எண்ணம்

அன்புடையீர், வணக்கங்கள். இண்டர்டிப்பண்டண்ட் என்னும் வார்த்தையை நான் அதிகமாக உபயோகித்தது ஸ்டீஃபன் கவியின் புத்தகத்தைப் படித்த பின்னர்தான். தர்க்கரீதியாக நாம் ஒருவருக்கொருவர் கட்டுப்பட்டுதான் வாழ்கிறோமென்றாலும், நம் மனதில் எவருக்கும் கட்டுப்படாமல் வாழும் விருப்பம் இருப்பதாகவே உணர்கிறேன். அது ஒரு விளம்பரப் படம். பணியாளர் ஒருவர் தனது மேலாளரை அலட்சியமாகப் பார்க்கிறார், மேலாளரின் மிரட்டலுக்கு முகத்திலடித்தாற்போல் எதிர்வினை செய்துவிட்டு வெளியே நடக்கிறார். 'இவர் எங்கள் மூலமாக புதிய வேலை வாய்ப்பைப் பெற்றவர்' என்னும் வாசக்ம் பின்னணியில் ஒலிக்கிறது. இங்கே பிரதானமாகக் காட்டப்படுவது தற்போதைய வேலையிலிருந்து விடுதலை. 'முதல் மரியாதை' திரைப்படத்தில் ஒரு காட்சி. சிவாஜி இறுகிய முகத்துடன் வீட்டைவிட்டு வெளியே வருகின்றார். வானத்தைப் பார்க்கிறார், சுற்றுப்புறத்தைக் கொஞ்சம் பார்க்கிறார். அவரிடமிருந்து லேசான பெருமூச்சு வருகின்றது, முகம் மலர்கின்றது, புன்னகைத்தபடியே நடக்கத் துவங்குகின்றார். அங்கே அவருக்குத் தேவைப்பட்டது விருப்பமில்லாத உறவிலிருந்து தற்காலிகமான விடுதலை. இன்றைக்கு கோலாலம்பூரில் நா...

அன்புடையீர், வணக்கங்கள். எதிர்பாராதவிதமாக தேன்கூடு + தமிழோவியம் போட்டியில் வெற்றி கிடைத்திருக்கிறது. வாக்களித்தவர்களும், நடுவர்களுமாக ஒன்றுசேர்ந்து இதனை எனக்கு வழங்கியிருக்கிறார்கள். அவர்களுக்கு எனது நன்றிகள். போட்டியில் பங்குபெறும் வாய்ப்பை உருவாக்கித் தந்த தேன்கூட்டார்களுக்கும், தமிழோவியத்தார்களுக்கும் நன்றி சொல்லாமல் இதனைத் தொடர்வது சரியன்று. போட்டியின் அமைப்பாளர்கள் இருவருக்கும் நன்றிகள். இக்கடிதத்துடன் எனது சில எண்ணங்களைப் பகிர்ந்துகொள்கிறேன். குடும்பத்தாருடன் சுற்றுலாவில் இருக்கிறேன். சிங்கையிலிருந்து கோலாலம்பூர் வந்து இரண்டு நாள்களாகின்றன. சரி...கொஞ்சம் மின்னஞ்சல்களைப் பார்க்கலாம் என உலவி மையத்திற்குச் சென்றால் இன்ப அதிர்ச்சி. நண்பர்களிடமிருந்து பாராட்டுகள். எல்லாவற்றையும் பார்த்துவிட்டு விடுதிக்கு வந்தால், இரவு மணி ஒன்று. செல்பேசியிலிருந்த தொகை முடிந்துவிட்டது. கடைகள் அடைக்கப்பட்டுவிட்டதால் தொகையைக் கூட்ட வழியில்லை. தங்கியிருக்கும் விடுதியிலிருந்து வெளிநாட்டு அழைப்புகள் யானை விலை குதிரை விலை :). ஒருவார்த்தையில் தொலைபேசி எண்ணைத் தெரிவித்ததும் கே.வி.ராஜா தொடர்பு கொண்டார், தேன்கூ...

சில சொந்த சமாசாரங்கள் - சிங்கப்பூர் (1) 22ம் தேதி இரவு பதினொன்றரை மணியளவில் கடவுச் சீட்டையும், பயணச் சீட்டையும் முகவரிடமிருந்து வாங்கும் வரையில் சிங்கப்பூர் பயணம் உறுதியாகவில்லை. அதன் பிறகே மறுநாள் புறப்படுவதற்கான ஏற்பாடுகளில் கவனம் செலுத்தினேன். மறக்காமல் சிங்கை நண்பர்களின் தொலைபேசி எண்களைக் குறித்து வந்து, சிங்கை சேர்ந்ததும் அவர்களுடன் ஒரு ஹலோ சொல்லியபின் திருப்தியாக இருந்தது. ரா.கா.கி. நண்பர் சலாஹுத்தீன் அவர்கள் 'பாய் ஏர்போர்ட்டிற்கு வரவா' என குறுஞ்செய்தி அனுப்பியிருந்தார். அவரிடம் அன்பாக 'வேண்டாம்' சொல்லிவிட்டு 23ம் தேதி மாலை சிங்கையை அடைந்து, அந்த பளப்பளா சாலைகள், அடுக்குமாடிகள், நியான் விளக்குகள், எம்.ஆர்.டி., எல்லாவற்றிலும் மீண்டும் ஒருமுறை மனதை இழந்தாகிவிட்டது. பயணக் குறிப்புகள் எழுதினால், பயணத்தில் சந்தித்த / தொலைபேசிய நண்பர்களின் பட்டியலை வலைப்பதிவில் இடுவது எழுதாத சட்டமாக விரிந்திருக்கிறது. தனிப்பட்ட முறையில் இந்த வழக்கத்துடன் எனக்கு உடன்பாடு இல்லையென்றபோதும், மரபாக அது வளர்ந்திருப்பதால் கடைப்பிடித்தல் அவசியமாகிறது. ஆகிர் ஃபார்மாலிட்டீஸ்தோ பூரி கர்னா ஹைனா :)...

சில சொந்த சமாசாரங்கள் பயணம் புறப்படும் நாளன்று அலுவலகத்தில் எல்லோரிடமும் கையைக் குலுக்கி விடைபெறுவது எங்களிடையே இருக்கும் எழுதப்படாத சட்டம். சொல்லாமல் புறப்பட்டுவிட்டால் அவர் அடுத்த விடுமுறையில் செல்லும் வரையில் 'ஏன்யா சொல்லாம போன?' என மாதமிருமுறை கேட்டுவைப்போம். அப்படித்தான் காலையில் கைகுலுக்கும் வைபவம் துவங்கியது. பாக்கிஸ்தானி, யமனி, சவூதி, சூடானி, ஹிந்தி (நாமதாங்க) எல்லோரிடம் கையைக் குலுக்கி விடைபெற்றேன். பஞ்சாபியர்களிடம் விடைபெறும்போது கவனமாக இருக்கவேண்டும். 'கியாலஜீ ஆசாத் சாபு' என விசாரித்து அணைத்து ஒரு இறுக்குஇறுக்கும்போது, மூச்சடிக்கி உடம்பை கெட்டிப்படுத்தவில்லையென்றால், விலா எலும்புகள் தெறிக்கும் அபாயம் உண்டு. அண்ணிக்கு ஸலாம் சொல்லவும், குழந்தைகளுக்கு அன்பைச் சொல்லவும், குடும்பத்தார் அனைவருக்கும் என் வாழ்த்தைச் சொல்லவும், இப்படியாக ஒவ்வொருவராக அவர் குறிப்பிட்டு நம்மை வழியனுப்புமுன் விமான நிறுவனத்தார்கள் நேரமாகிவிட்டதென மேசையைத் துடைத்துவிட்டுப் போய்விடுவார்கள். NWFP (நார்த் வெஸ்ட் ஃப்ரண்டியர் ப்ராவின்ஸ்) பாக்கிஸ்தானியர்கள் வேறு ரகம். மனைவி மக்கள் எல்லாரையும் சே...

சித்திரம் பேசுதடி - புத்தகம் குறித்த எண்ணங்கள் ராயர் காப்பி க்ளப் நண்பர்களுடன் 1 தியோடர் பாஸ்கரன் அய்யாவின் கருத்துப் பரிமாற்றங்களை ஒருமுறை நேரில் கேட்டிருக்கிறேன். பிறகு அய்யாவை சந்தித்தது சென்னை புத்தகக் கண்காட்சியில். அவரது சித்திரம் பேசுதடி யை வாங்கி அவரிடம் கையெழுத்தையும் பெற்றுக்கொண்டேன். கருப்பு வெள்ளையில் என்.எஸ்.கே. - டி.ஏ.மதுரம் நகைச்சுவைக் காட்சியை அட்டையாகக்கொண்டு 1934முதல் 2003வரையில் எழுதப்பட்ட பல கட்டுரைகளின் தொகுப்பு. அனைத்து கட்டுரைகளும் தமிழ்த் திரைப்படங்கள் தொடர்பானவை. தமிழகத்தில் வெகுஜன கேளிக்கைச் சாதனமாக திரைப்படங்கள் உருவானதை எழுத்தாளர்கள் எப்படி அணுகினார்கள் என்பதை தமிழ் வாசகர்களுக்கு உணர்த்துவதே தொகுப்பின் நோக்கம் என முன்னுரையில் குறிப்பிட்டிருக்கிறார். நோக்கம் நன்றாக நிறைவேறியிருக்கிறது. தமிழ்த் திரைப்படங்கள் கீழ்த்தட்டு மக்களின் ரசனைக்காக எடுக்கப்படுபவை என்னும் நினைப்பால், சில காலங்கள் திரைப்படங்களின் வளர்ச்சி குறித்தோ, தாக்கங்கள் குறித்தோ மேல்தட்டு மக்கள் அக்கறையேதும் கொண்டிருக்கவில்லை. 1916முதல் 1931வரையில் தமிழ்ப் பத்திரிகையாளர்கள் மௌனப் படங்களின் வரவைக் க...

Don ஒலிப்பேழை - சில கோவையற்ற எண்ணங்கள் அந்நியனில் கண்ணும் கண்ணும் நோக்கியா வைக் கேட்டதும், வசுந்தரா தாஸின் மேலிருந்த ஈர்ப்பால் பாடலை வேறுவிதமாகக் கற்பனை செய்திருந்தேன். திரையில் பார்த்தபோது என்னைப் பொருத்தவரையில் கொஞ்சம் ஏமாற்றம். புதுப்பேட்டையின் எங்க ஏரியா உள்ள வராதே , வேட்டையாடு விளையாடுவின் கற்கக் கற்க இவை பாடலைக் காண்பதற்கு முன்பே எனது கற்பனையில் வேறு காட்சிகளாக ஒடியிருக்கின்றன. திரையில் பாடலைப் பார்ப்பதற்கு முன் ஒலிப்பேழைகளைக் கேட்கையில் எனது பயிற்சிக்கேற்ப ஏதாவதொரு கற்பனை வடிவம் மனதிற்குக் கிடைக்கின்றது. இப்பொழுது மீண்டும் அப்படி ஒரு பாடல். இது ஏற்கெனவே திரையில் பார்த்ததுதான் என்றபோதும், பாடியவர் மேலிருக்கும் ஈர்ப்பு பாடல் காட்சி குறித்த கற்பனைகளை வளர்த்துவிட்டது. பழைய பாடல்தான், ஆஷா போஸ்லே + ஹெலன் + கல்யாண்ஜி ஆனந்த்ஜி கூட்டணியில் எழுபதுகளின் இறுதியிலிருந்து இன்று வரையில் இந்தித் திரைப்பாடல் ரசிகர்களைத் தலையாட்டவைக்கும் பாடல்தான், அந்தக்கால ஐட்டம் நம்பர்தான். ஆனாலும், சுனிதி சௌஹானின் குரலில் இந்தப் பாடலைக் கேட்கும்போது பழைய பாடலை எப்படி இன்றைய திரைக்கு மாற்றியிருப்பார்கள் என்...

லிஃப்ட் - மின்மாடம் பயனர்களுக்கு இது நகரும் தொலைபேசிக் கூண்டு. வாசலில் இருக்கும் பொத்தானை அழுத்துகிறோம், மின்மாடம் வந்து நிற்கிறது. உள்ளே சென்று போகவேண்டிய தளத்தின் பொத்தானை அழுத்துகிறோம். அது கொண்டு சேர்க்கிறது. சில மின்மாடங்களில் தானியங்கிக் கதவுகள், சிலவற்றில் நாமே திறக்கவேண்டிய கதவுகள். கதவைத் திறந்து / கதவு திறந்ததும் இறங்கிச் செல்கிறோம். பயனர்க்கு நகர்கின்ற கூண்டாக இருக்கும் மின்மாடத்தின் உள்ளே இருக்கும் சில இயந்திரப் பாகங்களையும், மாடத்தின் இயக்கத்தையும் மேலோட்டமாக இக்கட்டுரையில் காணலாம். அடிப்படை: மின்மாடத்தின் முக்கியமான பாகங்கள். 1. கூண்டு (நாம் ஏறுவது) 2. இயந்திரம் (மோட்டாருடன் இணைக்கப்பட்டு உயரே இருக்கும்) 3. எதிர் எடை (கூண்டின் பின்புறத்திலோ பக்கத்திலோ இருக்கும்) 4. தண்டவாளம் (கூண்டும், எதிர் எடையும் மேலே கீழே சென்று வர) இவையல்லாமல் ஆயிரக்கணக்கில் பல உதிரிபாகங்கள் அதனுள் இருக்கின்றன. பொத்தானென்றால் வெளியே தெரியும் ப்ளாஸ்டிக் குமிழ், பின்னே இருக்கும் சர்க்யூட் போர்ட், இணைக்கும் கம்பிகள், எல்.இ.டி., விளக்கு, ஸ்க்ரூ இப்படியாக ஒவ்வொரு பாகத்திலும் உதிரிப் பாகங்கள் விரிவடையும். ...

லூர்து எட்டடித் தீவுக்குள்ளே இருப்பது நியாயம் இல்லே எமலோகம் போகலாம் வாடியம்மா! தாயே! பட்டணம் மீதிலுன்னைக் கட்டிய மாப்பிள்ளை பாசவலை வீசுறான் வாடியம்மா! தாயே! டடக்முடக் டடக்முடக் ஓசையுடன் ஊடாடிக்கொண்டிருந்த தறி நாடாவின் ஓசையையும் தாண்டி வெண்கலக்குரலில் பாடத் துவங்கினான் ஷேக் அலி. கைத்தறி வேலை செய்பவனாக இருந்தாலும் ஷேக் அலியின் சிந்தனைகளும் நடவடிக்கைகளும் சராசரி தறிக்காரர்களுடன் எப்பொழுதும் ஒத்துப்போனதில்லை. வயிற்றுப் பிழைப்புக்காக தறியில் கைகள் ஓடிக்கொண்டிருந்தாலும் சிந்தனை வேறு பக்கத்தில்தான் இருக்கும். ஏதாவது பிரபலமான பாடலைப் பாடிக்கொண்டோ அல்லது தானே அடுக்கிய வார்த்தைகளை தனக்குத் தோன்றும் மெட்டில் பாடிக்கொண்டோ இருப்பான். ஷேக் அலியின் பாட்டை யாரும் குறை சொல்லாததற்கு முக்கியமான காரணம் இருக்கிறது. அவன் லெப்பையாகத்தான் போவான் என ஜமாத்தில் அனைவரும் நினைத்தார்கள். 'மவ்லாய ஸல்லி வஸல் லிம்தாஹி மன்அபதா' மாப்பிள்ளை ஊர்வலங்களில் அரபி பைத்தைத் துவங்கினானென்றால், மாப்பிள்ளைகூட ஊர்வலம் அவசரமாக மணப்பந்தலுக்குப் போகவேண்டாம் என நினைப்பார். வெண்கலக் குரலில் எந்த கோஷ்டியுடன் அவன் சேர்ந்து பைத்து...

வேட்டையாடு விளையாடு - சண்டைக்காட்சிகள் விவரங்கள் சரிபார்க்காமல் எழுதியதற்கு மன்னிக்க வேண்டுகிறேன். சண்டைக்காட்சிகளை அமைத்தவர் ஸ்டண்ட் சிவா என அறிகிறேன் சண்டைக் காட்சிகளில் விக்ரம் தர்மா இல்லாத குறை நன்றாகவே தெரிகிறது. தர்மா மரணமடைந்தது சென்ற ஜூனில்தான். அதற்கு முன்பே வேட்டையாடு விளையாடு எடுக்கப்பட்டிருந்தபோதும் தர்மாவின் பங்களிப்பு இதில் இல்லையென்பது என்னைப்போன்ற கமல் + தர்மா கூட்டணியின் ரசிகர்களுக்கு சிறிய ஏமாற்றம். குழுச்சண்டைகளில் உத்திகளால் கூட்டத்தைப் பிரித்து தனித்தனியாக்கிய பிறகே கதாநாயகனின் ஆளுமையை நிரூபிக்கும் வீச்சுகளை பயிற்சியாளர்கள் அமைப்பார்கள். முன்னணிக் கதாநாயகர்களுக்கான காட்சியமைப்புகளில் இது தவறாமல் இடம்பெறும். ஆனால், துவக்கத்தில் நிகழும் சண்டைக் காட்சியில் இந்த உத்தியைக் காட்டாமல் ஒவ்வொருவராக வந்து அடி வாங்கிப்போவதில் பயிற்சியாளர் சறுக்கியிருக்கிறார் என்பது எனது எண்ணம். பாஷா வின் குழுச்சண்டையில் கூட்டமாக ரஜினியைச் சுற்றி குண்டர்கள் நிற்பதும், ஓரிரு அடிகள் நடந்த பின்னர் ரஜினி வீச்சுகளைத் துவங்குவதுமான அமைப்பு இருந்ததால் கிடைத்த ஈர்ப்பு நினைவிற்கு வருகின்றது (பயிற்சி...

1. வளைந்த முதுகெலும்பை வாணாளில் கொண்டு விளைந்த சரணங்கள் வீணே - களைந்தெடுத்து நெஞ்சத்(து) இருக்கும் நெடும்பயப் பேயோட்ட கொஞ்சம் கிடைக்காதோ கோல்! 2. வல்லமை பெற்றிருந்தும் வாயடைத் தேயிருக்கும் நல்லவ ராலேதும் நன்மையுண்டோ - கொல்லுலையாய் நெஞ்சக் கனலெழுப்பி நேர்மைக்கு வாள்பிடிக்க கொஞ்சம் கிடைக்காதோ கோல் ! 3. எவரோ உதிர்த்திடும் எண்ணச் சலவை தவறாமல் தூண்டித் தகிக்கும் - அவதூறு நெஞ்சத்(து) இருக்காமல் நீக்கி விரட்டிடவே கொஞ்சம் கிடைக்காதோ கோல்! 4. அஞ்சித் தினமும் அகத்துள் அடைபட்டு கெஞ்சி யழைத்தாலும் கேளாது - மிஞ்சியொரு நெஞ்சத்(து) உறங்குகின்ற நீதி விழித்தாட்ட கொஞ்சம் கிடைக்காதோ கோல்! 5. கைக்கிளை யேறிக் கரமொடிந் தோர்மனப் பொய்க்கிளை சோகப் புனல்நீக்கி - மெய்க்கிளை நெஞ்சத்(து) இருக்க நிதமும் துணையாக கொஞ்சம் கிடைக்காதோ கோல்! * அன்புடன் ஆசாத் பி.கு.: நல்ல தமிழில் எழுது என பெரியோர்கள் சொல்லிய சொல்லைக் கேட்டதனால் விளைந்த ஐந்து வெண்பாக்களையும் போட்டிக்கு அனுப்பிவிட்டேன். எங்கியாச்சும் தப்பு பண்ணா, பெரியவங்க சொன்னா கேட்டுக்கணும். திருத்திக்க முயற்சி பண்ணணும். ஆ..ஊ..அது இது அப்படித்தான்னு அடம் பிடிச்சிருந்தா இ...

கொஞ்சம் லிஃப்ட் கிடைக்குமா? 1. (Z)ஸீரோ சதவட்டி சீலிங் ஒருஃபிப்ட்டி ஆரோ கொடுத்தார் அடமானம்1 - தார்ரோட்டில் பஞ்சத் தவணையிலே பைக்வாங்கிச் செல்வோனே கொஞ்சம் கிடைக்காதோ லிஃப்ட்! 2. பல்சர் படபடக்க பக்கத்(து) இருப்போர்க்கு அல்சர்2 வரவழைக்கும் ஆணழகே - வில்ஸாலே நெஞ்சில் புகைநிறைத்த நிக்கோடின் மூச்சோனே கொஞ்சம் கிடைக்காதோ லிஃப்ட்! 3. தண்டர்பேர்ட் என்றால் தலைசாய்த்(து) அதைநோக்கி வொண்டர்ஃபுல் சொல்லாரும் உள்ளாரோ - டெண்டர்கள் அஞ்சும் விலைகொடுத்(து) ஆர்டர் எடுப்போனே கொஞ்சம் கிடைக்காதோ லிஃப்ட்! 4. கேலிபர் க்ளச்சிதழில் க்வோவாடிஸ் முத்தமிட வாலிப கெத்தில் வளைகின்றாய் - நூலிழையில் விஞ்சிட டாப்கியரில் வீம்பாய் விரைவோனே கொஞ்சம் கிடைக்காதோ லிஃப்ட்! 5. பிரகாஷ்ராஜ் சொல்லில் பிறழாமல் ஸ்ப்லெண்டர் வரமாய்ப் பெறுவோனே வாவ்க்ரேட் - சரக்கடிக்க தஞ்சம் உனைச்சேர் தலயை மறக்காதே கொஞ்சம் கிடைக்காதோ லிஃப்ட்! 6. ஆக்டிவா ஓட்டிடும் ஆரணங்கே சைடுவாங்கும் டாக்டிஸ் தெரிந்திருக்கும் தேவதைநீ - பாக்டினிலே3 பஞ்சர் விழுந்ததனால் பார்க்கிங் கினில்நின்றேன் கொஞ்சம் கிடைக்காதோ லிஃப்ட்! 7. வொய்ஷுட்பாய்ஸ் ஹாவ்ஆல்தி ஃபன்.அடடா4 ஐகேட்சிங் ஹவ்ஷுட்.ஐ...

கோடம்பாக்கம் கோட்டப்போல ஒடம்பிருக்கு இப்போ உனக்கும் - நீ கோடம்பாக்கம் போடியம்மா சான்ஸு கெடைக்கும் சக்கரவர்த்தி என்னும் வெற்றி பெறாத திரைப்படத்தில் மனோரமா பாடிய கானாவில் இரண்டடிகள் இவை. திரைப்பட வாய்ப்பு என்றாலே தமிழகத்தில் கோடம்பாக்கம்தான் அனைவருக்கும் நினைவிற்கு வரும். அதற்கு வெற்றி பெறாத இந்தப் பாடலும் விதிவிலக்கன்று. கோடம்பாக்கத்தின் மேற்கு மூலை வடபழனி, இப்பொழுதெல்லாம் செல்லமாக பத்திரிகையாளர்களால் அழைக்கப்படும் கோலிவுட் - கனவுத் தொழிற்சாலை. தமிழகத்தின் மூலைமுடுக்கிலிருந்தெல்லாம் மக்கள் வந்து பாரதிராஜாவாக, இளையராஜாவாக, வைரமுத்துவாக இன்னும் பலப்பல பிரபலங்களாகும் கனவுகளில் காத்திருக்கும் இடம். இவை மட்டும்தான் கோடம்பாக்கமா? திரைத்துறையல்லாமல் கோடம்பாக்கத்திற்கு வேறு முகம் இல்லையா? அறுபதுகளின் துவக்கத்தில் வேண்டுமானால் திரைத்துறை சார்ந்தவர்கள் அதிகம் வசித்த பகுதி கோடம்பாக்கமாக இருந்திருக்கலாம். பிறகு பவர் ஹவுஸைச் சுற்றிலும் மெதுவாக விரியத்துவங்கிய புரங்கள், நகர்கள் எல்லாம் கோடம்பாக்கத்திற்கெனெ இருந்த முகத்தை அடியோடு மாற்றி அருணாசலம் சாலையும் வடபழனி பேருந்து நிலையத்தைச் சுற்றிய பகுதிகளு...