எண்ணம்

மீரான் சாகிபு தெரு காசினோ திரையரங்கை ஒட்டிச் செல்லும் தெரு. 17'' கணினித்திரை சுவர்த்தாள் என்ன ஜுஜுபி. இந்தத் தெருவில் நுழைந்ததும் இடதுபுறத்தில் பதினாறடிக்கு எட்டடி திரைப்பட சுவரொட்டியை நின்று நெருங்கி நிதானமாகப் பார்த்து ரசிக்கலாம், யாரும் நம்மை அதிசயமாகப் பார்க்கமாட்டார்கள். சென்னையிலேயே சுவரொட்டியை இத்தனை நெருக்கமாக நின்று பொறுமையாகப் பார்க்கக்கூடிய இடம் இதுவாகத்தான் இருக்கும். நீண்ட சுவர் இன்னமும் விளம்பரதாரர்களின் குத்தகைக்குச் சிக்காமல் இலவசமாக திரைப்படச் சுவரொட்டிகளைத் தாங்கி நிற்கிறது. எதிரே கடையில் தாராளமயமாக்கல் திரைக்கவர்ச்சி வெளிப்பட தமிழ், தெலுங்கு, மலையாளம், ஆங்கிலம் என எல்லா மொழிகளிலும் நடிகைகள் ப்ளாஸ்டிக் உறை போடப்பட்டு தூக்கில் தொங்கிக்கொண்டிருப்பார்கள். பொது இடங்களில் புகை பிடிக்கமுடியாத நிலை இருந்தபோதிலேயே மீரான் சாகிபு தெரு மட்டும் விதிவிலக்கு. நமது கோல்டு ஃப்ளேக் கிங்ஸுடன் போட்டி போட்டுக்கொண்டு 555வும் சில்லறையில் விற்பனையாகும். வசவசவென திரைப்பட வினியோகஸ்தர்களின் அலுவலகங்கள் ஒரு முனையிலிருந்து அடுத்த முனை வரையில் பரவிக்கிடக்கும். யாராவது வெள்ளை வேட்டி மனிதர்...

சென்னையின் சில முகங்கள் - ப்ராட்வே பிறவி சென்னைக்காரன் என்று சொல்லிக்கொள்வதையும் நிரந்தர முகவரியாக சென்னை முகவரியைத் தருவதையும் தவிர வேறெந்த வரலாற்று விவரங்களும் சென்னையைப்பற்றி அறியேன். இருபத்தியிரண்டு வயது வரையில்தான் சென்னையில் ஜாகை. அதன் பிறகு வளைகுடா வாழ்க்கை தலையெழுத்தானதால், வருடத்தில் ஒருமுறையோ இருமுறையோ வந்து போகும் விருந்தாளியாகத்தான் சென்னையைப் பார்க்கிறேன். வழமையான வளைகுடா 'பந்தா' இல்லாமல் லுங்கியைக் கட்டிக்கொண்டு இருசக்கரத்தில் பறப்பதும், சலிக்காமல் பேருந்து, ஷேர் ஆட்டோ என ஜோதியில் கலப்பதும்தான் இன்னமும் சென்னையின் வாசத்தை என்னிடம் விட்டுவைத்திருக்கின்றன. ப்ராட்வே (1977): முதன்முதலில் மேட்டூர் அணைக்கட்டில் வேலைக்குச் சேர்ந்தபோது அதிகாலையில் மேட்டூரை அடைந்து நெரிசலே இல்லாத பேருந்து நிலையத்தைப் பார்த்து வியந்து நான் விழித்ததைப் போல சென்னைக்கு வந்தவர்கள் எத்தனை பேர் பரபரப்பைக் கண்டு விழித்திருப்பார்கள். பழைய பேருந்து நிலையத்தில் (பூக்கடை) இறங்கி காலார நடந்து குறளகம் வரையில் வந்து அப்படியே ப்ராட்வே க்குள் நுழைந்தால் இதுதான் உலகிலேயே குறுகலான சாலை என்று சத்தியம் செய்ய...

போட்டி முடிவுகள் - எனது எண்ணம் வெற்றி பெற்றவர்களுக்கு வாழ்த்துகள்! வாக்களித்தவர்களுக்கு நன்றிகள். இந்த முறையும் வெற்றிக்கு அருகில்கூட எனது படைப்புகள் செல்லாததற்கு வருத்தம் கிடையாது என்று பொய் சொல்ல விருப்பமில்லை. வருத்தம் வந்தது, ஓரிரு நிமிடங்கள் சங்கடப்பட்டது இரண்டும் உண்மை. நண்பருடன் பேசும்போது, 'என்னப்பா நம்ம லெவல் அவ்வளவுதானா' என்றுதான் பேசினேன். ஆனால், அடுத்த நிமிடம் வழக்கம்போல சல்தா ஹை சொல்லிவிட்டேன். இந்தமுறை மரபுக்கவிதை வாக்குகளில் முன்னேறியிருப்பது மகிழ்வைத் தருகிறது. கானாவும் அதைத் தொடர்ந்து நிற்கிறது. உம்ரா ஜான் வாழ்வில் வெற்றி பெறாமல் நின்றதைப்போல உம்ராவைக் காதலித்த திரைச்சீலை கட்டளக்கலித்துறைக்கும் கானாவுக்கும் பின்னே தயங்கித் தயங்கி நிற்கிறது. கஜலை கட்டளைக்கலித்துறையும் கானாவும் பின்னே தள்ளிவிட்டன :) என்ன இருந்தாலும் உள்ளூர்க்காரர்கள் அல்லவா :) தீம்தீம்திமிதிமி தாளத்தில் ஒலிக்கும் தபேலாவின் ஜப்தால் இசையைக் கேட்க சுட்டி கொடுத்த படைப்பு பதினேழு பேர்களை ஈர்த்திருக்கிறது. முதல் பரிசு பெற்ற படைப்பிற்குக் கிடைத்த வாக்குகளில் மூன்றில் ஒரு பங்கு. நமக்குப் பிடிப்பது அனைவ...

ஹ்ரிஷிகேஷ் முகர்ஜி மரணம் கே.பாலசந்தரின் புன்னகை திரைப்படம் நினைவிருக்கலாம். அத்தனை எளிதில் மறக்கக்கூடிய படம் அன்று. சத்தியத்தையே பேசும் கதாநாயகனாக ஜெமினி கணேசன் நடித்திருப்பார். தில்லு முல்லு வை நினைவிருக்கிறதா எனக் கேட்டபது சரியன்று. சிவாஜியும் ஜெமினி கணேசனும் நண்பர்களாக நடித்த திரைப்படம் ஒன்று இருக்கிறது, 'இமை தொட்ட மணி விழி இரண்டுக்கும் இடையினில் தூரம் அதிகமில்லை இருவரும் ஒரு குணம் இருவரும் நண்பர்கள் அதுதான் அன்பின் எல்லை' பாடல் இடம் பெற்ற படம். 'கண்ணனிடம் குசேலன் கண்ட சுகம் இல்லை இல்லை கம்பனிடம் சோழன் கண்ட சுகம்' என நட்பைப் பாடிய பாடல். அநேகமாக படத்தின் பெயர் என்னைப் போல் ஒருவன். இப்படங்களின் மூல வடிவ இந்திப் பதிப்பின் இயக்குனர் ஹ்ரிஷிகேஷ் முகர்ஜி மரணம் அடைந்தார். கடந்த ஜூன் மாதம் முதலாக மருத்துவமனையில் சிகிச்சை பெற்றுவந்த அவர் இன்று மாலை நான்கரை மணியளவில் இயற்கை எய்தினார். 1922இல் கொல்கத்தாவில் பிறந்த முகர்ஜி 1945இல் லேப் அஸிஸ்டெண்டாக தனது திரையுலக வாழ்வைத் துவங்கியவர். அமிதாபும் ஜெயாவும் நடித்த அபிமான் படத்தை மறக்க முடியுமா? தேரி பிந்தியாரே சஜன் பிந்தியா ல...

இரட்டைச்சிலம்பம் இது எனது நூறாவது பதிவு. சிலம்பம் தந்த உடற்பயிற்சியையும் கவனக்கூர்மையையும் சில நாள்கள் அனுபவித்ததால் எனக்கு சிலம்பத்தின்மேல் கொஞ்சம் ஈர்ப்பு உண்டு. முறைப்படி பயின்று சண்டைக்கலையில் ஓரிரு படிகளைத் தொட்ட சமயத்தில் திடீரென்று சிலம்பத்தின் பக்கமே போகமுடியாமற் போனது. படிப்பும் அதனைத் தொடர்ந்த வேலை வாய்ப்புகளும் சிலம்பத்தைத் தொடும் வாய்ப்பை அறவே விலக்கிவைத்தன. இருபது ஆண்டுகளுக்குப் பிறகு கடுமையான பயிற்சிகள் மேற்கொண்டு விட்டுப்போன விளையாட்டை பற்றிப் பிடித்தேன். அது ஜித்தாவில் நடைபெற்ற விழாவில் விளையாடுவதற்காக. விழா முடிந்ததும் விளையாட்டிற்கு மூட்டை கட்டியாகிவிட்டது. மீண்டும் தொய்வு. வலைப்பதிவு எழுதத் துவங்கியதும் சிலம்ப விளையாட்டின் துவக்கநிலை விளக்கங்களை ஒன்று , இரண்டு , மூன்று தொடர்களில் எழுதினேன். 'வீச்சு முறைகளில் அத்தனை தேர்ச்சி இல்லாமல் இதனைத் துவக்கிவிட்டோமா? இப்பொழுது முன்பு விளையாடியதைப் போல சுறுசுறுப்பாக விளையாட முடியுமா?' இப்படியான பல சிந்தனைகளில் சிலம்பத்தின் ஆழம் என்னை அச்சுறுத்த, தொடரை அப்படியே விட்டுவிட்டேன். இத்துடன் முன்னுரையை முடித்துக்கொண்டு விஷயத்...

அன்புடையீர், பழைய செய்திதானென்றாலும் இன்று என்.டி.டிவியில் இது குறித்து வந்த செய்தித் தொகுப்பைப் பார்த்ததால் இதனை உங்களுடன் பகிர்ந்துகொள்கிறேன். தாவூத் இப்ராஹிம் இந்திய அரசால் தேடப்பட்டுவரும் குற்றவாளி. இவரது பாகிஸ்தானிய பாஸ்போர்ட்டுகளின் எண்களைக் குறிப்பிட்டு பாகிஸ்தானிய அரசிடம் இந்திய அரசு கொடுத்திருந்தும் பாகிஸ்தானிடமிருந்து ஒத்துழைப்பு இல்லாமையால் தாவூதைப் பிடிக்கமுடியாத நிலை. அவற்றில் ஒரு பாஸ்போர்ட்டின் எண் KC2859011. இதில் தாவூதின் பெயர் ஆமிர்கான் என்று பதியப்பட்டுள்ளதாம். கராச்சியில் பணக்கார வர்க்கம் வாழும் வெவ்வேறு பகுதிகளில் ஐந்து வீடுகளின் முகவரிகள் குறிக்கப்பட்டு பாகிஸ்தான் அரசிடம் தரப்பட்டிருக்கிறது. இவை ஐந்தும் ஒரே சொந்தக்காரரின் பெயரில்தான் இருக்கின்றன. ஒரே நகரில் இத்தனை பணத்தைக் கொட்டி ஐந்து வீடுகளை வாங்கி வைத்திருக்கும் அந்த உரிமையாளர் யார் என்பதற்கும் பாகிஸ்தானிய அரசிடமிருந்து பதில் இல்லை. கராச்சியில் ரெயின்போ சென்டரில் ஒலி ஒளிப்பேழைகள் தயாரிக்கும் / விற்கும் பிரபலமான நிறுவனம் இந்திய வெளியீடுகளை எந்தவிதமான காப்புரிமையும் இல்லாமல் பதிப்பித்து வெளியிடுகிறது. அதன் உரிமைய...

எஸ்.ரா.வின் 'உலக சினிமா' - வி.சாந்தாராமின் தோ ஆங்கேன் பாரா ஹாத் திரைப்படம் குறித்து அன்புடையீர், சென்ற ஆண்டு, எஸ்.ராமகிருஷ்ணன் தனது உலக சினிமா புத்தகத்தில் சென்னையில் தயாரான முதல் படம் குறித்து எழுதியிருந்த சில விவரங்களை நண்பர்களுடன் பகிர்ந்துகொண்டேன். சுட்டி . இப்போது இன்னொரு விவரத்தையும் பகிர்ந்துகொள்ள விருப்பம். * கஜல்களை, ருபையாத்துகளை, பாடல்களை மொழிமாற்றம் செய்யும்போது வரிக்கு வரி மொழிமாற்றம் செய்வதில் எனக்கு உடன்பாடில்லை. மூலத்தில் இருக்கும் கற்பனையை உள்வாங்கிக்கொண்டு, அது தமிழில் வெளிப்படுத்தப்பட்டால் எப்படி இருக்கும் என யோசித்து, நமது கற்பனையை அதில் சிறிது சேர்த்து, மையக்கருத்திலிருந்து விலகாமல் எழுதுவது சிறந்தது என்னும் கருத்துதான் இன்று வரையில் எனக்கு உண்டு. ரூப்பு தேரா மஸ்தானா ப்யார் மேரா தீவானா ப்ஹூல் கோயி ஹம்ஸேநா ஹோஜாயே! உன் அழகு அசத்துகிறது என் காதல் பித்துப்பிடித்தது என்னால் தவறு ஏதும் நிகழ்ந்துவிடுமோ! இதுதான் சரியான பொருள். ஆனால், மொழிமாற்றம் செய்யும்போது, உன் அழகும் பொன்வசமோ என் மனமும் உன் வசமோ விதிவசத்தாலொரு வேள்வி நேருமோ! என மாற்றி எழுதினேன். ஆனந்த் பக்ஷி ...

ஷெனாய் வாத்தியக்கலைஞர் பிஸ்மில்லாஹ்கான் மரணம் அடைந்தார். உடல்நிலை மோசமடைந்த் நிலையில் வாரணாசி மருத்துவமனையில் ஆகஸ்ட் 17 முதல் சிகிச்சை பெற்றுவந்த பிஸ்மில்லாஹ்கான் இன்று அதிகாலை 2.20 மணியளவில் மரணம் அடைந்தார் என்ற செய்தியை மருத்துவமனை அதிகாரி பி.எஸ்.ஆர்.ஐயர் தெரிவித்திருக்கிறார். அரசு இன்றைய தினத்தை உஸ்தாத் பிஸ்மில்லாஹ்கானுக்கு அஞ்சலி செலுத்தும் நாளாக அறிவித்திருக்கிறது (one-day national mourning). பாரத ரத்னா, பத்மஸ்ரீ, பத்மபூஷன், பத்மவிபூஷன், தான்சேன் விருதுகளைப் பெற்றிருக்கும் பிஸ்மில்லாஹ்கானின் சொந்த மாநிலம் பீகார். மார்ச் 21, 1916இல் இசைக் குடும்பத்தில் பிறந்த பிஸ்மில்லாஹ்கான், வாரணாசி விஸ்வநாதர் கோயிலில் ஷெனாய் இசைக்கலைஞராக இருந்த உறவினர் அலி பக்ஷ் விலாயத்திடம் ஷெனாய் பயின்றார். உலகளாவிய புகழ் பெற்றிருந்த சமயத்தில், 1965இல் ஐக்கியராச்சியத்திலிருந்து வந்த அழைப்பை தட்டிக் கழித்திருக்கிறார். ஆனால், 1966இல் இந்திய அரசின் வழியாக ஐக்கியராச்சியம் செல்லவேண்டிய அழைப்பு வந்தபோது செய்த தட்டிக் கழிக்கும் முயற்சிகள் பலனளிக்கவில்லை. அரசு உயர் அதிகாரி ஒருவரின் வற்புறுத்தலின்பேரில் வெளிநாடு புறப்ப...

உறவுகளைக் கொச்சைப்படுத்தும் வார்த்தைகளை எதிராளி அனிச்சையாக உபயோகித்தால் முகம் சுளிப்பீரா? ஓம்காரா உங்களுக்காக அன்று. * சப் சல்தா ஹை. வடக்கின் வாசத்தை முகர்ந்து பார்க்கலாம் என்கிறீரா? ஓம்காரா உங்களுக்காக. * ஷேக்ஸ்பியரின் ஒத்தெல்லோதான் இந்தியில் ஓம்காராவாக எடுக்கப்பட்டிருக்கிறதாம். ஒத்தெல்லோவைப் படிக்கும் வாய்ப்பு கிடைக்கவில்லை, ஓம்காராவைப் பார்த்தாகிவிட்டது. ஒத்தெல்லோதான் கதையென்பதால் அதிகமாக விளக்கத் தேவையில்லை. கதாநாயகன் தனது காதலியின்மேல் சந்தேகப்பட்டு அவளைக் கொன்றுவிட்டு தானும் தற்கொலை செய்துகொள்கிறான். இடையில் நிகழ்வன திரைக்கதையாக. * பெண்ணிற்கு அடிமை என்பதை எத்தனை கீழ்த்தரமாகச் சொல்ல முடியுமோ அத்தனை கீழ்த்தரமாகச் சொல்லும் வார்த்தையிலிருந்துதான் படம் துவங்குகிறது. 'முட்டாளுக்கும் _ _ _ னுக்கும் நூலிழைதான் வித்தியாசம்' திருமணத்திற்குச் செல்லும் மாப்பிள்ளையை அருகில் உட்காரவைத்து இந்த வசனத்தைச் சொல்லும்போது அரங்கம் கலகலத்திருக்கலாம். மாப்பிள்ளையுடன் பேசிக்கொண்டே போர்வையை விலக்கி துப்பாக்கியை நீட்டியதும், பெரியவரின் சோகமான பார்வையைக் காட்டி முடித்து, அடுத்த காட்சியில் மணப்பெண்...

அன்புடையீர், படைப்பினைப் படிக்கும்போதோ, படித்த பின்னோ இடையிடையே தந்திருக்கும் சுட்டிகளையும் சொடுக்கி அவற்றையும் படித்து, கேட்டு விவரம் அறிந்துகொள்ள வேண்டுகிறேன். அன்புடன் ஆசாத் ***** திரைச்சீலை வாருங்கள்! நான் நன்றாக இருக்கும்போது வந்திருக்கக்கூடாதா. உள்நாட்டுக் கலகம், ஃபிறங்கீக்களை எதிர்த்து சிப்பாய்க்கலகம் எல்லாவற்றிலும் உருக்குலைந்து எனக்குப் பிரியமான உம்ராவ் ஜான் அதா வையும் பிரிந்து தனியாகத் தொங்கிக்கொண்டிருக்கும் இந்தவேளையில் வந்திருக்கிறீர்களே! பரவாயில்லை அமருங்கள். முன்பென்றால் அஜ்மீர் குவளைகளில் கீர் (பாயாசம்) கொடுத்திருப்பார்கள், கொஞ்சம் பொறுங்கள் எவனாவது ஃபிறங்கீ (வெள்ளைக்காரன்) ஆணையிட்டால் வேலைக்காரன் பீங்கானில் தேநீர் கொண்டு வருவான். இவர்களும் இவர்கள் தேநீரும். உம்ராவுக்கு இதெல்லாம் பிடிக்காது தெரியுமோ. பீங்கானிலெல்லாம் அவள் தேநீர் தரமாட்டாள். பாரம்பரியம் அவளுக்கு மிகவும் முக்கியம். அப்படித்தானே உருதுவில் உருகி உருகி கஜல்களாக எழுதிவைத்தாள். நவாப் சுல்தான் அவள் கஜலைக் கேட்டுதான் உள்ளே வந்தான். தில் சீஸ் க்யாஹை ஆப் மேரி ஜான் லீஜியே (உள்ளம் என்ன உள்ளம் என் உயிரை வாங்கிடு), அ...

டோண்டு சாருக்கு - 1 இனிய டோண்டு ராகவன் சார், எஸ்.கே. அய்யாவின் வீட்டுத் திருமணத்தில் உங்களை நான் பார்த்திராவிட்டால், ரா.கா.கி. குழுமத்தில் உங்களுடன் மடலாடியிருக்காவிட்டால், எம்.ஜி.ஆர். திரைப்படம் தொடர்பாக உங்கள் இழையில் பின்னூட்டம் இட்டதனால் உங்கள் போலியால் மிரட்டப்படாமல் இருந்திருந்தால் உங்கள் கருத்து எனக்கு அத்தனை பெரிய விஷயமன்று. எத்தனை கருத்துகள் இணையத்தில் உலவுகின்றன. எல்லா இடத்திலுமா சென்று மல்லுக்கட்டிக்கொண்டு நிற்கமுடியும். நேரம் கிடைக்குமா? இணையத்தில் எழுதுவதும் அதில் கிடைக்கும் பாராட்டும் எதிர்ப்பும் மட்டுமா நமது வாழ்வின் குறிக்கோள். இணையம் விடுத்தும் எத்தனையோ இருக்கின்றன. எனக்கு டோஸ்ட்மாஸ்டர்ஸ், சில சமூகப் பணிகள், சில நண்பர்களுக்கு துவக்கநிலை மேடைப் பேச்சுப் பயிற்சி, தொழிற்பேட்டை நண்பர்களுக்கு துவக்கநிலை ஆங்கிலப் பயிற்சி, எனது உடற்பயிற்சி, இவற்றோடு அவ்வப்போது இணையமும். உங்களுக்கும் இப்படிப் பல வேலைகள் இருக்கும், அவற்றிடையே இணையமும். நடைமுறையில் எல்லாவற்றையும் படித்து விவாதித்துக்கொண்டிருப்பது இயலாது. எனக்கென்று கிடைத்த சிறிய வட்டத்திற்குள் மடலாற் குழுமங்களில் அறிமுகமான நண்பர...

இனிய சிவா, நேற்று சந்த்ரோதயம் பாடலுக்கான பின்னூட்டத்தினை அளிக்கும் வரையில் உங்கள் மீது வைத்திருந்த அபிப்ராயத்தை மாற்றிக்கொள்கிறேன். இதுவரையில் நான் நினைத்தது என்னவென்றால், அரபு நாடுகளில் உங்களுக்கு ஏற்பட்ட பல கசப்பான அனுபவங்களால் அரபிகள் மீது வெறுப்படைந்திருக்கிறீர்கள் என்பதும், அது நீங்கலாக உங்களுக்கு இஸ்லாமியர் மீது எந்தவிதமான காழ்ப்புணர்ச்சிகளும் இல்லையென்பதே எனது எண்ணமாக இருந்தது. இன்றைக்கு உங்கள் பதிவைப் பார்த்ததும் எனது எண்ணத்தை மாற்றிக்கொண்டேன். கூகிளில் தேடினால் ஆதரவாகச் சிலவும், எதிர்ப்பாகச் சிலவும் கிடைக்குமென்பது யாரும் அறியாததா. அதில், தனக்கு வேண்டியதை எடுத்துப் போட்டு மகிழ்ந்துகொண்டால், உங்களால் குறை கூறப்படுப்பவர்களுக்கும் உங்களுக்கும் என்ன வித்தியாசம். அவரவர் அவரவர்க்குத் தேவையானவற்றைத்தானே பேசுகிறீர்கள். இஸ்லாம் பெண்களைக் கீழ்த்தரமாகத்தான் நடத்துகிறது என்பது உங்கள் அசைக்கமுடியாத நம்பிக்கையா? இருந்துவிட்டுப் போகட்டும். அதனால் யாருக்கு என்ன பாதிப்பு? பொறுமையாக இன்னமும் பலவற்றைத் தேடி இணைப்புக் கொடுங்கள். ஆனால், கொடுக்கின்ற இணைப்பைக் கவனமாகக் கொடுங்கள். இணைப்பைப் படிப்பவர்...

அன்புள்ள எரியும் திரிக்கு... நானென்ன சொல்ல நமது உறவுதான் கஜலில் சுவரோவியமாகி1 செவிப்பறையை அலங்கரிக்கிறதே நீ ஏனையோர்க்கு ஒளி எனக்கு இருள் நீ பிறந்த நொடியில்தான் எனது மரணயோகம் கணிக்கப்பட்டது நீ மோர்ப் பானை போர்த்திய முதுமக்கள் தாழி உன் காமச் சிரிப்பை விலக்கிப் பார்த்தால் கழுமரம் ஏனிந்த முரண்தொடை மரணமாலையை மங்கல நிறத்திலா கட்டுவது ஒற்றைக் கால் நடனத்தால் சிருங்காரம் சிலிர்க்க வைத்து ஒரே ஒரு முத்தத்தில் உடலைக் கருக்கி உயிரை மட்டும் எங்கோ இழுத்துச் செல்லக் காத்திருக்கிறாய் ஆயினும் அழகாகத்தான் இருக்கிறாய் எனக்குத் தெரியும் நீ மலருமன்று நான் வண்டுமன்று எல்லாம் தெரிந்தும் வெம்மையின் திரையில் நீ காட்டும் குளிர் நடுக்க நிழற்படம் அறிவை மழுங்கடித்து அரைமயக்க நிலைக்குத் தள்ளும் தூரத்தில் நின்று உன்னழகை ரசிக்க நானொன்றும் மனிதனல்ல விட்டில் இதோ வருகிறேன்! ***** 1. கஜலில் சுவரோவியமாகி - கஜல் பாடல்களில் விளக்கும் விட்டிலும் பல இடங்களில் வெவ்வேறு கற்பனைகளில் கையாளப்படும். உதாரணமாக, அ. விட்டிலுக்கு எரியக் கற்றுத் தந்ததே நான்தான், ஆ. விட்டிலை தான் எரிக்கவில்லையென தீக்குளித்து சத்தியம் செய்கிறது விளக்கு, இ....

பீடி ஜலய்லே ஜிகர்ஸே பியா இனி ஐட்டம் நம்பர்கள் குறித்து எதுவும் பேசப்போவதில்லை. ஐட்டம் நம்பர்கள் கிடக்கட்டும் வடக்கத்திய பாங்குகள் இந்தித் திரையில் ஐட்டம் நம்பர்களாக அரங்கேறுவது குறித்தும் எதுவும் பேசப்போவதில்லை. பிறகென்ன, ஒன்று மாற்றி ஒன்று வந்து இப்படிப் போடுபோடென்று போட்டால் எதைப் பேசுவது, எதை விடுவது? சூஃபியிச இசையில் பாயல் ரோஹாத்கி, சப்னா முகர்ஜி கூட்டணியின் ஓ சிக்கந்தர் கிறங்கடித்ததை எழுதியிருந்தேன். இரண்டு வாரங்கள் முழுதாக முடிவதற்குள் இதோ பிபாஷா, சுனிதி சௌஹான் கூட்டணி பீடி ஜலய்லே ஜிகர்ஸே பியா வில் கிறங்கடிக்கிறது. தில் வாலோன்கா தில்கா கராரை லூட்மார் செய்து (திருடி) உத்தரப்பிரதேசப் பாங்கில் ஷில்பா ஷெட்டி அம்மணி ஷூல் திரைப்படத்தின் ஐட்டம் நம்பரில் சதிராடினார். வட்டார வழக்கில் ஒலித்த சில வார்த்தைகளின் பொருளைப் புரிந்து பாடலை உள்வாங்கி என்னதான் எழுதுகிறார்கள் இந்த ஐட்டம் நம்பர் பாடல்களில் என்பது புரிவதற்குள் மண்டை காய்ந்துவிட்டது. பண்ட்டி அவுர் பப்லி யில் உலக அழகி கஜுராரே கஜுராரே யாகி சதிராடியதில் பாடலாசிரியர் பிராந்திய மொழியை அதிகமாக நுழைக்காமல் பாடலை எழுதியதால் உடனே உள்வாங்கிக...

அன்புடையீர், முந்தைய கானாவைப்போல சோக கீதம் இசைக்கும் கானாவன்று இது. இது வேறு களம், வேறு தாளம். கொஞ்சம் துள்ளலான கானா. அஞ்சலை யும் நெஞ்சுல யும் பாரம்பரிய கானாக்களில் பலரால் ஏற்கெனவே கையாளப்பட்டிருக்கும் இயைபுகளே. சென்னையின் வாசம் அதிகமாக வேண்டும் என்பதற்காக நானும் அவர்களின் பாணியிலேயே வசதியாக அஞ்சலையின் நெஞ்சில் வீடுகட்டி அமர்ந்துகொண்டேன். கானாவின் பல்லவி சென்னையில் புழங்கும் சில கானாக்களின் சந்தத்தில் எழுதப்பட்டது. சரணங்களில், எதுகை மோனைகளின் வசதிக்காக முதல் இரண்டடிகளில் பாரம்பரிய கானாவின் அமைப்பை விட்டுச் சற்று வெளியே சென்றிருக்கிறேன். ஆயினும், மூன்றாவது அடியில் சென்னையின் வாசம் பிடித்து வந்துவிட்டேன். நண்பர்கள் ரசிப்பார்கள் என்னும் நம்பிக்கை இருக்கிறது. ***** அஞ்சல நெஞ்சுல கானா உனுக்கும் எனுக்கும் உறவிருக்கு அஞ்சல! - அந்த உறவ நானு ஒளிச்சு வெச்சேன் நெஞ்சுல! மினுக்கிவந்த பொன்னழகே அஞ்சல! - இந்த மீர்சாப்பேட்ட மாமன் கண்ணு துஞ்சல! (உனக்கும்) மேம்பாலம் மவுண்ட்ரோடு . மெரினால கூவிக்கவா! மாம்பலம் ஐஸோஸு1 . மண்ணடின்னு தாவிக்கவா! ஆம்மான்னு ஒரு வார்த்த அஞ்சல! - அய்ய அசத்தி வுட்டா அடிம நானு நெஞ்ச...

உறவுகளே! (கட்டளைக்கலித்துறை) 1. உறவா யிருந்தாலும் உண்மையி லேநெஞ்சைப் பூட்டிவைத்து திறவா திருப்போரின் தீதுறவை யிங்கே சுற்றமெனப் பெறவா பிறப்பு பெரியோனே உன்னருட் பார்வையென்னில் வரவா யிருந்தால் வழுவா(து) இனிக்கும் உறவுகளே! 2. வாழ்ந்தால் நமையே வரவேற்கச் சொந்தம் பலவிருக்கும் தாழ்ந்தால் அவையே தகையாய்க் கரம்பற்றித் தோள்தருமா? வீழ்ந்தால் விலகிச் செல்லாமல் தூக்கிடுமா? சற்றெனவே ஆழ்ந்தால் இனங்கண்(டு) அருகில் நிலைக்கும் உறவுகளே! 3. பேசும் வரிகளில் பொற்பூச்சுக் கூட்டிச் சிலமனிதர் வீசும் வலைக்குள் விழுந்தால் சிலநேரம் சிந்தைமிகக் கூசும் தெரியாதா கூர்ப்பு மதியோரைக் கூடவீழ்த்தி காசும் பெரிதாகக் கூட்டைக் கலைக்கும் உறவுகளே! 4. ஓட்டங் குலுக்க வொருவெட்டிப் பேச்சால் செவிப்பறையில் காட்டங் கொடுத்துக் கதைபேசி, கண்ணயர் நேரமதில் வாட்டங் கொடுக்க வமர்ந்தோர் சிலர்முன் னிருக்கையினில் ஆட்டங் கொடுக்கும் (இ)ரயிலில் அமையும் உறவுகளே! 5. கவிக்கும் கலைக்கும் கடனாக வேனும் பொழுதொதுக்கித் தவிக்கும் நிலையில் அவசர மின்னஞ்சல் கோத்தெழுதி புவிக்குள் இணையப் புதுமை பழகி மனம்நிறைத்து செவிக்குள் இசையாகச் சேர்ந்து சிறக்கும் உறவுகளே! 6. ...