'சாச்சா இதர் ஆவ்' (சாச்சா இங்கே வா) அழைப்பது மட்டுமே 'சாச்சா' என்று மரியாதையாக, ஆனால், நாங்கள் அழைக்கும் தோரணையில் அதிகாரம்தான் இருக்கும். பதில் சொல்லும் சாச்சாவும் வாடிக்கையளராயிற்றே என்று பணிவுடன் பேசத் துவங்க மாட்டார், 'க்யா காயேகா போலோ' (என்ன சாபுர்ர சொல்லு) என நாங்கள் காட்டும் தோரணைக்கும் கூடுதலான தோரணையில் கேள்வி கேட்பார். இரண்டொரு முறை தொடர்ந்தாற்போல் வெறும் பருப்பு மட்டுமோ, காய்கறிகள் மட்டுமோ சொல்லிவிட்டால் தொலைந்தது, 'பருப்பும் காய்கறியும் கெடைக்றது நிண்ணுட்டா நீ செத்துப்போயிருவ' (யே தால் சப்ஜி நஹீ மிலாத்தோ தும் மர்ஜாயேகா) தயக்கமே இல்லாமல் சொல்வார், 'என்ன சொல்றமோ கொண்டா சாச்சா, அதிகம் பேசாத' (ஹம் ஜோபி போல்தேன் ஹைன் லேக்கா ஆவ், ஸியாதா பாத் மத் கர்னா), என நாங்கள் அதிகாரமாகப் பேசுவோம்.
அது வாய்ச்சண்டைக்கான துவக்கம் கிடையாது. எப்பொழுது நாங்கள் அந்த உணவகம் சென்றாலும் சாச்சாவிடம் இப்படித்தான் பேசுவோம். அவருக்கும் கோபம் வராது, எங்களுக்கும் கோபம் வராது. உடன் வரும் நண்பர் ஒருவர் சாச்சாவுக்கு பக்ஷீஸ் தருவது ஒன்று இரண்டு திர்ஹம் என்று மீதமாவும் சில்லறையைத் தராமல் மாதத்திற்கு இவ்வளவு என்று சம்பளம் தருவதைப் போல தருவார், அதனாலெல்லாம் சாச்சா குழைவதுமில்லை; நாங்கள் எதிர்பார்ப்பதுமில்லை.
இரவு நேரங்களில் சாப்பாட்டிற்குப் பின் அரட்டை அடிக்கவேண்டுமென்றால் இங்கே கூடி நாற்காலிகளை இழுத்துப்போட்டு, 'சாச்சா பாஞ்ச் சாய், ஏக் மே ஷக்கர் நஹீன், ஏக் பானி கம், ஏக் லம்பா, தோ சாதா' (சாச்சா அஞ்சு டீ, ஒண்ணு சக்கர இல்லாம, ஒண்ணுல தண்ணி கம்மியா, ஒண்ணு கிளாஸ் நெறைய, ரெண்டு சாதா). அந்த ஐந்து தேநீர்க் கோப்பைகளையும் எடுத்து வந்து யார் யாருக்கு எது எனக் கேட்டு ஒவ்வொன்றாக அவர்களிடம் தந்துவிட்டுச் செல்வார். மாதாந்திர பக்ஷீஸ் போக, தேநீர் குடித்தாலும் பக்ஷீஸ் தரும் வழக்கத்தை நாங்கள் உருவாக்கிக்கொண்டது சாச்சாவுக்ககத்தான்.
இப்பொழுது ஒரு திர்ஹம் கொடுத்து தேநீர் குடித்தாலும் சாசாவுக்கு ஒரு திர்ஹம் டிப்ஸ் தரும் அளவிற்கு இந்தப் பழக்கம் சென்றிருக்கிறது.
நண்பர்கள் சேரும்போது மூன்று பேராக ரீஃப் மால் குளோரியாவில் தேநீர் குடித்து ஐம்பத்தெட்டு திர்ஹம்களை வைத்துவிட்டு எழுந்து வருவோம், என்றேனும் 'தம் டீ'யை அதற்கான ருசியுடன் குடிக்கவேண்டுமெனத் தோன்றினால் சரவணாவில் இருபது திர்ஹம்களைச் செலவழிப்போம், அப்படியாக தேநீருக்காக இரண்டொரு இடங்களில் காசைக் கொஞ்சம் அவசியத்துக்கும் மேலேயே செலவுசெய்யும் வழமை இருப்பதால் அந்த இடங்களிலிருந்து நடக்கும் தூரத்தில் இருக்கும் சாச்சாவிடம் ஒரு திர்ஹத்திற்கு தேநீர் குடித்து ஒரு திர்ஹத்தை பக்ஷீஸாகத் தருவதில் தயக்கம் ஏதும் இன்று வரையில் ஏற்படவில்லை.
சில நாள்களில் உடன் நண்பர்களில்லாத சமயங்களில் அந்த உணவகத்திற்குச் செல்லும்போது சாச்சாவைத் தொந்தரவு செய்வதில்லை, வெளியே நடைபாதையில் போடப்பட்டிருக்கும் மேசைகளுக்கு மட்டுமே சாச்சா பொறுப்பு. தனியாகச் செல்கையில் வெளியே உட்காருவதில்லை. நண்பர்களுடனென்றால் நடைபதையில் உட்கார்ந்து சாவகாசமாக எதையாவது பேசிக்கொண்டே சாப்பிடலாம், தனியே செல்கையில் அப்படியல்லாமல் உள்ளே போனோமா, உட்கார்ந்தோமா சாப்பிட்டோமா வந்தோமா என்பதும் வழமை. இரண்டொருமுறை உள்ளே போய் சாப்பிட்டு வருவதைப் பார்த்தாலும் சாச்சா ஏதும் கேட்பதில்லை, ஆனால், நினைவில் வைத்திருந்து, நண்பர்களுடன் மொத்தமாக வரும்போது, 'யே தோ அந்தர் ஜாக்கே காத்தாஹை' (இவன் உள்ள போயில்ல சாப்புடுவான்) என்பார்.
சாச்சாவின் தோற்றத்துடன் அவரது வயதை ஊகித்துப் பார்த்தால் ஓய்வுபெற்று பேரன் பேத்திகளுடன் சுகமாக பொழுதைக் கழித்துக்கொண்டிருக்கவேண்டிய வயதுதான். இந்த வயதில் இப்படி ஓட்டாட்டம்போடும் வேலையில், துபாயில் அறைக்குப் பன்னிரண்டு பேர் தங்கும் அசௌகரியங்களுக்கிடையில் தங்கி, நாளில் பாதிக்குமேலான மணிநேரங்கள் தட்டெடுத்து மேசை துடைத்து, கோடைக்காலத்திலும் குளிர்காலத்திலும் நடைபாதை மேசைகளைக் கவனிப்பதில் எல்லா தட்பவெப்பத்திற்கும் உடலை வருத்தி, தேவைதானா? என்று யோசிக்கத் தோன்றும்.
யோசிப்பதைத் தவிர வேறெதையும் செய்யவும் இயலாது, தேநீருக்கும் டிப்ஸ் தரும் வழக்கத்தைக் கொணர்ந்தது நீங்கலாக.
அது வாய்ச்சண்டைக்கான துவக்கம் கிடையாது. எப்பொழுது நாங்கள் அந்த உணவகம் சென்றாலும் சாச்சாவிடம் இப்படித்தான் பேசுவோம். அவருக்கும் கோபம் வராது, எங்களுக்கும் கோபம் வராது. உடன் வரும் நண்பர் ஒருவர் சாச்சாவுக்கு பக்ஷீஸ் தருவது ஒன்று இரண்டு திர்ஹம் என்று மீதமாவும் சில்லறையைத் தராமல் மாதத்திற்கு இவ்வளவு என்று சம்பளம் தருவதைப் போல தருவார், அதனாலெல்லாம் சாச்சா குழைவதுமில்லை; நாங்கள் எதிர்பார்ப்பதுமில்லை.
இரவு நேரங்களில் சாப்பாட்டிற்குப் பின் அரட்டை அடிக்கவேண்டுமென்றால் இங்கே கூடி நாற்காலிகளை இழுத்துப்போட்டு, 'சாச்சா பாஞ்ச் சாய், ஏக் மே ஷக்கர் நஹீன், ஏக் பானி கம், ஏக் லம்பா, தோ சாதா' (சாச்சா அஞ்சு டீ, ஒண்ணு சக்கர இல்லாம, ஒண்ணுல தண்ணி கம்மியா, ஒண்ணு கிளாஸ் நெறைய, ரெண்டு சாதா). அந்த ஐந்து தேநீர்க் கோப்பைகளையும் எடுத்து வந்து யார் யாருக்கு எது எனக் கேட்டு ஒவ்வொன்றாக அவர்களிடம் தந்துவிட்டுச் செல்வார். மாதாந்திர பக்ஷீஸ் போக, தேநீர் குடித்தாலும் பக்ஷீஸ் தரும் வழக்கத்தை நாங்கள் உருவாக்கிக்கொண்டது சாச்சாவுக்ககத்தான்.
இப்பொழுது ஒரு திர்ஹம் கொடுத்து தேநீர் குடித்தாலும் சாசாவுக்கு ஒரு திர்ஹம் டிப்ஸ் தரும் அளவிற்கு இந்தப் பழக்கம் சென்றிருக்கிறது.
நண்பர்கள் சேரும்போது மூன்று பேராக ரீஃப் மால் குளோரியாவில் தேநீர் குடித்து ஐம்பத்தெட்டு திர்ஹம்களை வைத்துவிட்டு எழுந்து வருவோம், என்றேனும் 'தம் டீ'யை அதற்கான ருசியுடன் குடிக்கவேண்டுமெனத் தோன்றினால் சரவணாவில் இருபது திர்ஹம்களைச் செலவழிப்போம், அப்படியாக தேநீருக்காக இரண்டொரு இடங்களில் காசைக் கொஞ்சம் அவசியத்துக்கும் மேலேயே செலவுசெய்யும் வழமை இருப்பதால் அந்த இடங்களிலிருந்து நடக்கும் தூரத்தில் இருக்கும் சாச்சாவிடம் ஒரு திர்ஹத்திற்கு தேநீர் குடித்து ஒரு திர்ஹத்தை பக்ஷீஸாகத் தருவதில் தயக்கம் ஏதும் இன்று வரையில் ஏற்படவில்லை.
சில நாள்களில் உடன் நண்பர்களில்லாத சமயங்களில் அந்த உணவகத்திற்குச் செல்லும்போது சாச்சாவைத் தொந்தரவு செய்வதில்லை, வெளியே நடைபாதையில் போடப்பட்டிருக்கும் மேசைகளுக்கு மட்டுமே சாச்சா பொறுப்பு. தனியாகச் செல்கையில் வெளியே உட்காருவதில்லை. நண்பர்களுடனென்றால் நடைபதையில் உட்கார்ந்து சாவகாசமாக எதையாவது பேசிக்கொண்டே சாப்பிடலாம், தனியே செல்கையில் அப்படியல்லாமல் உள்ளே போனோமா, உட்கார்ந்தோமா சாப்பிட்டோமா வந்தோமா என்பதும் வழமை. இரண்டொருமுறை உள்ளே போய் சாப்பிட்டு வருவதைப் பார்த்தாலும் சாச்சா ஏதும் கேட்பதில்லை, ஆனால், நினைவில் வைத்திருந்து, நண்பர்களுடன் மொத்தமாக வரும்போது, 'யே தோ அந்தர் ஜாக்கே காத்தாஹை' (இவன் உள்ள போயில்ல சாப்புடுவான்) என்பார்.
சாச்சாவின் தோற்றத்துடன் அவரது வயதை ஊகித்துப் பார்த்தால் ஓய்வுபெற்று பேரன் பேத்திகளுடன் சுகமாக பொழுதைக் கழித்துக்கொண்டிருக்கவேண்டிய வயதுதான். இந்த வயதில் இப்படி ஓட்டாட்டம்போடும் வேலையில், துபாயில் அறைக்குப் பன்னிரண்டு பேர் தங்கும் அசௌகரியங்களுக்கிடையில் தங்கி, நாளில் பாதிக்குமேலான மணிநேரங்கள் தட்டெடுத்து மேசை துடைத்து, கோடைக்காலத்திலும் குளிர்காலத்திலும் நடைபாதை மேசைகளைக் கவனிப்பதில் எல்லா தட்பவெப்பத்திற்கும் உடலை வருத்தி, தேவைதானா? என்று யோசிக்கத் தோன்றும்.
யோசிப்பதைத் தவிர வேறெதையும் செய்யவும் இயலாது, தேநீருக்கும் டிப்ஸ் தரும் வழக்கத்தைக் கொணர்ந்தது நீங்கலாக.
Comments