தலைநகரம் - திரைப்படம் குறித்ததுதான், ஆனால், விமர்சனமன்று

இன்னா சேட்டேய்! ஆக்டிவா எட்துக்குனு எங்க கெளம்பிட்ட? படத்துக்கா?செனிக்கெழமையானா தண்ணியும், நாயிதிக்கெழமையானா படமும் இல்லாம உன்னால இருக்கமுடியாத. இன்னா படத்துக்குப் போற. க்ர்ர்ர்ரிஷ்ஷுக்கா? இல்லியா. அப்ப எங்க போற. தமிழ்ப்படமா?

சேட்டு புத்தியக்காட்டிட்ட பார். இந்திப்படத்துக்குன்னா என்னையும் இட்டுக்குனு போயி பக்கத்துல ஒக்கார வெச்சு பான் வாசனையோட கோராமையா டயலாக்கெல்லாம் தமிழ்ல சொல்லி நமக்கு இந்தி கத்துத் தருவியபா. இப்பப்பார் தமிழ்ப் படம்னா நம்மள வுட்டுப்போற. என்னியும் இட்டுக்குனு போ, சேட்டே 'பூரா பிலிம் கா டய்லாக் மை டெல்லிங்'.

இன்னா படம்? தலைநகரமா? சேட்டேய்! இன்னா மெண்டல் கிண்டல் ஆய்ட்டியா?

தர்மாண்ணா செத்துட்டுக்ற இந்த நேர்த்துல ஃபைட்டிங் சீன் பத்தி தப்பாப் பேச வேணாமேன்னு நெனிக்றேன். தளபதி தினேஷுன்னு புதுப்பையந்தான் பன்ணிக்கிறான். நல்லால்ல சேட்டு போவாத.

புச்சா ஒண்ணியும் இல்ல சேட்டே. அல்லாம் ஸ்கெட்சு போர்ர மேட்டர்தான். ஆன்னாவூன்னா படத்துல ஸ்கெட்சு போர்ராங்கோவ். இன்னாங்கடா ஸ்கெட்சு போட்டு தூக்றதுன்னா இன்னா ரெண்டு டீ ரெண்டு சம்சான்னு நாயர் கைல ஆர்டர் குடுக்றா மாறியே? அட இந்த 'டா' உனுக்கு இல்ல சேட்டு, படம் எடுக்றவனுங்களுக்கு.

ஆனானப்பட்ட வீரமணியவே என்கௌண்டர்ல தூக்கிட்டாங்கோவ். பறக்கும் ரெயில் பாலத்த (dh)தாண்(d)டி வந்ததும் தூக்கிட்டாங்க. இது ஆருபா இது ரைட்டு லெஃப்ட்டுன்னுக்குனு. ஆர்பர்ல அத்தினி போலீசுங்க டேஷன்லேர்ந்து செண்ட்ரி டுப்பாக்கி எட்துக்குனு வந்து போட்டுத்தள்றாங்களா? வாணாம் சேட்டு போவாத, அப்பாலிக்கா நீ வந்து நம்மளதான் திட்டிக்கினு கடப்ப.

அல்லாம் இந்திப் படத்துல வுங்கூட வந்து பாத்தத்தான் சேட்டு. கொஞ்ச நேரம் நானே கலாஞ்சுட்டேன் சேட்டு. ஆஹ்ஹா இந்திக் கதய உல்டாப் பண்ணிட்டானுங்களான்னு பாத்தேன். மொத்தக் கதையையும் உருவல'பா, சீனுங்கள மட்டும் உருவிட்டாங்க.

சத்யாவுல வந்தான'பா, மனோஜ் பாபாயி - பிக்கு மாத்ரே - தாதான்னா அவன் தாதா. கூட பட்லியா ஒரு பொண்ணு நட்ச்சுதே, ச்சாய்யா டீ காபின்னு ஒரு பேருபா, பிலிம்ஃபேர்ல கூட இன்னாமோ ப்ரைஸ் வாங்குச்சுன்னு நீ போட்டோவெ வெச்சு கொஞ்ச நாளு பாத்துக்குனு இர்ந்தியே, மனோஜ் பாஜ்பாயும் ச்சாய்யாவும் ஒரு லவ்ஸ் வுட்டாங்க பார் சத்யாவுல, அதே லவ்ஸு இங்கியும் தலைநகரத்துல வுட்டாங்க...சத்யாவுல மனோஜ அந்தப் பொண்ணு பட்டுன்னு அடிச்சுட்டு அப்பாலிக்கா கொஞ்சம் கொஞ்சமா சிரிக்குந்தெர்மா - அந்த சீனு வெக்கல, மத்த எல்லாம் அதே காப்பிதான்.

அத்த வுடு. அப்தக் ச்சப்பன்ல நானா பட்டேகரு ஒரு அக்யூஸ்டக் கூட்டிக்குனு போயி டீக்கடைல டீ வாங்கிக் குடுத்துட்டு அப்பாலிக்கா போட்டுத் தள்ராம்பார். அதே மேறி கே.எஸ். ரவிக்குமாரு ஒரு அக்யூஸ்ட்ட போட்டுத் தள்றாரு'பா. டென்சனாவாதா மன்சனுக்கு. இப்டியே பிட்டு பிட்டா எடுத்து ஒட்டிக்ராங்க'பா.

செரி இந்த ரெண்டு மேட்டரையும் கண்டுக்கல. இன்னொரு மேட்டரக் கண்டுக்காம இருக்லாமா?

சர்காருல கே கே மேனன் அமோகாவப் பாத்துக்கினே இருப்பாரு தெர்மா. ஆமாம்'பா, ஜேம்ஸு அமோகாதான், இங்கதான் தமிழ்ல மொதல்ல சுத்திக்கினு இருன்ச்சு. அப்பாலிக்காதான் பாம்பேல வர்மா கேம்புக்குப் போயிருச்சு. இப்ப அது பேரு அமோகா. ஆங்.. கே கே மேனனு அமோகாவப் பாப்பாரு. கே கே வா...ஹிஹ்ஹி சேட்டேய், உனுக்கு குசும்புயா, ஏன்யா கே கே ன்னா செலினா ஜெட்லி கூட சில்சிலாயேல சிகெரெட் கொளுத்தாம வுட்டது தான் கியாபகம் வர்தா? அமிதாபோட புதூ தீவார்ல ஜெயிலரா வந்தது கியாபகம் வரக்கூடாதா? செரியான ஆளு சேட்டு நீ. சர்க்கார் பைபயன் கே கே, அமோகாவப் பாத்த அதே சீனு, இங்க காசிம்பாய் பையன் ஈரோயினப் பாக்றாரு. காப்பின்னா காப்பி ஈயடிச்சாங் காப்பி'பா.

இன்னாடா பாதிக்கு மேல காசிம்பாய சர்க்காராக்கிடுவாங்களா, இல்லியே சுந்தர் சி தான ஈரோன்னு நம்மளயே கொஞ்சம் யோசிக்க வெச்சுட்டானுங்க சேட்டு.

இப்டியேதான் சேட்டு அல்லாம் உருவுன மேட்டரு, படத்துக்குப் போவாத சேட்டு. உனுக்கு சரக்கு எட்தார எத்தினி தபா காசிமோடு சால்கொட்டான்னு போயிருக்கேன். நம்ப பாக்காத தாதாங்களா சேட்டு. கிங்கா இர்ந்தாலும் ஏரியாவுட்டு ஏரியா பூர முடியுமா சேட்டு. இந்த ரைட்டுன்ற ஆளு சிட்டிக்குள்ள எங்க அஸ்ஸால்டு மர்டர் நடந்தாலும் அவந்தான் செய்றான். அதெல்லாம் வுடு சேட்டு, எங்கியாச்சும் கஸ்டடி மேட்டர ஏ.சி.பி. கைல குடுப்பாங்களா'பா, இங்க தராங்க. படம் பாக்ற சிட்டிகாரனுங்க இன்னா காதுல பூ வெச்சுக்கினு இருக்காங்களா? வேணாம் சேட்டு படத்துக்குப் போவாத, டென்சனாய்டுவ.

வைகை புயலு மயில்சாமி மேட்டர்ல புச்சா ஒண்ணும் இல்ல'பா. ஜோதிர்மயின்னு ஒண்ணுதா ஈரோயின், ஒர் ரவுண்டு வர்ரது டவுட்டுதான். ஜூடோ ரத்னண்ணா காசிம்பாயா நட்சிருக்காரு. ரத்னண்ணா கமல் ரஜினிக்கு கம்போஸ் பண்ண ஃபைட்டிங்கெல்லாந்தாம்பா கண்ணு முன்ன ஓடுது.

பேசாம எங்கூட வா. சினேகிதக்காரன் ஊருக்குப் போயிருக்கான், முகப்பேர்லதான் ஃப்ளாட்டுக்குது. படம்கிடம் வோணும்னா வந்து போட்டுப்பாத்துக்கடான்னு சொல்ட்டு சாவி குட்துட்டுப்போனான். வாட்ச்மேன் கைலயும் சொல்லியாச்சு. பேசாம ஃபைட்க்ளப்பு இந்திப்படம் விசிடி எட்துப் போடலாம் வா. தர்மாண்ணா இந்தில ஸ்டண்டு போட்டது.

தோடா...எனுக்கு எப்டி தெரியுமா, ப்ரௌசிங் சென்டர் பையன் கம்ப்பீட்டர்ல பாத்து சொன்னான். தலைநகரத்துக்கு அது மேலு வா சேட்டேய், ஆக்டிவாவ ஸ்டார்ட் பண்ணு.

அன்புடன்
ஆசாத்