மீன் சந்தை, மோட்டார் படகுகள், குறுகலான சந்துகள், மருந்துக் கடை, பேருந்து நிலையம் என எல்லாமே தினசரி கண் முன்னே விரியக்கூடிய, திரைக்காக யாதார்த்தத்தை மீறியிருக்காத காட்சியமைப்புகள். எந்த வீட்டுக் கூரையிலிருந்து சென்னை இத்தனை அழகாகத் தெரிகிறது என்றெல்லாம் மண்டையை உடைத்துக்கொள்ளவைக்காமல், உள்ளதை உள்ளபடி அலங்காரமே இல்லாமல் படம் பிடித்ததற்காக இயக்குனரைப் பாராட்டியே தீரவே வண்டும்; இதற்காக மட்டும்தான் . முதன்முறையாக இப்படி எடுக்கிறார்கள் என்பதல்ல; சமீபத்தில் காதலில் இருந்தே இவை திரையை ஆக்கிரமிக்கின்றன. பாடல் காட்சியின் இந்தி வரிகளும் நடனமும் மட்டுமே விதிவிலக்கு. வினியோகமும் ஆகவேண்டுமல்லவா, யதார்த்தத்தை மட்டுமே அறைந்து படமெடுத்து விருது வாங்குவதற்கு நமது திரையுலக இரசாயனம் இன்னமும் இடங்கொடுக்கவில்லையென்றே நினைக்கத் தோன்றுகிறது. பிரகாஷின் விமர்சனம் படிக்காமல் இருந்திருந்தால் இப்படி அவசரமாக பட்டியலைப் பார்த்திருப்பேனா என்பது சந்தேகமே. ஆரவாரமான நிழலுக ஆசாமிகளின் பட்டியலான தீவாரில் துவங்கி, பரிந்தா வழியாக சத்யா, கம்பெனி என கலக்கிக்கொண்டிருக்கும் தாதாக்கள் வரிசையில் நாமும் கோடம்பாக்கத்திலிருந்து நமத...