எண்ணம்

1. மேடு பள்ளம் உனக்கு எங்கே புரியப்போகிறது மகிழுந்தின் கண்ணாடி இறக்கி என்னைப் பார்த்து உறுமிச் செல்கிறாய் கடைந்த எந்திரப்பாகம் பார்ப்பதற்குதான் சிறிய உருளை அதன் எடை என்ன தெரியுமா உன்மேல் ஒருநாள் சரிந்து விழுந்தால் உனக்கு அதன் கனம் தெரியக்கூடும் இரண்டு ஆள்கள் அதை சாக்குப்பையின் நடுவில் வைத்து மூச்சடக்கி தூக்கிக் கட்டினார்கள் தெரியுமா எண்ணூரிலிருந்து மிதித்து வருகிறேன் இடையில் தொண்டை வரண்டபோது தேநீர் குடிக்க நாலணா குறைவாக இருந்தது கிடக்கட்டும் தேநீர் குடிக்காவிட்டால் என்ன திரும்பும்போது கொண்டித்தோப்பு வழியாகச் சென்று மூங்கிலின் மேல் வண்ணக்கோடிழுத்து அப்பி வைத்திருக்கும் சவ்வு மிட்டாயில் கோமாளிப்பொம்மை செய்து தங்கைக்கு வாங்கிப்போக போதுமான சில்லறை இருக்கிறது வெளிநாட்டுப் பானம் உறிஞ்சும் உனக்கு ஒரு ரூபாய் 'வாட்டர் பாக்கெட்'டுக்கு ஆலாய்ப் பறப்பவனின் கவலை எங்கே புரியப்போகிறது உறுமிச் செல்கிறாய் கொஞ்சம் தடம் மாறினாலும் முறைக்கிறாய் வேண்டுமென்றா செய்கிறேன் ஒரே சொத்தென்று அப்பா விட்டுப்போன மிதிவண்டியில் எண்ணெய் விடவும் காசில்லாமல் இப்படித்தான் ஓவ்வொரு நாளும் மூச்சிறைக்க மிதித்துக்கொண்டிர...

"ஏய்! என்னை என்ன பொட்டு வச்சுக்கினு பொங்கல் சாப்புர்ரவன்னு நெனச்சியா. பழைய போலீஸ் ரெக்கார்ட எடுத்துப் பாரு. ஆதிடா! காசி மேடு ஆதி! சொர்ருவிடுவேன்" இதுதான் அவர் (சுமன்) ரஜினியிடம் வெடிக்கின்ற அதிகபட்ச வில்லத்தனம். ரஜினிக்கு இருக்கும் ரசிக அங்கீகாரங்களுக்கு முன் இந்த அதிகபட்ச வில்லத்தனம் குழந்தைத்தனமாகத் தோன்றுகிறது. இத்தனை அங்கீகாரம் ரஜினிக்குக் கிடைப்பதற்கு முன்பே அவருக்கு திரைப்படங்களில் கிடைத்த சில வில்லன்களை நினைத்துப்பார்க்கத் தோன்றுகிறது. கராத்தே மணி (அன்புக்கு நான் அடிமை): என்டர் த ட்ராகனின் பாதிப்பில் அங்கங்கே இளைஞர்கள் கராத்தே மோகத்தில் இருந்த நேரம். அந்நேரத்தில் தமிழகத்தில் காவல்துறைக்கு தற்காப்புப் பயிற்சிகள் அளித்த கராத்தே மணி என்னும் ஆர்.வி.தமிழ்மணி அவர்களை தேவர் ஃபிலிம்சார் திரைக்கு அழைத்து வந்தார்கள். பல பரிசுகள், கராத்தேயில் இந்திய அளவில் சாதனைகள், சர்வதேச அளவில் கராத்தே வீரர்கள் பட்டியலில் இடம் இப்படியாக தற்காப்புக் கலையில் பெயர்பெற்ற கராத்தே மணி திரையில் வில்லனாகத் தோன்றினார். வழமையான கதாநாயகன் - வில்லன் தன்மையிலிருந்து மாறுபட்ட அமைப்பில் பல தமிழ்படங்கள் வெள...

சென்னை அஷோக் நகரில் இருக்கும் லஷ்மன் ஸ்ருதி இசை வளாகத்திற்குச் சென்றபோது, அங்கே இருந்த பெரிய தவில் என்னை ஈர்த்தது. மேடைக் கச்சேரிகளில் பாடகர்கள் உபயோகிக்கும் ச்செஸ்ட் போர்டின் உயரத்தில் பாதியளவிற்கு இருந்தது. அருகில் இரண்டு பெரிய நாதஸ்வர அமைப்பு, அதனிடையே கண்ணாடித் தட்டைப் பொருத்தி பொம்மைகளை அலங்காரமாக வைத்திருக்கிறார்கள். உடற்பயிற்சிக் கருவிகள் விற்கின்ற கடை ஒன்றில் மெகா சைஸ் டம்பிள்ஸ் ஒன்றை உருவாக்கி அதனை நாற்காலியாகவும் பயன்படுத்துகின்றார்கள். ஜித்தாவில் டொயோட்டா நிறுவனத்தின் (அப்துல் லத்தீஃப் ஜமீல்) பயிற்சிக்கூடத்தில் பேச்சாளரின் மேசை (லெக்டர்ன்) ஒரு மெகா பிஸ்டன் வடிவில் அமைந்திருக்கும். கனவுக் காட்சி மெகா பொம்மைகள், லார்ஜர் தேன் லைஃப் கட் அவுட் கலாசாரத்தவர்களாகிய நமக்கு இதெல்லாம் ஜுஜுபிதான்...பிர்பி சல்தா ஹை. அன்புடன் ஆசாத்

அவுட்லுக் இதழை (ஆகஸ்ட் 20, 2007 தேதியிட்டது) வாங்கி வரும்போது இப்படி சர்ச்சைக்குரிய சில விஷயங்கள் உள்ளே இருக்கும் என யார்தான் எதிர்பார்த்திருக்கக்கூடும். 11ம் தேதி முதலே இதழ் கடைகளில் கிடைத்திருந்தும் இதுவரையில் தமிழக அரசியல் வட்டாரங்களில் இருந்து எந்த எதிர்ப்பும் மறுப்பும் வந்ததாக தொலைக்காட்சி செய்திகளில் தெரிவிக்கப்படவில்லை. Passion என்று தலைப்பிட்டு மிகப் பெரிதாக Love actually என கீழே குறிப்பிட்டு, அசாருத்தீன் - சங்கீதா பிஜ்லானி சஞ்சய் காந்தி - மேனகா காந்தி ஜாவீத் அக்தர் - ஷபானா ஆஸ்மி மன்சூர் அலி கான் பட்டௌடி - ஷர்மிளா தாகூர் ராஜீவ் காந்தி - சோனியா காந்தி தர்மேந்திரா - ஹேமா மாலினி ஆர்.டி.பர்மன் - ஆஷா போஸ்லே இவர்களுடைய படங்களுடன், ராஜ் கபூர் - நர்கீஸ் ஜவஹர்லால் நேரு - எட்வினா மவுண்ட்பேட்டன் அமிதாப் - ரேகா எம்.ஜி.ஆர். - ஜெயலலிதா இவர்களின் படங்களையும் வெளியிட்டு ஓரிரு வரிகள் எழுதியிருந்தது. அவற்றில் எம்.ஜி.ஆர். - ஜெயலலிதாவிற்கு எழுதப்பட்டிருந்த வரிகள் அவுட்லுக்கின் தரத்திற்கு ஏற்றபடி கிடையாது என்பது எனது கருத்து. இரண்டு முதல்வர்களைப் பற்றி எழுதும்போது வரிகளை கவனமாக எழுதியிருக்கவேண்டும்...

1.பஹ்ரைன்: மனாமாவில் (பஹ்ரைன்) அமைதியாக உறங்கிக்கொண்டிருந்தவனை எழுப்பி காலைச் சிற்றுண்டிக்கு ஒரு டொக்கு சந்திற்கு வரச்சொன்னார்கள். கீமா பரோட்டாவும், கோப்பை தேநீரும், ரோத்மான்சுடன் முடியவேண்டிய அன்றைய சிற்றுண்டியானது இட்லி, தோசை, மூன்று வகை சட்னி சாம்பாருடன் முடிந்தது. கடை ஒன்றும் பெரிய கடை கிடையாது, சந்தைப் போலவே கடையும் டொக்குதான். பெரிதான மேசை நாற்காலியெல்லாம் ஒன்றும் இல்லை. நெருக்கியடித்துதான் உட்காரவேண்டும். "ஒரு தோச லைன்லேய்! ஒண்ணு பார்சலேய்" என இலவச இணைப்பாக கட்டளைகளும் காதுகளுக்குக் கிடைத்துக்கொண்டே இருக்கும். "சார், கடை பேரப் பாக்றதுக்குதான் சார் ஒங்கள வரச் சொன்னோம். இங்க வந்துட்டு இதப் பாக்கலேன்னா எப்படி?" நண்பர் சொன்னார். படத்தில் பாருங்களேன். 2.துபாய்: முந்தைய நாள் இரவு மொஹலே ஆஸத்தில் (துபாயில் இருக்கும் ஒரு உணவு விடுதி) சாப்பாடு. சிக்கன் டிக்கா, நான் (ரொட்டி), மிளாகுடானி (ரசமுன்னுதான் நெனச்சு சூப் மாதிரி குடிக்கலாமுன்னு பாத்தா அது சாம்பார் மாதிரி இருந்துச்சு. தலயெழுத்து, சாம்பாரக் குடிச்சுட்டு டிக்காவும், பிரியாணியும் வெட்டுன மொத மனுசன் நானாத்தான் இரு...

1.என்.டி.டிவியில் கனிமொழி எம்.பி.: ஷேகர் குப்தாவுடன் கனிமொழியின் 'வாக் த டாக்' பார்க்கும் வாய்ப்பு கிடைத்தது. அவரது பேட்டியின் மொத்த வடிவமும் இண்டியன் எக்ஸ்பிரஸ் தளத்தில் வாசிக்கக் கிடைக்கிறது. வள்ளுவர்கோட்ட வளாகத்தில் குப்தாவுடன் உலாவிக்கொண்டே ஆங்கில உரையாடலில் பல விவரங்கள். கவிஞர் அவர்களின் பதில்களில் புதிதாக எதுவும் இல்லை. பேச்சுவாக்கென்றாலுமே கேள்விகளை கூர்மையாக முன்வைத்து நடந்துகொண்டே இருக்கும் குப்தாவிடம், நம்மவர் "ம்ம்" "யுஸீ" "யாஹ்" போன்ற நிரப்பிகளை இடையிடையே வைத்து தனது பதில்களைத் தந்தது என்போன்ற நேயர்களுக்கு ஏமாற்றமாக இருந்தது. கட்டான ஆங்கிலம், கோவையான சொற்றொடர்கள், நறுக்குத் தெரித்தாற்போன்ற பதில்கள் இவற்றைத்தான் நாம் கனிமொழியவர்களிடமிருந்து எதிர்பார்க்கிறோம். 2.வெட்டப்படும் மரங்கள்: சென்னையைச் சுற்றியுள்ள புறநகர்களிலும், சென்னை நகருக்குள்ளும் சில சாலைகளை அகலமாக்கும் பணிகளில் இடையூறாக இருக்கும் மரங்கள் வெட்டப்படுகின்றன. சென்ற வாரத்தில் வடக்கு உஸ்மான் சாலையில் பயணம் செய்திருக்கும் நண்பர்கள் வெட்டி சாய்க்கப்பட்ட கிளை இலைகளின் மேல் வாகனத்த...

மழலையர் பள்ளிக்கூடங்களில் மாணவ மாணவியர்க்கு அவசியம் சாலை விதிகளை சொல்லித் தருகிறார்கள். நிற்க, நடக்க, கவனிக்க இத்தியாதி இத்தியாதிகளெல்லாம் படம் போட்டு விளக்கப்படுகின்றன. அவை மாணவ மாணவியர்க்கு மட்டும்தான்; மாணவ மாணவியரை ஏற்றிச் செல்லும் பள்ளிக்கூடப் பேருந்து ஓட்டுனர் இந்த விதிகளைக் கடைப்பிடிக்கவேண்டிய அவசியம் இல்லை என நினைக்கத் தூண்டியது ஒரு நிகழ்ச்சி. ஒரு பள்ளிக்கூடத்திலிருந்து மாணவர்களை ஏற்றி வந்த பேருந்து, 1.கற்சுவரால் பாதை இரண்டாகப் பிரிக்கப்பட்டு போவோரும் வருவோரும் தனித்தனியாக மற்றவர்க்கு இடையூறு இல்லாதபடி சென்றுவர வழி இருந்தபோதும், 2.கிளைச் சாலையிலிருந்து வெளியே வந்து, சாலையின் போக்கிற்கு எதிர்ப்புறம் சென்று, 3.அதில் நேரான திசையில் வருகின்ற வண்டிகளை நிறுத்தி, 4.தானே சாலையை குத்தகைக்கு எடுத்தாற்போன்ற அதிகாரத்துடன் இடைச்சுவரில் இருக்கும் இடைவெளிவரையில் எதிர்ப்புறம் ஓட்டிச் சென்று, சாலையில் இன்னொரு பகுதியில் இணைகிறது . சாலையின் போக்கில் சென்று, முன்னே இருக்கும் 'ப' திருப்பத்தில் திரும்பி வருவதற்கு பத்து நிமிடங்கள் அதிகமாக செலவாகும் என்பதால் இந்த அதிரடி எதிர்த்திசை ஓட்டம் [ச...