ஷெனாய் வாத்தியக்கலைஞர் பிஸ்மில்லாஹ்கான் மரணம் அடைந்தார்.
உடல்நிலை மோசமடைந்த் நிலையில் வாரணாசி மருத்துவமனையில் ஆகஸ்ட் 17 முதல் சிகிச்சை பெற்றுவந்த பிஸ்மில்லாஹ்கான் இன்று அதிகாலை 2.20 மணியளவில் மரணம் அடைந்தார் என்ற செய்தியை மருத்துவமனை அதிகாரி பி.எஸ்.ஆர்.ஐயர் தெரிவித்திருக்கிறார். அரசு இன்றைய தினத்தை உஸ்தாத் பிஸ்மில்லாஹ்கானுக்கு அஞ்சலி செலுத்தும் நாளாக அறிவித்திருக்கிறது (one-day national mourning).
பாரத ரத்னா, பத்மஸ்ரீ, பத்மபூஷன், பத்மவிபூஷன், தான்சேன் விருதுகளைப் பெற்றிருக்கும் பிஸ்மில்லாஹ்கானின் சொந்த மாநிலம் பீகார். மார்ச் 21, 1916இல் இசைக் குடும்பத்தில் பிறந்த பிஸ்மில்லாஹ்கான், வாரணாசி விஸ்வநாதர் கோயிலில் ஷெனாய் இசைக்கலைஞராக இருந்த உறவினர் அலி பக்ஷ் விலாயத்திடம் ஷெனாய் பயின்றார்.
உலகளாவிய புகழ் பெற்றிருந்த சமயத்தில், 1965இல் ஐக்கியராச்சியத்திலிருந்து வந்த அழைப்பை தட்டிக் கழித்திருக்கிறார். ஆனால், 1966இல் இந்திய அரசின் வழியாக ஐக்கியராச்சியம் செல்லவேண்டிய அழைப்பு வந்தபோது செய்த தட்டிக் கழிக்கும் முயற்சிகள் பலனளிக்கவில்லை. அரசு உயர் அதிகாரி ஒருவரின் வற்புறுத்தலின்பேரில் வெளிநாடு புறப்பட்டார். முதலில் மக்காவிற்குப் புனிதப் பயணமும், பிறகு அங்கிருந்து லண்டனுக்குமாக அவரது பயணம் இருந்தது. அங்கு நடந்த எடின்பரே விழாவில் பிஸ்மில்லாஹ்கானின் ஷெனாய் இசை ரசிகர்களை கட்டிப்போட்டிருக்கிறது.
வயோதிகம் தாக்கிய கடைசி நாள்களில் உஸ்தாத் அளவிற்கும் அதிகமாகப் பேசுவதாக செய்திகள் அங்கொன்றும் இங்கொன்றுமாக தவறாக வெளிவந்திருக்கின்றன. அது குறித்து வினவியபோது, 'எனக்கு இப்பொழுதெல்லாம் மறதி அதிகமாகிவிட்டது. சில விஷயங்களை மறந்துவிடுகின்றேன். அதன் காரணமாக பலரும் நான் இதைச் சொன்னேன் அதைச் சொன்னேன் என எங்கங்கே எழுதிவிடுகிறார்கள். என்ன செய்வதென்று புரியாமல் இருக்கிறேன்.' என வருத்தப்பட்டிருக்கிறார்.
தனது கடைசி நாள் வரையில் எளிமையானவராக ரிக்ஷாவில் சென்று வரும் சராசரி வாழ்க்கையையே வாழ்ந்ததாக செய்திகள் சொல்கின்றன.
அவரது ஆன்மா சாந்தியடைய வேண்டுகிறேன்.
*
புகழ்பெற்ற 'கா கரூன் சஜனி ஆயே நா பாலம்'ஐ பிஸ்மில்லாஹ்கானின் ஷெனாயில் கேட்க இங்கே சொடுக்கவேண்டுகிறேன்.
ஸ்வாமி திரைப்படத்தில் ஜேசுதாஸின் குரலில் சிலர் இதை முன்பே கேட்டிருக்கக்கூடும்.
*
நானறிந்த ஷெனாய்
மீர்சாகிப்பேட்டை நாள்களில் மொஹர்ரம் மாதத்தில் ஷெனாய் இசையைக் கேட்கும் வாய்ப்பு ஓரிருமுறை கிடைத்திருக்கிறது. கர்ர்ர்ர் சத்தத்துடன் ஜெனரேட்டர் இணைத்து ஒற்றை மாட்டுவண்டியில் குழல் விளக்குகள் கட்டி, சரிகையெல்லாம் சுற்றி மேடை அமைத்து ஷெனாய் வாசித்துக்கொண்டே போவார்கள்.
பக்கவாத்தியமாக துக்கி. ஷெனாயானது அமைப்பில் மினியேச்சர் நாதஸ்வரமென்றால், துக்கி மினியேச்சர் தபேலா. தோல் வாத்தியமாக இருந்தாலும் தொம்தொம் ஒலி வராது, மேசையைத் தட்டுவதுபோல டொக்டொக் சத்தம்தான். ஆசிரியர்கள் வைத்திருந்த பிரம்பின் கனத்தைவிடவும் கொஞ்சம் தடிமனான பிரம்பு, ஒன்றுஒன்றரை சாண் நீளத்தில் இருக்கும். அப்படி இரண்டு பிரம்புகளை வைத்து தாளம்தட்டி ஷெனாயுடன் பக்கவாத்தியமாக ஒலிக்கும்.
ரம்ஸான் மாதத்தில் முரசம் அடிக்கும் 'நகரா பாய்'தான் துக்கி வாசிப்பார். சமயத்தில் அவரே ஷெனாயும் வாசிப்பார். ராகம் போன்ற நுணுக்கமான சமாசாரங்கள் புரியாவிட்டாலும் ஷெனாய் இசையைக் கேட்டதுண்டு.
'ஹே பாடல் ஒன்று' (பிரியா) பாடலில் இளையராஜா ஷெனாய் வாத்தியத்தில் கலக்கியிருந்ததைக் கேட்ட அனுபவம் எல்லாரையும் போல எனக்கும் உண்டு.
இதுவல்லாமல், தூர்தர்ஷனில் பிஸ்மில்லாஹ்கானுக்கு இசைக்கலைஞர்கள் மரியாதை செய்த நிகழ்ச்சியின்போது அவர் வாசிப்பைக் கேட்டிருக்கிறேன்.
இப்போது அவர் மறைந்துவிட்ட சமயத்தில் அவர் நினைவாக, நண்பர் இக்பால், 'நவ்ஷாத்' யாஹூ குழுமத்தில் வலையேற்றிய தும்ரி இசையைக் கேட்டுவிட்டு, பிறகு அதனை எனது ஜியோசிட்டீசில் பதிந்து மேலே சுட்டியாகக் கொடுத்திருக்கிறேன்.
*
அன்புடன்
ஆசாத்
உடல்நிலை மோசமடைந்த் நிலையில் வாரணாசி மருத்துவமனையில் ஆகஸ்ட் 17 முதல் சிகிச்சை பெற்றுவந்த பிஸ்மில்லாஹ்கான் இன்று அதிகாலை 2.20 மணியளவில் மரணம் அடைந்தார் என்ற செய்தியை மருத்துவமனை அதிகாரி பி.எஸ்.ஆர்.ஐயர் தெரிவித்திருக்கிறார். அரசு இன்றைய தினத்தை உஸ்தாத் பிஸ்மில்லாஹ்கானுக்கு அஞ்சலி செலுத்தும் நாளாக அறிவித்திருக்கிறது (one-day national mourning).
பாரத ரத்னா, பத்மஸ்ரீ, பத்மபூஷன், பத்மவிபூஷன், தான்சேன் விருதுகளைப் பெற்றிருக்கும் பிஸ்மில்லாஹ்கானின் சொந்த மாநிலம் பீகார். மார்ச் 21, 1916இல் இசைக் குடும்பத்தில் பிறந்த பிஸ்மில்லாஹ்கான், வாரணாசி விஸ்வநாதர் கோயிலில் ஷெனாய் இசைக்கலைஞராக இருந்த உறவினர் அலி பக்ஷ் விலாயத்திடம் ஷெனாய் பயின்றார்.
உலகளாவிய புகழ் பெற்றிருந்த சமயத்தில், 1965இல் ஐக்கியராச்சியத்திலிருந்து வந்த அழைப்பை தட்டிக் கழித்திருக்கிறார். ஆனால், 1966இல் இந்திய அரசின் வழியாக ஐக்கியராச்சியம் செல்லவேண்டிய அழைப்பு வந்தபோது செய்த தட்டிக் கழிக்கும் முயற்சிகள் பலனளிக்கவில்லை. அரசு உயர் அதிகாரி ஒருவரின் வற்புறுத்தலின்பேரில் வெளிநாடு புறப்பட்டார். முதலில் மக்காவிற்குப் புனிதப் பயணமும், பிறகு அங்கிருந்து லண்டனுக்குமாக அவரது பயணம் இருந்தது. அங்கு நடந்த எடின்பரே விழாவில் பிஸ்மில்லாஹ்கானின் ஷெனாய் இசை ரசிகர்களை கட்டிப்போட்டிருக்கிறது.
வயோதிகம் தாக்கிய கடைசி நாள்களில் உஸ்தாத் அளவிற்கும் அதிகமாகப் பேசுவதாக செய்திகள் அங்கொன்றும் இங்கொன்றுமாக தவறாக வெளிவந்திருக்கின்றன. அது குறித்து வினவியபோது, 'எனக்கு இப்பொழுதெல்லாம் மறதி அதிகமாகிவிட்டது. சில விஷயங்களை மறந்துவிடுகின்றேன். அதன் காரணமாக பலரும் நான் இதைச் சொன்னேன் அதைச் சொன்னேன் என எங்கங்கே எழுதிவிடுகிறார்கள். என்ன செய்வதென்று புரியாமல் இருக்கிறேன்.' என வருத்தப்பட்டிருக்கிறார்.
தனது கடைசி நாள் வரையில் எளிமையானவராக ரிக்ஷாவில் சென்று வரும் சராசரி வாழ்க்கையையே வாழ்ந்ததாக செய்திகள் சொல்கின்றன.
அவரது ஆன்மா சாந்தியடைய வேண்டுகிறேன்.
*
புகழ்பெற்ற 'கா கரூன் சஜனி ஆயே நா பாலம்'ஐ பிஸ்மில்லாஹ்கானின் ஷெனாயில் கேட்க இங்கே சொடுக்கவேண்டுகிறேன்.
ஸ்வாமி திரைப்படத்தில் ஜேசுதாஸின் குரலில் சிலர் இதை முன்பே கேட்டிருக்கக்கூடும்.
*
நானறிந்த ஷெனாய்
மீர்சாகிப்பேட்டை நாள்களில் மொஹர்ரம் மாதத்தில் ஷெனாய் இசையைக் கேட்கும் வாய்ப்பு ஓரிருமுறை கிடைத்திருக்கிறது. கர்ர்ர்ர் சத்தத்துடன் ஜெனரேட்டர் இணைத்து ஒற்றை மாட்டுவண்டியில் குழல் விளக்குகள் கட்டி, சரிகையெல்லாம் சுற்றி மேடை அமைத்து ஷெனாய் வாசித்துக்கொண்டே போவார்கள்.
பக்கவாத்தியமாக துக்கி. ஷெனாயானது அமைப்பில் மினியேச்சர் நாதஸ்வரமென்றால், துக்கி மினியேச்சர் தபேலா. தோல் வாத்தியமாக இருந்தாலும் தொம்தொம் ஒலி வராது, மேசையைத் தட்டுவதுபோல டொக்டொக் சத்தம்தான். ஆசிரியர்கள் வைத்திருந்த பிரம்பின் கனத்தைவிடவும் கொஞ்சம் தடிமனான பிரம்பு, ஒன்றுஒன்றரை சாண் நீளத்தில் இருக்கும். அப்படி இரண்டு பிரம்புகளை வைத்து தாளம்தட்டி ஷெனாயுடன் பக்கவாத்தியமாக ஒலிக்கும்.
ரம்ஸான் மாதத்தில் முரசம் அடிக்கும் 'நகரா பாய்'தான் துக்கி வாசிப்பார். சமயத்தில் அவரே ஷெனாயும் வாசிப்பார். ராகம் போன்ற நுணுக்கமான சமாசாரங்கள் புரியாவிட்டாலும் ஷெனாய் இசையைக் கேட்டதுண்டு.
'ஹே பாடல் ஒன்று' (பிரியா) பாடலில் இளையராஜா ஷெனாய் வாத்தியத்தில் கலக்கியிருந்ததைக் கேட்ட அனுபவம் எல்லாரையும் போல எனக்கும் உண்டு.
இதுவல்லாமல், தூர்தர்ஷனில் பிஸ்மில்லாஹ்கானுக்கு இசைக்கலைஞர்கள் மரியாதை செய்த நிகழ்ச்சியின்போது அவர் வாசிப்பைக் கேட்டிருக்கிறேன்.
இப்போது அவர் மறைந்துவிட்ட சமயத்தில் அவர் நினைவாக, நண்பர் இக்பால், 'நவ்ஷாத்' யாஹூ குழுமத்தில் வலையேற்றிய தும்ரி இசையைக் கேட்டுவிட்டு, பிறகு அதனை எனது ஜியோசிட்டீசில் பதிந்து மேலே சுட்டியாகக் கொடுத்திருக்கிறேன்.
*
அன்புடன்
ஆசாத்
Comments
அவரது மரணம் நிச்சயமாக நமக்கொரு இழப்பு தான்.
அவரது குடும்பத்தாற்கு என் இரங்கலைத் தெரிவித்துக் கொள்கிறேன்.
என்ன ஒரு அருமையான வாசிப்பு. ஹிந்துஸ்த்தானி ராகம் ஒண்ணும் எனக்குப் பேர் சொல்லிப் பிரிச்சுச்
சொல்லத்தெரியாதுன்னாலும், அந்த வாசிப்பு கேக்கக்கேக்க என்னமா மனசு ஓடுங்கறீங்க.
அதிலும் கல்யாண இசை கேக்கறப்ப அடடாடா..........
இப்பத்தான் ஒரு சிடி வாங்கிட்டு வந்தேன். டபுள் சிடி மொத்தம் 18 பாட்டு.
Badhai ki Shehnaiyan.
அன்னாரின் ஆத்ம சாந்திக்குக் கடவுளை வேண்டுகின்றோம்.
என்றும் அன்புடன்,
துளசி & கோபால்
Thanks for the posting.
Who can forget the master's Bhairavi, Pilu and Thodi? My favourite way for unwinding is to listen to Bismillah Khan and Karukurichi Arunachanalm in succession. Both were masters of their own chosen art forms.
Ustad Bismillah Khan was told by someone in a gathering of musicians that Islam has downgraded music. The ustad in his characteristic style laced with humour replied with a twinkle in his eye, 'saab, you may be aware that even with what you say - Islam downgrading music - most of the Hindustani musicians are Muslims. Imagine what would have happend if the religion had upgraded music!'. The mixed gathering of Hindu-Muslim musicians broke into spontaneous applause and there was bonhomie returning again with all around 'wah wahs' and patting the backs of each other.
Bismillah Khan was a true great man who thru music made music lovers feel first passionate human beings capable of enjoying life in ints pristine pure form. He practiced simplicity and while other musicians vie with each other for international appearances, he shunned publicity and was happy to be in his native Vaaranasi playing his shenoy at Vishwanath temple and taking a stroll on the banks of the river Ganges.
May his soul rest in peace.
warm regards
era.murukan
(Edinburgh, UK)
இசைமேதையின் மரணம் ஈடுசெய்ய முடியாத இழப்பு.
சிவா, பாலா, லிவிங் ஸ்மைல், துளசியக்கா அன்னாரின் ஆன்மா சாந்தியடைய வேண்டுவோம்.
*
முருகனார்,
வுஸ்தாதின் தும்ரியை இப்போதுதான் கேட்டேன். உருக்கமாக இருக்கிறது. மலையாளத் தொலைக்காட்சியாளர்கள் சிறப்புப்பார்வை ஒன்றை ஒளிபரப்பினார்கள். நம்மவர்கள் செய்தியாகச் சொன்னதுடன் விட்டுவிட்டார்கள்.
பாராஜி ரிப்போர்ட்டருக்காக ஒரு கட்டுரை எழுதியிருக்கிறார். நல்ல விவரங்கள் அடங்கிய கட்டுரை.
அன்புடன்
ஆசாத்
I have had forgotten to mention about Bismillah Khan's beautiful Poorya Dhanashri, Bhoopal Thodi and the mellifluous Basant Bahar. His short Thumri pieces have an impishness I do very much like.
I'll read Raghavan's article on the Ustad ASAP. I am also planning to write about B.K in detail. With at least 6 festivals going on all at once in Edinburgh - International Film Festival, Theatre (comendy and experimental) Festival, Edinburgh International (Music and Dance) Festival, Literary festival, painting and sculpture exhibitions and Jazz festival - all my weekends and after-work hours are spent in festival venue-hopping leaving little time for other pursuits :-) Come, September..
warm regards
era.mu