Skip to main content

Posts

Showing posts from 2009

என்னுடைய 2009

தொழில், குடும்பம் விடுத்து வெளியே வேறெதுவும் குறிப்பிடத்தக்க செய்திகள் எதுவும் என்னிடம் 2009இல் கிடையாது. அனைத்தும் பொதுவாக எல்லாரிடமும் கிடைக்கும் செய்திகளே. இரண்டு மூன்று ஆங்கில அதிவிற்பனைகளைப் படிக்க முடிந்தது (வொயிட் டைகர், அல்கெமிஸ்ட், தௌசண்ட் ஸ்ப்லெண்டின்ட் சன்ஸ்). மணிஷங்கர் அய்யரின் இரண்டு புத்தகங்களை (பாக்கிஸ்தான் பேப்பர்ஸ், கன்ஃபஷன்ஸ் ஆஃப் எ செக்யூலர் ஃபண்டமெண்டலிஸ்ட்) மேலோட்டமாக மேய முடிந்தது. வழமைபோல் அவ்வப்போது கிடைக்கையில் படிக்கும் புத்தகங்களாக ஒன்றிரண்டு தமிழில் படித்தேன். சுஜாதாவின் விஞ்ஞானக் கதைகள், சிறுகதை எழுதுவது எப்படி, மீண்டும் ஒருமுறை வெங்கடேஷின் இருவர், கொஞ்சம் அப்துற்றஹீம், இலங்கைக் கவிஞர் ஜின்னா ஷர்புத்தீனின் திருநபி காவியம். சில இப்படி அங்கொன்றும் இங்கொன்றுமாக இலக்கின்றி சென்றது. ரூமிசாஹேபின் சூபியிசம் கொஞ்சம் படித்திருக்கையில் நண்பர் அய்யனார் கேட்க அவரிடம் தந்திருக்கிறேன். அவர் திருப்பித் தந்ததும் படிக்கத் துவங்கவேண்டும். பதிவுகள் 30ம், இன்னொருவரின் மரபுக்கவிதையைப் படியெடுத்தலில் 100 பக்கங்கள் தட்டச்சு செய்ததும் கணக்கில் சேர்ந்திருக்கின்றன. சென்ற வருடம் தௌசண...

வேட்டைக்காரன் - புதிய சண்டைக்காட்சிகளில் எனது எதிர்பார்ப்பு

தற்போதைய ஸ்டண்ட் மாஸ்டர்கள் கனல் கண்ணன், பீட்டர் ஹெய்ன் இருவரும் சராசரியான உடல் அமைப்பு கொண்டவர்கள், இருவரின் சண்டைக்காட்சிகளையும் ரசித்திருக்கிறேன். அன்றைய ஸ்டண்ட் மாஸ்டர்களுள் எம்.ஜி.ஆரின் ஆஸ்தான ஸ்டண்ட் மாஸ்டர் ஷ்யாம் சுந்தரையும் இதில் சேர்க்கலாம். ஸ்டண்ட் மாஸ்டராக இருக்கவேண்டுமென்றால் ஆஜானுபாகுவாக இருக்கவேண்டிய அவசியமில்லை என்பதை நிரூபித்தவர்கள் இவர்கள். கனல் கண்ணன் அவர்கள் நடிப்பிலும் ஒரு காலை ஊன்றிக்கொண்டார். சில படங்களில் சண்டைக் காட்சிகளில் கதாநாயகனிடம் தோற்பதையும் நகைச்சுவையாக்கி சிரிப்பை வரவழைத்திருப்பார். சிலம்பரசனுடன் பெண்ணிடம் நேரம் கேட்பதில் உண்டாகும் சண்டையில் சிலம்பரசன் இவரைத் துவைத்தெடுத்த பின் மணி சொல்லும்போது ராகுகாலம் எமகண்டம் சூலம் உட்பட எல்லாமுமாக இவர் சொல்லிய நகைச்சுவைக்கு நான் ரசிகன். கமலின் அவ்வை ஷண்முகி வேடமிட்ட சண்டைக்காட்சி, ரஜினிக்கு சிவாஜியில் பாடலுடன் அமைந்த சண்டைக்காட்சி என்று கனல் கண்ணன் நடித்த ஸ்டண்ட்களில் சிரிப்பையும் வரவழைத்த ஸ்டண்ட்கள் சிலவற்றைச் சொல்லலாம். எனது நினைவாற்றல் சரியாக இருக்குமானால் ரஜினி-25 விழாவில் ரஜினிகாந்த் நடித்த சண்டைக்காட்சிகளை ம...

பா - திரைப்படம் எனது பார்வையில்

நமது விஜயகாந்த் அவர்கள் திரையில் செய்துகாட்டும் அதிரடி அரசியல் சமாசாரங்களை அபிஷேக்கும் திரையில் செய்கிறார். நில ஆக்கிரமப்பை அகற்றி அரசு ஏழைகளின் வாழ்வைக் குலைக்கிறது என்று மக்களுக்காக மேம்போக்காக வாதாடும் செய்தி நிறுவன ஆள்களின் வீடுகளை ஆக்கிரமிக்க குடிசைப்பகுதி மக்களை அனுப்புகின்றார். செய்தியாளர்களின் எதிர்வினையை நேரடி ஒளிபரப்பில் மக்களுக்குக் காட்டி, நான் செய்தது தவறென்றால் என்னைக் கைது செய்யுங்கள் என தொலைகாட்சியில் பேசுகின்றார். நேற்றைய கதாநாயகர்கள் திரையில் காதலிக்காக இரவு முழுதும் வீட்டு வாசலில் காத்திருப்பதை அபிஷேக்கும் செய்கிறார். பாராளுமன்ற உறுப்பினராக இருந்து எப்பொழுதும் அருகில் இரண்டு மெய்க்காவலர்களுடன் சுற்றும் அபிஷேக்கை இந்நேரத்தில் மட்டும் மெய்க்காவலர்கள் பிரிந்தார்கள் என ஏரணம் பார்த்தால் குழப்பமே மிஞ்சும், சல்தாஹை! 'அவன் உன குழந்தையில்லேன்னு சொல்லிடு. இல்லேன்னா பத்திரிகைக்காரங்க உன் பேரைக் கெடுத்துருவாங்க. ஒருவேளை எவனாச்சும் எதுனா பேசுனா...நீ என் மகன்டா, யாராச்சும் உன் பேரைக் கெடுத்தாங்க அவங்களக் கொன்னுருவேன்' என அப்பா அரசியல்வாதி (பரேஷ் ராவல்) மகனிடம் உறுமுகிறார்,...

குர்பான் - திரைப்படம் எனது பார்வையில்

ஒரு தீவிரவாதி தீவிரவாதத்தில்தான் குறியாக இருக்கவேண்டுமே தவிர காதலிக்கக்கூடாது. இதுதான் படத்தின் மையக் கருத்து. தில்ஸே, மிஷன் கஷ்மீர், ஃபனா வகையறாக்களில் ஏற்கெனவே வந்து ரசிகனுக்கு பழசாகிப்போன கதைதான், பலர் எழுதி ஓடி ஓய்ந்துபோன இதுபோன்ற கதைக்கருவில் புதிதாக ஏதாவது சொல்கிறார்களா என்று பொறுமையாக அமர்ந்து படம் முழுக்கப் பார்த்ததில் நேரம்தான் வீணானது. அரங்கிறகுச் சென்று பார்த்ததால், தேவையற்று நீளும் காட்சிகளை ஓட்ட இயலாமல் அதற்கு பதிலாக சரியாகப் பொரியாத சோளப்பொறிகளில் அடர்ந்திருக்கும் உப்பையும் காரத்தையும் நறுக்கெனக் கடித்துச் சுவைத்து ரசிக்கவேண்டியதாகிப் போனது. எனது பார்வையில் இது ஏமாற்றத்தைத் தந்த படம். தீவிரவாதம், இஸ்லாம், காதல் இவற்றின் கலவையை தேர்ந்த எழுத்தாளரிடம் தந்தால் திரைத்தன மசாலா சேர்த்தாலும் சேர்க்காவிட்டாலும் குறைந்தபக்கமாக சர்ச்சைக்குறிய பல விவரங்களை அடுக்கித் தள்ளி பாமர ரசிகனோ, உலகப்பட ரசிகனோ யாராக இருந்தாலும் கொஞ்சமேனும் அவர்களை யோசிக்கவைக்கலாம். இந்தியா, பாகிஸ்தான், ஆப்கானிஸ்தான் என மூன்று வெவ்வேறு நாட்டினர் முதன்மைக் கதாபாத்திரங்களாக அமைந்து வீடுகட்டி அடிக்கவேண்டிய வசனங்களை...

ஜான் ஜான் கஹ்க்கே மேரே ஜான் லேகயே

ஒரு இடைவெளிக்குப் பிறகு இந்தியில் நல்ல மெல்லிசையைக் கேட்கிறேன். http://ww.smashits.com/music/hindi-film/songs/24710/wanted.html# நீங்களும் கேட்கவேண்டுமென்றால் சுட்டியைச் சொடுக்கு Dil leke என்று துவங்கும் பாடலைச் சொடுக்கிக்கேளுங்கள், உங்களுக்கும் பிடித்தாலும் பிடிக்கலாம். தென்னிந்திய இயக்குநர்களை வடக்கத்திக்காரர்கள் கண்டுகொள்ளமாட்டார்கள் என்பதால் இந்தப் பாடலின் மெல்லுணர்வுக்கும் பிரபுதேவாவுக்கும் ஏதும் சம்மந்தமில்லை என்பதாகத்தான் வடக்கத்திக்கரர்கள் நினைத்துக்கொள்வர்கள். மேரே ஜீவன் சாத்திக்கும், தேரே மேரே பீச்சுமேவுக்கும் பாலசந்தருக்கும் சம்மந்தமில்லாததுபோலத்தான் எண்பதுகளின் துவக்கத்தில் நடந்துகொண்டார்கள். அதேதான் இப்போதும் நிகழ்கிறது. நடனத்தில் வடக்கில் பிரபுதேவாவின் பெயர் உச்சரிக்கப்படுவதாலேயே ஓரள்விற்கு 'வாண்டட்' திரைப்படத்தில் பிரபுதேவா குறித்துப் பேசுகிறார்கள், ஒருவேளை பிரபுதேவா முருகதாஸைப் போல் இயக்குநராக மட்டும் இருந்திருந்தால், இந்தி கஜினியில் முருகதாஸ் கண்டுகொள்ளப்படாததைப்போல் பிரபுதேவாவையும் விட்டிருப்பார்கள். வடக்கு வாழ்வதற்கும் தெற்கு தேய்வதற்கும் வடக்கத்திக்காரர்களை ...

அப்துல் மாலிக்

http://www.arabnews.com/?page=1&section=0&article=127263&d=11&m=10&y=2009 ஜித்தா நகரில் வசிக்கின்ற தமிழ் நண்பர்களுக்கு அறிமுகமான அப்துல் மாலிக் என்னும் மாலிக் பாய் நேற்று மரணம் அடைந்தார். சவூதி அரேபியாவில் இந்தியத் தூதரகத்தின் தலைமையில் இயங்கும் இந்தியப் பள்ளிகளுடன் தொடர்புள்ள அனைவருக்கும் அப்துல் மாலிக் அவர்களைத் தெரிந்திருக்கும். இந்தியப் பள்ளிகளின் உயர்மட்டக் குழுவில் இருந்தவர். இந்தியத் தூதருடன் நல்ல நட்புறவு கொண்டிருந்தவர். இந்தியத் தூதரகத்தில் தமிழ் தொடர்பான எந்த விவரத்திற்கும் முதலில் முன்மொழியப்பட்ட பெயர் அப்துல் மாலிக்தான். தொழிலில் அப்துல் மாலிக் அவர்கள் பதிப்பு+அச்சுத்துறையைச் சேர்ந்தவர். பதிப்பகத்தில் சந்தையாக்கப் பிரிவின் மேலாளராக இருந்தார். ஏகப்பட்ட பொதுநலச் சேவைகளுக்கு மத்தியில் தொழிலிலும் சிறப்பாகச் செயல்பட்டு செல்வச்செழிப்புடன் வாழ்ந்தவர். ஜித்தா வாழ் தமிழர்களுக்கு தலைவர் என்றால் அப்துல் மாலிக் என்னும் பெயர்தான் அறிமுகமாகியிருந்தது. மாலிக் பாயின் சமூக அந்தஸ்து குறித்தோ, பொதுவாழ்வில் அவர் பங்கேற்ற சேவைகள் குறித்தோ இங்கே பேசப்போவதில்லை, மாறாக அவர் எப்...

கதையக் கந்தலாக்கிட்டிய கமல் சார்! (உ.போ.ஒ. எனது பார்வையில்)

அந்த டி.வி.ந்யூஸ் பொண்ணுக்கும் மஃப்டிலக்ற பாய் இன்ஸ்பெக்டருக்கும் லவ்ஸு வுட்டு, சும்மா சுவுஸ்ஸு பிரான்ஸுன்னு போயி, 'Oh my dear நீ police எந்தன் heartஐ you take lease'ன்னு இங்கிலீஷெல்லாம் போட்டு ஒரு ட்ரீம் ஸாங் வுட்டிர்ந்தியானா எத்தினி தபா டாப் டென்ல அது வந்திர்க்கும், படத்துக்கு இன்னா அடிடேஸ்மெண்டு, சான்ஸ வுட்டுட்டிய கமல் சார். ட்ரெய்ன்ல போவுத கொழந்தையோட அந்தப் பொண்ணு அப்ப அந்தக் கொழந்தை அப்பாவத் தேடி அழுவ்றாமேறி ஒரு சீன் வெச்சு, ஒரு தாலாட்டுப் பாட்டு வுட்டிர்ந்தேன்னு வெய்யி, லேடீஸ் செண்டிமெண்டுல கல்லா கட்டியிருக்கலாம் சார். ஆர்டிஎக்ஸ் ப்ரோக்கர மண்ணடில வெச்சு சுர்ராமேறி ஏன் சார் சீன் வெச்ச? அந்த ப்ரோக்கரு நைட் க்ளப்புல தண்ணியடிச்சுக்கினு இருக்கான், அப்ப அந்த க்ளப்புல பத்துபாஞ்சு ஐட்டங்க நிஜார் போட்டுக்குனு டிஸ்கோ ஆடணும், ஐட்டம் சாங்குக்கு இந்திலேர்ந்து ஹூமாகானுகீமாகானுன்னு ஆரையாச்சம் கொணாந்து ஆட வுட்டு, அங்க இன்ஸ்பெக்டரு பூந்து க்ளப்புல நாலஞ்சு பீர் பாட்ல சுட்டுட்டு அப்பாலிக்கா ப்ரோக்கர சுர்ரமேறி சீனு இர்ந்தா இன்னா கெத்தா இர்ந்திருக்கும்? பாட்டுக்கு பாட்டும் ஆச்சு, பைட்டுக்கு ஃ...

எ தௌசண்ட் ஸ்ப்லெண்டிட் சன்ஸ் - புத்தகம் எனது பார்வையில்

ஹராமி - பாஸ்டர்ட் - முறைதவறிப் பிறந்தவன்/ள், இதற்கான சரியான தமிழ்ச் சொல்லைத் தேடிக்கொண்டிருக்கிறேன். மரியம் முறைதவறிப் பிறந்தவள். பீங்கான் குவளையைக் கைதவறவிட்டபோதுதான் முதன் முதலாக தனது அம்மாவே தன்னை அப்படி அழைப்பதைக் கேட்கிறாள் மரியம். "ஹராமீ!" அப்போது அவளுக்கு வயது ஐந்து. அங்கிருந்து துவங்குகிறது அவள் கதை. சோவியத்தின் ஆக்கிரமிப்பு, தாலிபான் கட்டு என ஆப்கானின் வரலாறு மட்டும் இந்நாவலுடன் சொல்லப்பட்டிருக்கவில்லையென்றால் ஒருவேளை பெண்ணின் பெருமை பேசும் இன்னொரு புத்தகம் இது என ஒதுக்கியிருக்கலாம். இந்நாவலின் மையமாக இருக்கும் மரியத்தின் வாழ்க்கை மட்டும் தினசரி நாம் கேள்விப்படும் பிரச்சனையாக இருந்திருக்குமேயானால் ஏதோ ஒருதொலைக்காட்சித் தொடருக்கான கதை என்று ஒதுக்கியிருக்கலாம். இவை இரண்டும் இல்லாமல் பிறப்பு முதல் ஏளனத்தையும் ஏமாற்றத்தையுமன்றி வேறெதையும் சந்திக்காத பெண்ணின் வாழ்வில் சோவியத் ஆக்கிரமிப்பும் தாலிபானிய கட்டுப்பாடும் கைகோத்துக்கொண்டு இன்னமும் விதியின் விளையாட்டை குரூரமாக்கிய கதை. தனது பிறப்பும் விதியும் தன்னுடன் விளையாடியதால் அவள் வாழ்வின் ஒவ்வொரு பருவத்திலும் துயரத்தையே சந்...

அல்கெமிஸ்ட் - எனது பார்வையில்

சில படைப்புகள் பரவாயில்லை ரகத்தில் இருப்பதாக எனக்குத் தோன்றுகையில் அதே படைப்பு பலரால் ஆஹா ஓஹோ என்று பாராட்டப்படுகையில் எனது ரசனையின் மீது சந்தேகம் வருகின்றது. எனக்கு சரியாக ரசிக்கத் தெரியவில்லையோ, எங்கேனும் தவறு செய்கிறேனோ, ரசனையில் திருத்தம் தேவைப்படுகிறதோ என்றெல்லாம் எண்ணத் தோன்றுகிறது. காட்டாக, கமீனே திரைப்படம் மோசமாக இருப்பதாக எனக்குத் தோன்ற, படம் வடக்கே சக்கைபோடு போட ஷாஹித் கபூர் சம்பளத்தை 15கோடியாக உயர்த்திவிட்டார். வெகுஜன ரசனையுடன் எனக்கு ஒத்துப்போகவில்லை, சல்தாஹை! ஆனந்தத் தாண்டவம் (பிரிவோம் சந்திப்போம்) அத்தனை மோசமாகத் தோன்றவில்லை. தமன்னாவின் நடிப்பு மதுமிதா பாத்திரத்திற்கு ஏற்றாற்போலவே இருந்ததாகவே எனது பார்வை சென்றது. நண்பர்கள் ஆனந்தத் தாண்டவத்தை மோசமென ஒதுக்கினார்கள். 'பினாத்தல்' சுரேஷ் தவிர்த்து வேறெவருடனும் எனது பார்வை ஒத்துப்போகவில்லை. இதற்கு சல்தாஹை சொல்லிப்போக இயலவில்லை. எங்கோ நான் தவறு செய்கிறேன் என்றே எண்ணத் துவங்கினேன். பௌலோ கோயெல்ஹோவின் அல்கெமிஸ்டைப் படித்ததும் அப்படியொரு நினைப்பு மீண்டும் உருப்பெற்றது. மனதின் அழைப்பதை ஏற்று ஸ்பெயினில் இருந்து எகிப்துவரையில் ...

இந்தியச் சந்தைக்கு ஹார்லி டேவிட்சன் இருசக்கரம்

சென்னையில் வாகனம் குறித்த பேச்ச்சைத் துவங்கினாலே உடன் வரும் இன்னொரு கேள்வி, 'மைலேஜ் என்ன?'. இப்போதைக்கு அதிகமாகப் புழங்கும் இருசக்கரங்கள் லிட்டருக்கு 45கி.மீ. முதல் 60கி.மீ. வரையில் தருகின்றன. தயாரிப்பு, சி.சி., வண்டியின் பராமரிப்பு, நகருக்குள் ஓட்டுவது, நெடுஞ்சாலையில் ஓட்டுவது இன்ன பிற காரணிகளால் இது மாறுபடும். இருசக்கரங்களில் மைலேஜ் மட்டுமே பயனரின் குறிக்கொள் அல்ல என்பதற்கு உதாரணமாக ஆக்டிவா இருக்கிறது. 35கி.மீ. முதல் 40கி.மீ வரைதான் கிடைக்கும். வேரியோமேட்டிக் கியரில் சுசுகி அக்ஸஸின் மைலேஜ் குறித்து தகவல்களை இன்னும் சரிபார்த்துக்கொள்ளவில்லை. லிட்டருக்கு 35கி.மீ. தரும் ராயல் என்ஃபீல்டும் பல ரசிகர்களைக் கொண்டிருக்கிறது. பெட்ரோல் குடிக்கும் சூப்பர் பைக் வகையறாக்களில் தலையாய கரீஸ்மாவும் நாடறிந்த பயனர் சிலம்பரசனைக் கொண்டிருக்கிறது. ஒரு பக்கம் மைலேஜைக் கேட்டு, சி.சி.யைப் பார்த்து, பராமரிப்புச் செலவைப் பார்த்து என்னைப்போன்ற நடுத்தரவர்க்கத்தினர் இருசக்கரத்தைத் தேர்ந்தெடுத்தாலும், இன்னொரு பக்கம் மைலேஜ் குறித்து கவலையேபடாத பயனர்களும் இருக்கிறார்கள். அப்படி மைலேஜ் குறித்து கவலைப்படாத மேட...

அமீரக வலைப்பதிவர் சந்திப்பு (28.8.09)

பணிநிமித்தமாக ஷார்ஜாவுக்கு பலமுறை சென்று வந்திருந்தபோதும், எனது வண்டியை எடுத்துக்கொண்டு ஷார்ஜாவுக்குள் செல்வது இது இரண்டாவது முறை. இரண்டாவது முறையும் நண்பர் ஆசிபின் வீட்டிற்குச் செல்லவேண்டிதான் ஷார்ஜா விஜயம். ஓராண்டுகால வாகனயோகம் ஷார்ஜா நுழைவிற்கு ஏனோ அதிக வாய்ப்பளிக்கவில்லை. உம்-அல்-குவைன், அஜ்மான் என்று பரவிக்கிடக்கும் நண்பர்களின் வீட்டிற்குச் செல்லும்பொழுதெல்லாம், ஷார்ஜாவுக்குள் நுழைந்து வெளியேறி அடுத்த நகருக்குள் நுழையத்தான் வாய்ப்பு கிடைத்திருக்கிறதே தவிர, உள்ளே நுழைந்து ஒவ்வொரு ரவுண்டாணாவாகச் சுற்றி நகரின் நீள அகலங்களில் கவனம் செலுத்தும் வாய்ப்பு கிடைக்கவில்லை. எனது வண்டியில் முதன்முறை ஆசிபின் வீட்டிற்குச் செல்லும்போது எந்தக் குழப்பமும் இல்லாமல் சென்றேன். நேற்று சென்றபோது மிகவும் குழப்பிவிட்டது. துபாயிலிருந்து அல்கான் பகுதி வரையில் சரியாகச் சென்று அல்கானில் ஒரு ரவுண்டாணாவைத் தவற விட்டதால், எங்கெங்கோ சுற்றி ஒருவழியாக இடத்தைப் பிடித்தோம். திரும்பும்போதும் ஒரு நேர்வழியைத் தேர்ந்தெடுத்து சென்றுகொண்டிருக்கையில் திடீரென்று சந்தேகம் வந்து இடையில் நிறுத்தி நண்பர் சுபைரை இறங்கி வழிகேட்கச்...

கந்தசாமி திரைப்படமும் சில பாகுபாடுகளும்

துபாய் வந்ததில் இருந்து விரும்பும் படமென்றால் அரங்கிற்குச் சென்று பார்ப்பதை வழமையாக்கி வைத்திருக்கிறேன். இதில் சினிப்ளெக்ஸ்ஸிற்கு வரும் ரசிகர்களுக்கும், தமிழ்த் திரைப்படங்களுக்கு சினிப்ளெக்ஸ் அல்லாத கேலரியாவிற்கு வரும் ரசிகர்களுக்கும் அடிப்படையில் வித்தியாசங்கள் இருக்கின்றன. சீட்டு விலையில் எந்த வித்தியாசமும் இல்லாமல் இரண்டு அரங்கங்களிலும் முப்பது திர்ஹம்கள்தான் என்றபோதிலும் இரண்டு இடங்களிலும் ரசிகர்களை நடத்தும் விதம் வெவ்வேறாக இருக்கின்றது. இளைஞர்களை ஈர்க்கும் ஷாஹித் கபூர் + பிரியங்காவின் 'கமீனே' சென்றிருந்தேன். அரங்கம் கிராண்ட் சினி சிட்டி - அல்குரைர். கவுண்டரில் இருந்த பிலிப்பினோப் பெண்மணி, 'விச் சீட் சார், திஸ் ஈஸ் ஓக்கே சார்' இத்தியாதிகளுடன் கணினித் திரையில் காட்டி சீட்டு கிழித்துத் தருகிறார். தேவையென்றால் இணையதளத்தில் தேவைப்பட்ட இருக்கையைத் தேர்ந்தெடுத்து கடனட்டையில் சீட்டு வாங்கியும் சொகுசாகச் செல்லலாம். அரங்கினுள்ளும் எந்தத் தள்ளுமுள்ளும் கிடையாது. சொகுசான அனுபவமாக இருக்கும். டார்ச் லைட் அடித்து இருக்கையைக் காட்டும் உதவியாளரும் பணிவாகவே நடந்துகொள்வார். ரசிகர்களு...

லக் திரைப்படம் - எனது பார்வையில்

நான்காண்டுகளுக்கு முன்னர் அஜய் தேவ்கனின் 'கால்' திரைப்படம் குறித்து எனக்கும் பதின்மவயது நண்பர்களுக்கும் சில கருத்து வேறுபாடு இருந்தது. திரைப்படம் அத்தனை பொழுதுபோக்காக இல்லையென நானும், அப்படியெல்லாம் இல்லை பொழுதுபோக்காகத்தான் இருந்தது என்று பதின்மவயதினரும் உரையாடிக்கொண்டோம். இப்பொழுது ஷ்ருதி ஹாஸன் மட்டும் 'லக்' திரைப்படத்தில் நடித்திருக்கவிலையென்றால் கால் படத்தை இயக்கினார் என்பதைத் தெரிந்த பின்னர் இயக்குனருக்காகவும், சஞ்சய் தத்திற்காகவும் மட்டுமே லக்கைப் பார்த்திருப்பேனா என்பது சந்தேகமே. ஷ்ருதிக்காகத்தான் முதல்நாள் படத்திற்குச் சென்றிருந்தேன். லக்கை நல்ல பொழுதுபோக்குப் படமாக உணர்கின்றேன். திரைப்படங்களை சிலர் குப்பையென்று ஒதுக்குவதற்கும் ஆஹா ஓஹோ என்று பாராட்டுவதற்கும் அவரவர் தேவை, ரசனை, அணுகுமுறை, சமுதாயச் சிந்தனை, அறிவு முதிர்ச்சி இப்படியான பல காரணிகள் உண்டென்பதை அடிக்கடி நினைவுபடுத்திக்கொண்டே ஒவ்வொரு படத்தையும் அணுகுவதால் எதிர்பார்க்கும் விஷயம் திரைப்படத்தில் கிடைக்காமற்போனாலும் தேவையற்ற ஏமாற்றங்களைத் தவிர்க்க முடிகின்றது. அப்படியிருந்தும் சில சமயங்களில் சில படங்கள் பொர...

அமீரக வலைப்பதிவர் சந்திப்பு 19.7.2007

ஷப்-யே-மிராஜ் தினத்தன்று அமீரகத்தில் அரசாங்க விடுமுறை. இந்த வழமை சவூதியில் கிடையாது. அமீரகத்தில் இரவுநேர சிறப்புத் தொழுகைக்கான ஏற்பாடுகள் உண்டு. சவூதியிலலும் சிறப்புத் தொழுகைகள் உண்டென்ற போதிலும், அங்கே ஈகைத் திருநாள், தியாகத் திருநாள் என்று இரண்டு பெருநாள்களின் முன்னும் பின்னுமாக நீண்ட விடுமுறைகள் தருவதால் நாட்கணக்கு நேராகிவிடுகின்றது. சனிக்கிழமையன்றும் விடுமுறையிலிருக்கும் கொடுத்துவைத்தவர்களுக்கெல்லாம் வெள்ளி, சனி, ஞாயிறென்று மூன்று நாள் விடுமுறையாகிவிட சிலர் அவரவர் ஊருக்கும் அருகிலிருக்கும் நகரங்களுக்கும் பறந்தார்கள். நண்பர் ஆசிப் அறிவித்ததன் பேரில் சங்கட் சிட்டி திரைப்படத்தைத் தவிர்த்து நான் வலைப்பதிவர் சந்திப்பிற்குச் செல்ல முடிவு செய்தேன். சந்திப்பில் படம் காட்டுவதற்காக சில புத்தகங்களை அள்ளிப் போட்டுக்கொண்டேன். அள்ளிய புத்தகங்களுடன் அப்பொழுதே வாங்கிய அல்கெமிஸ்ட்டையும் எடுதுக்கொண்டேன். இதுபோன்ற வேலைகளை ஆசிப், அய்யனார் இவர்களே இதுவரையில் பதிவர் சந்திப்பில் செய்வார்கள். சென்ற சந்திப்பில் கிட்டத்தட்ட இதே இடத்தில் அவர்கள் புத்தகக் கடை விரித்தார்கள், இந்த சந்திப்பில் நான். சுபைரையும் அ...

அமீரக வலைப்பதிவர் சந்திப்பும் சில எண்ணங்களும்

அண்மையில் சந்தித்த இளைஞர்களின் கடமையுணர்ச்சியும் அணுகுமுறையும் பாராட்டும்படி இருந்தது. இருக்கின்றார்கள். * துபாயில் இருக்கும் கல்லூரி ஒன்றில் நிர்வாகம் பயிலும் மாணவி தனது புறத்திட்டு ஒன்றிற்காக நேர்காணல் எடுக்க வந்திருந்தார். 'எப்படி என்னைத் தேர்ந்தெடுத்தீர்கள்' என்று கேட்டேன். 'எனக்குக் கிடைத்த பட்டியலில் அகரவரிசைப்படி முதலில் உங்கள் பெயர் இருந்தது, நேரம் கேட்டேன் நீங்களும் சரியென்றீர்கள், வந்துவிட்டேன்' என்றார். 'நீங்கள் ஏதாவது கேட்கிறீர்களா, இல்லை நான் எனது பணி குறித்த விவரங்களைச் சொல்லட்டுமா, உங்களுக்கு எது வசதி' , என்றேன். 'நீங்களே சொல்லுங்கள்' என்றார். கால்மணிநேர விவரிப்பிற்குப் பின் 'இது மேலோட்டமான விவரம்தான் இன்னமும் விளக்கமாகச் சொல்லலாமா? இவற்றை உங்களால் கிரகிக்க முடிகின்றதா?' என்றேன். 'அய்யா, நானும் இது மேலோட்டமாகச் செல்வதாகவே உணர்ந்தேன், எனக்கு இன்னமும் அதிகமான விவரங்கள் தேவை' என்றார். அவர் மாணவியா நான் மாணவனா என்று கொஞ்சம் யோசித்து அவருடைய கால்மணி நேரத்தை வீணாக்கிய குற்ற உணர்வில் நுணுக்கமான விவரங்களைப் பகிர்ந்துகொண்டேன். ந...

பில்லூ ரானியும் கஜுராரேயும் - சில கோவையற்ற எண்ணங்கள்

இந்த வடக்கத்திய தபேலா அடிக்கு எப்பொழுது ரசிகனானேன் என்பது நினைவில் இல்லை. சிறிய வயதில் இஸ்லாமியப் பாடகர்களுடன் சுற்றிக்கொண்டிருந்த காலத்தில் 'காதர்வலி தர்பாரல்லா அல்லா! கஞ்ச்-ஏ-ஸஃபாய் தர்பாலல்லா அல்லா! ஆஹா பிரமாதமல்லா அல்லா!' என்னும் வரிகளுக்கு உடன் குமுக்குகுமுக்கென குமுக்கிய தபேலா ஈர்த்ததா? அதற்கும் முன்னால் ஜவார் உசேன்கான், முகமது உசேன்கான் தெருக்களில் கவ்வால் அட்டா அலி ஆசாத்தின் சாதகத்தின்போது ஒலித்த தபேலா ஈர்த்ததா? 'ஹை அகர் துஷ்மன்' என்னும் ஹம் கிஸிஸே கம் நஹீன் திரைப்படத்தின் கவ்வாலி ஈர்த்ததா? அஜீஸ் நாஸானின் 'ஜூம் பராபர் ஜூம் ஷராபி' ஈர்த்ததா? அமர் அக்பர் அந்தோணியில் அக்பர் இலாஹாபாதி (ரிதி) பாடிய 'பர்தா ஹை பர்தா ஹை'? லைலா மஜ்னூவின் 'ஹோக்கே மாயூஸ்'? சரியாகச் சொல்லத் தெரியவில்லை. எது முதலில் ஈர்த்தது என்று சொல்ல இயலாவிட்டாலும் இன்றைக்கும் தலையாட்ட வைக்கிறது தபேலா குமுக்கு. ஜித்தாவில் இருக்கும் எனது நண்பருக்கு கோடி கொட்டிக்கொடுக்கலாம். என்னைப்போலவே வடக்கத்தி வாசம் பிடித்துப்போனவராக இருப்பதால் வீர்-ஸாராவின் 'ஆயா தேரே தர்பர் தீவானா'...

பைக் பிரியர்களுக்காக

இங்கிருந்து வெளியாகும் 'Wheels' வாரப் பத்திரிகை காணக் கிடைத்தது. பல பகுதிகள் நம்மை ஈத்தாலும் கடைசியாக கண்கள் அதிகமாக மேய்வது விலைப்பட்டியலில்தான். இணையத்தில் உலவினால் சொடுக்கில் கிடைக்கும் விலைப் பட்டியல்தான். ஆனாலும், ஒவ்வொரு தயாரிப்பாக தேடிப் பார்த்து வகையைத் தேர்ந்தெடுத்து விலையைப் பார்ப்பது வாகனத்தில் அதீத ஆர்வமுள்ளோர்களால் மட்டுமே முடியும். மொத்தமாக ஒரே இடத்தில் பட்டியல் இருந்தால் போகிறபோக்கில் விலையைப் பார்த்துவிட்டுப் போகலாம், வாங்க யோசிக்கலாம் இல்லையென்றால் பெருமூச்சாவது விட்டுக்கொள்ளலாம். சில பெருமூச்சுகள் எனக்கென்றே வாய்த்திருக்கின்றன, சல்தாஹை! தயாரிப்பிற்கு மூன்று (மட்டும்) வகைகளை விலையின் அடிப்படையில் தேர்ந்தெடுத்து இங்கே இடுகின்றேன். அதிவிலை, ஆகக் குறைந்த விலை, இடைப்பட்ட விலை என மூன்று வகைகளை இடுகின்றேன். இது ஐக்கிய அரபு அமீரகத்தில் வாங்குவதாக இருந்தால் மட்டுமே. வேறு நாடுகளிலென்றா, அந்நாட்டிற்கேற்ப வரிகளும் கூடும். (இன்றைக்கு ஒரு திர்ஹத்தின் மதிப்பு ரூபாய் 12, 70காசுகள்) நிறுவனம்: தயாரிப்பு - வகை - திறன் - எடை - விலை பஜாஜ்: CT100 - கம்யூட்டர் - 99.27சிசி / 4ஸ்பீட் ...

எழுத்துக்கூடக் கவியரங்கிற்கு எழுதியது

பொன்முட்டை -------------- மாதமொரு முட்டையிடும் வாத்து நானையா - நல்ல மஞ்சள்நிறப் பொன்முட்டை திர்ஹம் தானயா காதவழிப் பாதையிலே தனிமை வெக்கையில் - நான் கண்பிதுங்கி இட்டமுட்டைக் கதையைச் சொல்லவா மீசைவரி மேலுதட்டில் காணும் முன்னரே - நானும் மீனம்பாக்கம் போவதற்கு பெட்டி கட்டினேன் வீசைவிலை ஆங்கிலமா அரபு உருதுவா - எதுவும் விளங்காது தமிழ்தவிர முட்டி மோதினேன் ஏட்டுச்சுரைக் காயெடுத்துக் குழம்பு வைக்கவா - இல்லை ஏவுகின்ற வேலைசெய்து முட்டை போடவா வாட்டுகின்ற கேள்வியெந்தன் இடுப்பு ஒடித்தது - அடடா வளமான முட்டையொன்றை இடமு டிந்தது வந்தகடன் தீர்ப்பதற்கு இட்ட முட்டைகள் - அங்கே வாடகைக்கே போதவில்லை அழுகை வந்தது சொந்தக்கதை சோகக்கதை பழகிப் போனது - எந்த சோகத்திலும் முட்டையிடும் திறமை வந்தது அரபுலகா பாரதமா எங்கு காணினும் - யாரும் இடுவதெலாம் முட்டையன்றி வேறு ஒன்றிலை இரவுநேர மையிருட்டில் அழுது தீர்ப்பது - அங்கு இந்தியாவில் கண்டதில்லை இங்கு உள்ளது இட்டமுட்டை எல்லாமே எங்கு போனது - சுற்றம் ஈரநெஞ்சப் பாசத்தினால் பங்கு போனது திட்டமிட்டுப் போட்டதெல்லாம் களவு போனது - யாரோ தின்றுவிட்ட ஏப்பக்குரல் இங்கு கேட்டது விட்டகுறை சரியா...