டி ஏதோ சொல்லப்போவதான எதிர்பார்ப்பை உண்டாக்கிவிட்டு, அந்தப் பெண்மணி அஷ்வினியின் முத்துப் பல்வரிசையைக் காட்டி அச்சுறுத்த நினத்ததுதான் மிச்சமானது. ஒப்பந்தக்காரர் கதாநாயகனின் களப்பணியில் பிள்ளையார் சிலை கிடைக்க, தொழிலாளிகள் அதனைக் கோயிலாக்கவேண்டுமென்கிறார்கள், கதாநாயகன் மறுக்கிறான். தகவல் தொழில் நுட்ப வளாகம் கட்டுவதற்கு பெரிய ஒப்பந்தம் கிடைத்த மகிழ்வில் விருந்து நடக்கும்போது பணியில் சேர்ந்த இருவரின் நம்பிக்கைத் துரோகம் தெரியவர, திட்டி அனுப்...

இவ்ளோ ஒழுங்கான சாலைலயும் பாதசாரிங்க நடக்ற கோட்டுமேல வண்டிய நிறுத்தவேண்டிய அவசியம் என்னங்க? அங்க பாருங்க ரெண்டு வண்டி சரியா மஞ்சக்கோட்டு மேல நிக்கிதுங்க. ------------------------------------------------------------------------------------- நம்ம பூக்கடை திருவள்ளுவர் பேருந்து நிலையந்தான், கோயம்பேடு வந்தப்புரமா இதுக்கு மாத்தாந்தாய் கவனிப்புதான், சல்தா ஹை! ------------------------------------------------------------------------------------- மதீனாவுல எடுத்தது. அங்கயும் ஸ்டார் பக்ஸ் இருக்கு. ஹில்டன் இண்டர்கான், ஓபராய், மூவன் பிக்கெல்லாமும் ஒரே தெருவுல பக்கத்துப் பக்கத்துல இருக்றது மதீனாவுலதான்னு சொல்லுவாங்க. வேற எங்கியாச்சும் அப்படி பக்கத்துல பக்கத்துல இருந்தா வெவரம் தெரியப்படுத்துங்க. ------------------------------------------------------------------------------------- அதையேன் கேக்றீங்க, திண்டிவனம் பக்கத்துல எங்கியோ நெரிசலாகி அதுபாட்டுக்கு ரெண்டு மூணு மணிநேரத்துக்கு போக்குவரத்து நிண்ணுபோச்சு. ஓட்டுனருங்க மாநாடு போடத் துவங்குனாங்க. -------------------------------------------------------------...

அமானுடத்தின் மீதான பயம், ஆச்சரியம் இவற்றிலிருந்து நான் தப்பிப் பிழைத்தவன் அல்லன். எங்கள் சென்னை - அல்லிக்கேணி - மீர்சாகிப்பேட்டை - அமீருன்னிசா அறக்கட்டளையின் இடுகாட்டு வாயிலை இரவு நேரங்களில் கடக்கும்போது திகிலுடனும் கடந்திருக்கிறேன். பள்ளிப் பருவம் முடித்து சென்னை சத்யம், ஆனந்த், சஃபையர், சன் திரையரங்குகளுக்கு மாலைக் காட்சியோ இரவுக் காட்சியோ சென்றுவரும்போதும் அந்த வாயிலைக் கடப்பது வழக்கமாகிப் போனதால், மெள்ளமெள்ள திகில் விட்டுப்போனது. இப்படியான வழமைகளும், கொஞ்சம் தைரியமும், சற்றே வாழ்வின் மீதான பிடிப்பை ஒத்தி வைப்பதும் அமானுடத்தின் மீதான பயத்தை விலக்கி வைக்கும் போலிருக்கிறது. புரசைவாக்கத்தில் ஒரு சுருள் கதவின்மேல் (ரோலிங் ஷட்டர்) ஆயத்த ஆடைகளின் படத்தை வரைந்துவிட்டு, நள்ளிரவில் பொடி நடையாக 'தௌலத் ஆர்ட்ஸ்' தௌலத்துடன் புரசையிலிருந்து மீர்சாகிப்பேட்டைக்கு வரும் வழியில் மத்திய சிறைச்சாலைக்கு அருகில் இருக்கும் கிறித்துவ இடுகாட்டையும், முணுக்முணுக்கென விளக்கெரிந்த பாடிகாட் முனீஸ்வரர் ஆலயத்தையும் கடந்தபோது திகில் கொள்ளாததன் காரணம் அந்நேரத்தில் (வேலை இல்லாமல்) வாழ்வின் மீதான பிடிப்பு கொஞ...