நான்கு மணிநேரச் சந்திப்பிற்காக ரியாத் வந்திருந்த அனில் அம்பானியைப் பற்றிய சிறுகுறிப்பை எழுதிய பத்திரிகைகள் இரண்டுமே (சவூதி கெஸட், அரப் ந்யூஸ்), அம்பானியின் வருகையைப் பற்றி இந்தியத் தூதரகம் எதுவும் அறிந்திருக்கவில்லை என்று குறிப்பிட்டிருந்தன.
அனில் அம்பானி அவர்கள், ரிலையன்ஸின் சார் நிறுவனமான Flag டெலிகாம் வழியாக, ரியாத்தை தலைமையிடமாகக் கொண்டு இயங்கும் இன்டக்ரேட்டட் டெலிகாம் கம்பெனி லிமிடெட்(ITC)உடன் சேர்ந்து, அறுபது மில்லியன் அமெரிக்க டாலர்கள் முதலீடு செய்திருக்கிறார். சவூதி அரேபியாவையும் மற்ற வளைகுடா நாடுகளையும் ஐம்பத்து மூன்று நாடுகளுடன் ஃபைபர் ஆப்டிக் கேபிள் நெட்வொர்க் வழியாக இணைக்கவிருக்கும் ராஜாளி புறத்திட்டிற்கான (Falcon project - எனது மொழிமாற்றம் சரியானது அன்று) முதலீடாக இந்தத் தொகை இருக்கும்.
கடற்கரையையொட்டிய இரண்டு நகரங்களான ஜித்தா, அல்கோபர் இரண்டிலும் ஸப்மரைன் ஃபைபர் ஆப்டிக் கேபிள் ஸ்டேஷன்கள் அமைகின்றன. இதில் அல்கோபரிலிருந்து செயல்படும் நிலையம் தனது சேவையை, அம்பானியின் வருகை நாளான நேற்று முதல் துவங்குவதாக செய்திக் குறிப்புகள் சொல்கின்றன. இந்தப் புறத்திட்டு 2006 அக்டோபர் மாதத்திற்குள் முடிவடையும்.
தனி விமானத்தில் ரியாத்தை அடைந்த அம்பானி, பத்திரிகையாளர்களிடம் கைகுலுக்குவதற்கு மட்டுமே நேரம் செலவிட்டிருக்கிறார். 'ஒரு மணி நேரத்திற்கு முன்னரே இங்கு வந்தேன். இன்னும் இரண்டு மணி நேரங்களில் புறப்பட்டுவிடுவேன்' இதனைச் சொன்னதோடு அவர் கடன் முடிந்துவிட்டதாகவே தோன்றுகிறது.
மிகக் குறைந்த நேரத்தையே அவர் சவூதியில் செலவிட்டபோதும், Flag டெலிகாமின் மேல் தனக்கிருக்கும் அக்கறையை அதன் சவூதி அரேபிய கூட்டு நிறுவனத்திற்குக் காட்டுவதற்காக இந்த வருகை பெரிதும் உதவியதாக பத்திரிகைக் குறிப்பு சொல்கிறது.
*
சவூதி அரேபிய தலைமை முதலீட்டு ஆணையம் (Saudi Arabian General Investment Authority), 2000ம் ஏப்ரல் மாதம் முதல் இந்தியாவுடன் நூற்றியெட்டு புறத்திட்டுகளுக்கு அனுமதி வழங்கியிருக்கிறது. இதில் 56 புறத்திட்டுகள் சேவையை மையமாகக் கொண்ட துறைகள், 52 புறத்திட்டுகள் தொழில்துறை சார்ந்தவை. இவற்றால் 460 மில்லியன் அமெரிக்க டாலர்களுக்கான முதலீட்டு வாய்ப்புகள் உருவாகும்.
*
அன்புடன்
ஆசாத்
அனில் அம்பானி அவர்கள், ரிலையன்ஸின் சார் நிறுவனமான Flag டெலிகாம் வழியாக, ரியாத்தை தலைமையிடமாகக் கொண்டு இயங்கும் இன்டக்ரேட்டட் டெலிகாம் கம்பெனி லிமிடெட்(ITC)உடன் சேர்ந்து, அறுபது மில்லியன் அமெரிக்க டாலர்கள் முதலீடு செய்திருக்கிறார். சவூதி அரேபியாவையும் மற்ற வளைகுடா நாடுகளையும் ஐம்பத்து மூன்று நாடுகளுடன் ஃபைபர் ஆப்டிக் கேபிள் நெட்வொர்க் வழியாக இணைக்கவிருக்கும் ராஜாளி புறத்திட்டிற்கான (Falcon project - எனது மொழிமாற்றம் சரியானது அன்று) முதலீடாக இந்தத் தொகை இருக்கும்.
கடற்கரையையொட்டிய இரண்டு நகரங்களான ஜித்தா, அல்கோபர் இரண்டிலும் ஸப்மரைன் ஃபைபர் ஆப்டிக் கேபிள் ஸ்டேஷன்கள் அமைகின்றன. இதில் அல்கோபரிலிருந்து செயல்படும் நிலையம் தனது சேவையை, அம்பானியின் வருகை நாளான நேற்று முதல் துவங்குவதாக செய்திக் குறிப்புகள் சொல்கின்றன. இந்தப் புறத்திட்டு 2006 அக்டோபர் மாதத்திற்குள் முடிவடையும்.
தனி விமானத்தில் ரியாத்தை அடைந்த அம்பானி, பத்திரிகையாளர்களிடம் கைகுலுக்குவதற்கு மட்டுமே நேரம் செலவிட்டிருக்கிறார். 'ஒரு மணி நேரத்திற்கு முன்னரே இங்கு வந்தேன். இன்னும் இரண்டு மணி நேரங்களில் புறப்பட்டுவிடுவேன்' இதனைச் சொன்னதோடு அவர் கடன் முடிந்துவிட்டதாகவே தோன்றுகிறது.
மிகக் குறைந்த நேரத்தையே அவர் சவூதியில் செலவிட்டபோதும், Flag டெலிகாமின் மேல் தனக்கிருக்கும் அக்கறையை அதன் சவூதி அரேபிய கூட்டு நிறுவனத்திற்குக் காட்டுவதற்காக இந்த வருகை பெரிதும் உதவியதாக பத்திரிகைக் குறிப்பு சொல்கிறது.
*
சவூதி அரேபிய தலைமை முதலீட்டு ஆணையம் (Saudi Arabian General Investment Authority), 2000ம் ஏப்ரல் மாதம் முதல் இந்தியாவுடன் நூற்றியெட்டு புறத்திட்டுகளுக்கு அனுமதி வழங்கியிருக்கிறது. இதில் 56 புறத்திட்டுகள் சேவையை மையமாகக் கொண்ட துறைகள், 52 புறத்திட்டுகள் தொழில்துறை சார்ந்தவை. இவற்றால் 460 மில்லியன் அமெரிக்க டாலர்களுக்கான முதலீட்டு வாய்ப்புகள் உருவாகும்.
*
அன்புடன்
ஆசாத்
Comments