எண்ணம்

சென்னையில் ஓரளவிற்கு நெரிசலான பகுதியில் இருக்கும் எனது ஒரு படுக்கையறை அடுக்குமாடிக் குடியிருப்பை (1BHK) விற்பது குறித்து மும்பை நண்பர்களுடன் உரையாடிக்கொண்டிருந்தபோது, ‘அபி பேச்னேக்கா? தூ பாகல் ஹை க்யா? வெய்ட் கரோ பாபா, கோயி பில்டர் அப்ரோச் கரேகா’ (இப்பொழுதே விற்கவேண்டுமா? உனக்குப் பைத்தியமா? கொஞ்சம் பொறு. யாரேனும் கட்டுமான நிறுவனத்தார் தொடர்புகொள்வார்). இந்த உரையாடல் எங்களிடையே நடந்தபோது நான் த லாஸ்ட் மேன் இன் டவர் படித்திருக்கவில்லை. கதையின் மையக் கரு அதுதான். விஷ்ராம் சொசைட்டி (டவர் ஏ) வாக்கோலா சாட்ண்டா க்ரூஸ் (கிழக்கு) மும்பை-4000055 இன்றைக்கு மிகப் பழைய கட்டடமாக இருக்கும் அதன் மீது மும்பையின் பிரபல கட்டுமான நிறுவனத்தார்களின் பார்வை படுகின்றது. குடியிருப்புகளின் சொந்தக்காரர்களை அவர்கள் அணுகுகின்றார்கள். வீட்டின் மேலிருக்கும் மனச்சாய்வால் அந்தப் பழைய கட்டடத்தில் குடியிருப்பவர்கள் நிறுவனத்தாரின் முன்வைப்பை ஏற்க மறுக்கிறார்கள். நிறுவனத்தார் விடுவதாக இல்லை. ஆடுற மாட்டை ஆடிக்கற பாடுற மாட்டைப் பாடிக் கறவாக ஒவ்வொரு குடியிருப்பின் சொந்தக்காருடைய தேவைகள், குறைபாடுகள் ரகசியமாக ஆராயப்படுகின்றன...

மதிப்பிற்குரிய பீட்டர் ஹெய்ன்ஜீ, வணக்கம். ஷ்யாம் சுந்தர், மாடக்குளம் அழகிரிசாமி, ஹயாத், ஜூடோ ரத்தினம், மாதவன், சூப்பர் சுப்பராயன், விக்ரம் தர்மா, கனல் கண்ணன் இவர்களுடைய சண்டைக்காட்சிகளை ரசித்தது போலவே நீங்கள் அமைக்கும் சண்டைக்காட்சிகளுக்கும் நான் ரசிகன். இப்பொழுதும் திருமலையில் விஜயின் டாப் ஆங்கிள் சம்மர்சால்ட்டுகளை நினைவில் வைத்து சிலநேரங்களில் அசைபோட்டு ரசித்துக்கொண்டிருக்கிறேன். அந்நியனில் டோஜோவுக்குள் நடக்கும் சண்டைக்காட்சி, சிவாஜியில் பாடல் காட்சியில் ஸ்டண்ட் கான்செப்ட் இருந்த ’தீ தீ தீ’ எல்லாவற்றுக்கும் ரசிகன். இந்த ரசனையின் வேர் இன்று நேற்று முளைவிட்ட செடியினுடையது அல்ல. நாற்பதாண்டுகளுக்கு முன்னர் எம்.ஜி.ஆர். ரிக்‌ஷாக்காரன் திரைப்படத்தில் சுருள்கத்தி வீசினாரல்லவா, அப்பொழுது முளைவிட்டது. அவருடைய பிரபலமான சண்டைக்காட்சிகள் மனதில் நிரந்தரமாகத் தங்கிவிட்டன. அந்தப் பாதையில் அவருக்குப் பிறகு வந்த முன்னணிக் கதாநாயகர்களின் சண்டைக்காட்சிகளையும் ரசித்தேன். கமலின் தேவர் மகனாகட்டும் , ரஜினியின் பாட்ஷாவாகட்டும் , விஜயகாந்தின் புலன் விசாரணையாகட்டும் , சண்டைக்காட்சிகள் என்னக் கட்டிப்போட்டுத்...

ஸுபைதா - கரீஷ்மா மகாராணி (ராஜ்மாதா) - ரேகா மகாராஜா - மனோஜ் பாஜ்பாய் இசை - ஏ.ஆர்.ரகுமான் இயக்கம் - ஷ்யாம் பெனகல் அடிக்கடி நிகழும் சானல் உலாவலில் எப்பொழுதாவது ஈரானியப் படமோ (ஸாங் ஆஃப் த ஸ்பாரோ), பிரெஞ்சுப் படமோ (டிபார்ட்மெண்ட் 36), சீனப் படமோ (ஐ இன் த ஸ்கை), அரபிப் படமோ (பாரடைஸ் நௌ) யூடிவியில் மாட்டிக்கொள்ளும். நேற்று அப்படி மாட்டியது ஒரு இந்திப் படம், ஷ்யாம் பெனகலின் ஸுபைதா . ஏ.ஆர்.ரகுமானே இசையமைத்திருந்தும், பாடல்கள் பிரபலமாகியிருந்தும், இந்தத் திரைப்படம் வெற்றியடையாமல் போனது. இது ஏன் தோல்வியடைந்த்து என்னும் கேள்வியுடனே திரைப்படத்தைப் பார்த்தபோது பத்தாண்டுகளுக்கு முன் பார்த்ததற்கும் இப்போது பார்ப்பதற்கும் கிடைத்த புரிதல் வேறாக இருக்கின்றது. இடைப்பட்ட நாள்களில் மூளைக்குள் சென்ற பல செய்திகள், அனுபவங்கள், சார்பு நிலைகள் எல்லாமாகச் சேர்ந்து படம் பார்க்கும்போதே கேள்விகளையும் துணைக் கேள்விகளையும் அனுமானங்களையும் உண்டாக்குகின்றன. இந்திய விடுதலையின்போது ராஜ்மகராஜ்களுடன் சரிசமமாக அமர்ந்து பேசும் அளவிற்கு செல்வாக்கிலிருந்த ஆண்ட்டி ரோஸ் அடுத்த இருபத்தைந்து வருடங்களுக்குள் எப்படி கீழ்நடு...

பரிதியாக வந்த ஆர்யா வெள்ளைக்காரப் பொம்மையின் தலையை உடைப்பது எத்தனையாவது கர்லாக்கட்டை சுற்றில்? எழுபதோ எழுபத்தைந்தோ சரியாக நினைவில் இல்லை, ஆனால், அந்த எண்ணிக்கையை எழுபத்தைந்து என எனது மனம் பதிவுசெய்துகொண்டது. அப்படிப் பதிவு செய்தபோது எனது திறன் முப்பத்தைந்து சுற்றுகள். ஒரே ஒரு 2.5கிலோ கர்லாக்கட்டை இருப்பதால், வலம் முப்பத்தைந்து இடம் முப்பத்தைந்தென சுற்றுகள் முடிக்க ஒன்றரை முதல் இரண்டு நிமிடங்களாகும். இரண்டு நிமிடம் ஓய்வு, பிறகு அதே முப்பத்தைந்து முப்பத்தைந்து. பிறகு அடுத்தடுத்த பயிற்சிகள். இப்படி ஒழுங்காக இருந்த பயிற்சியில் திடீரென மாற்றம் வந்ததன் காரணம் பரிதியின் (ஆர்யாவின்) சுற்றுகள் எழுபத்தைந்தென மனதில் பதிந்துபோனதுதான். முப்பத்தைந்தை எழுபத்தைந்தாக்க மனதிற்குள் சவால். இரண்டிரண்டு நாள்களுக்கு ஐந்து சுற்றுகள் வீதம் ஏற்றிக்கொண்டே சென்றேன். அறுபதை எட்டினேன். அறுபதில் நான்கைந்து நாள்கள் கழித்தேன். எந்தச் சுணக்கமும் இல்லாமல் அறுபது சுற்றுகள் முடிப்பது பெரிதாகத் தோன்றவில்லை. தோள் பழக்கப்பட்டுவிட்டது. ஒழுங்காக அதில் ஓரிரு வாரங்கள் தொடர்ந்துவிட்டுப் பின்னர் இலக்கு எண் எழுபத்தைந்தை நோக்கி ஐந்த...

* பிரிட்டிஷ் கவுன்ஸில் நூலகத்தில் நுழைவது விமான நிலையத்தில் நுழைவது போலத்தான் இருக்கிறது. * மே மாத ஹெல்த் அன் ஃபிட்னஸில் புஜபலம் காட்டி டீஸல் சிரிக்கிறார். * என்னதான் லினன் க்ளப் ஹஷ் பப்பீஸ் இத்தியாதிகளுடன் நீங்கள் இருந்தாலும், தனிநபராக காரிலிருந்து இறங்கினால், முதலாளியை வாசலில் இறக்கிவிட்டு வண்டியை நிறுத்த வந்திருக்கும் ஓட்டுனராகத்தான் முதல் அபிப்ராயம் விழுகிறது. * தேவநேயப்பாவாணரில் உறுப்பினராவதற்கு இன்னமும் கெஸடட் ஆஃபீசரின் கையெழுத்துதான் கேட்கிறார்கள். * அண்ணாவின் நாடகங்கள் ஏன் குழந்தை இலக்கியங்கள் பகுதியில் இருக்கிறது? * ஒருசிலர் தேவநேயப்பாவாணரில் மின்விசிறிக்குக் கீழுள்ள நாற்காலியில் தூங்குகிறார்கள். நேற்று புத்தகவெளியீட்டு நிகழ்விற்கு சீக்கிரமாகச் சென்றுவிட்டதால், கிடைத்த நேரத்தில் சிறிதுநேரத்தை பிரிட்டிஷ் கவுன்சில் நூலகத்திலும், தேவநேயப்பாவாணர் நூலகத்திலுமாகச் செலவிட்டேன். இருநூறு அடிகள் இடைவெளியில் அருகருகில் இயங்கிவரும் இரண்டு நூலகங்களில் ஒன்று நவீனமயமாகவும் இன்னொன்று அழுக்கடைந்த நிலையிலும் இயங்கிக்கொண்டிருக்கும் வருத்தத்தை எப்போதாவது விரிவாக இங்கே எழுதிவைக்கவேண்டும். சரியாக 5...

ஞாயிற்றுக்கிழமை காலை ஆறு ஆறரை மணிக்குள்ளாக உயர்நீதிமன்றத்திலிருந்து பொடிநடையாக பிரகாசம் சாலை என்றழைக்கப்படும் பிராட்வேக்குள் நடக்கவேண்டும். ஆற்காடு லூத்ரன், சி.எஸ்.ஐ., வெஸ்லி இங்லிஷ் என ஒவ்வொன்றாக தேவாலயங்களைக் கடந்து சென்றதும் இடப்புறமாக அரசு வணிக வளாகம் விரியும், அதிலிருந்து நான்கைந்து தப்படிகள் நடக்குமுன் வலப்புறம் இனாமல் பெயர்ப் பலகையுடன் பூம்புகார் பதிப்பகம் தெரியும். பதிப்பகத்தைத் தாண்டியவுடன் தொட்டடுத்து வரும் இடப்பக்கம் திரும்பினால் அது அம்மன் கோயில் தெரு - பிராட்வே. அதனுள் நுழைந்ததும் இன்றைய இளங்கதாநாயகர்களின் வெற்றிப்படங்களின் சுவரொட்டிகளுக்கு அருகில், அந்தக் கதாநாயகர்கள் பிறப்பதற்கு முன்பே வெளியான வாத்தியார் திரைப்படச் சுவரொட்டிகள் ஒன்றிரண்டாவது கண்ணில் தெரியும். அப்படி சுவரொட்டிகள் தெரிந்தால்தான் சரியான இடத்திற்குள் நுழைவதாகப் பொருள். அங்கிருந்து கொஞ்சம் கொஞ்சமாக ஆச்சரியப்படத் துவங்கலாம். ”அது லவ் பேர்ட்ஸ் சார்” ”கன்னியாஸ்த்ரி வோணும்னா பக்கத்துக் கடைலக்குது பார்” (இந்தப் படம் மட்டும் இங்கிருந்து நன்றிகளுடன் சுட்டது) ”அதுவா, அது ஜேக்கபின். இதுக்கே சொல்றிய, ஒரு சிலது வரும் ப...

எண்பதுகளின் துவக்கத்தில் என்றோ ஒருநாள், கடற்கரைக் கவியரங்கத்தில் சுரதா சொன்னார், ‘பாடல் தொகுதி போடும்படி மருதகாசியிடம் சொல்லியிருக்கிறேன்’ . மருதகாசியின் திரைப்பாடல் தொகுதி வெளிவந்ததா என்பதை நானறியேன். கண்ணதாசன், மு.மேத்தா இவர்கள் இருவரின் திரைப்பாடல் தொகுதிகள் முன்பே என்னிடம் உண்டு. கடந்த இரண்டு மாதங்களுக்குள் வாலியின் தொகுதியும் வைரமுத்துவின் தொகுதியும் வாங்கியிருக்கிறேன். நான்கு திரைக் கவிஞர்களின் தொகுதிகள் புத்தக அலமாரியை அலங்கரிக்கின்றன. திருவல்லிக்கேணி வளர்ப்பு அறிமுகம் செய்துவைத்த எம்.ஜி.ஆர். பாடல்களில் துவங்கி, வாரிசுகள் எனக்கு அறிமுகம் செய்யும் பூக்கள் பூக்கும் தருணம் (மதராசபட்டினம்) வரையில் இன்னமும் திரைப் பாடல் ரசனை தொடர்ந்துகொண்டிருக்கிறது. வளகுடாவிற்கு வேலைக்காகப் புறப்படுவதற்கு முன்பு வரையில் படத்தின் இயக்குநர் பெயர் தெரியவில்லையென்றாலும், பாடலாசிரியரின் பெயர் எனக்குத் தெரிந்திருக்கும். சிகப்பு ரோஜாக்களில் மின்மினிக்கு கண்ணில் ஒரு எழுதியது கண்ணதாசனா? வாலியா? நினைவோ ஒரு பறவை எழுதியது கண்ணதாசனா? வாலியா? புதிய வார்ப்புகளில் இதயம் போகுதே எழுதியது யார்? யார் இந்த T.ராஜேந...

1. மோட்டார் வாகனச் சட்டம் - வழக்கறிஞர் வி.யுவராஜ் - விகடன் பிரசுரம் - ரூ.80/= 2. ஆயிரம் பாடல்கள் - வைரமுத்து - சூர்யா லிட்ரேச்சர் (பி) லிமிட்டட் - ரூ.600/= 3. ஆக்ஸ்ஃபோர்ட் டிக்‌ஷனரி ஆஃப் லா - ஆக்ஸ்ஃபோர்ட் யூனிவர்சிட்டி ப்ரஸ் - ரூ.295/= 4. ஸீரோ டிகிரி - சாரு நிவேதிதா - உயிர்மை பதிப்பகம் - ரூ.150/= 5. அரபு மார்க்சியம் - ஹெச்.ஜி.ரசூல் - பரிசல் - ரூ.30/= 6. எ ஹிஸ்டரி ஆஃப் பொலிடிக்கல் தியரி - ஜார்ஜ், தாமஸ் - ஆக்ஸ்ஃபோர்ட், ஐபிஹெச் - ரூ.305/= 7. கேம்ப்ரிட்ஜ் க்ராமர் ஆஃப் இங்லிஷ் - ரொனால்ட், மைக்கேல் - கேம்ப்ரிட்ஜ் - ரூ.750/= 8. கமல் - பா.தீனதயாளன் - கிழக்கு பதிப்பகம் - ரூ.185/= 9. ஜம்போ கார்ட்டூன் கலரிங் புக் - ரூ70/= இவற்றில் இரண்டு புத்தகங்கள் கல்லூரிப் பாடத்திட்டம் தொடர்பானவை, ஒன்று பொதுவான ஆங்கில இலக்கணப் பயிற்சி நூல், இன்னொன்று பாலருக்கானது, மீதி ஐந்து புத்தகங்கள் மட்டுமே நான் வாசிப்பதற்கு. அமீரகத்திலிருந்து சென்னைக்குக் குடிபெயர்ந்த பின் தோப்பிலின் அஞ்சுவண்ணம் வாசித்தேன். வாலி 1000 அவ்வப்போது புரட்டுகிறேன். மற்றபடி வாசிப்பு கணிசமாகக் குறைந்துவிட்டது; எழுத்தும். நேற்று புத்தகக் க...

ஸ்டார் க்ளாஸ் புக்கு சார். பாரா ஏற்கெனவே எழுதிட்டாரு, நானும் என்னோட அனுபவத்த செல்றனே. வடை பஜ்ஜி கணக்கால்ல விக்கிது. நானு வாங்கும்போது வெயிட்பண்ணி நாலாவது ஆளா வாங்குனேன். ஏதோ ஸ்டாட்டிஸ்ட்டிக்ஸ் எடுக்றாங்ளாட்டம் இருக்கு, பில் போடும்போது ஏரியா கேக்குறாங்க, மத்த கடைக்காரவுங்க பில்லு போடும்போது ஏரியா கேக்கல, தினத்தந்தில மட்டுந்தான் கேக்குறாங்க. புக்கு கலக்கல் சார். நம்மூட்டுல பசங்களுக்கு தமிழ் தேர்ட் லேங்குவேஜ்தான், வளைகுடா வளர்ப்பால இதெல்லாம் தவிர்க்க முடியாது, ஆனாலும் பாருங்க, புக்கு வீட்டுக்கு வந்த அஞ்சாவது நிமிஷம் “பொதுக்கூட்டம்னா என்னா”ண்ணு சின்னப்பொண்ணு கேட்டுச்சு, அதான் சார் தினத்தந்தி. ”இதுதான் பேநசீர் வாப்பாவா?” “இந்திரா காந்தி எப்படி இருக்காங்க பாருங்க” “ஹிரோஷிமா லாங் ஷாட் மட்டும் போட்டிருக்காங்க, எங்க பாம் போட்டாங்கன்ற படம் இந்த புக்குல இருகுமா” இதெல்லாம் புத்தகத்தப் பாத்து வந்த டயலாக்ஸ். இத்தினிக்கும் பசங்க நெட்டுல கூகுள் இமேஜுல உலாவுறவங்கதான். பிரிண்ட்டு பேப்பர் குவாலிட்டில்லாம் பாத்தா 270ரூ வெலன்றது ஒண்ணுமே இல்ல. *************** சனிக்கெழம அஞ்சரை மணிக்கு எடுத்த போட்டோ, கூட்டம் ...