இந்திப் பாடல்களையும் படங்களையும் அறிந்தோர்க்கு நௌஷாத் சாஹேபைப் பற்றிய அறிமுகம் தேவையில்லை. அவரின் பெயரைச் சொன்னாலே போதும் அவர் இசையமைத்த பாடல்கள் நினைவுக்கு வரும். தமிழ்ப் பாடல்கள் மட்டுமே கேட்போரென்றால், பழைய பாடல்களைக் கேட்போர்கள் நௌஷாத் சாஹேபின் இசையைக் கேட்டிருப்பார்கள்.
'கனாக் கண்ட காதல் கதை _ _ லாச்சே!
.நிலா வீசும் வானில் மழை _ _ லாச்சே!
.மழை _ _ லாச்சே'
அக்பர் திரைப்படத்தின் இந்தப் பாடல் நௌஷாத் அலியின் இசையில் உருவானது.
அதன் இந்திப் பதிப்பான,
'மொஹப்பத் கி ஜூட்டி கஹானிபே ரோயே!
.படே ச்சோட்டு காயி ஜவானிபே ரோயே!'
என்பதான வரிகளில் மதுபாலாவிற்காக வடக்கே பலர் உருகியிருக்கக்கூடும்.
இங்கே எனது வலைப்பதிவில் மொழிமாற்றம் செய்யப்பட்டிருக்கும் காதல் கொண்டேன்
அஞ்சிடுவேனோ பாடலும், கவ்வாலி வடிவத்தை மொழிமாற்றம் செய்யவேண்டும் என்னும் ஆர்வத்தில் மொழிமாற்றம் செய்த 'உந்தன் சபையில்' பாடலும், எனது அபிமான இந்திப் படமான மொஹல்-ஏ-ஆஸம் திரைப்படத்தில் நௌஷாதின் இசையில் உருவானவை.
முகமது ரஃபியின் பாடல்களின் பட்டியலென்றால், 'ஓ துனியாகே ரக்வாலே' இல்லாமல் பட்டியல் கிடையாது. பண்டித நேரு அவர்கள் சிலாகித்துப் பேசிய பாடல் என்றும் சொல்லுவார்கள். விவரம் அறிந்தோர்களின் பேச்சுகளிலிருந்து இந்தப் பாடல் அமைந்திருக்கும் ராகம் தர்பார் என்று அறிந்திருக்கிறேன். 'சாந்துகோ டூண்டே பாகல் சூரஜ்! ஷாம்கோ டூண்டே சவேரா!' என்னும் வரிகளை உச்சரிக்கும்போது ரஃபி சாஹேப் தனது குரலில் வெளிப்படுத்தியிருக்கும் விரக்தியை, திரையில் பாரத் பூஷனின் நடிப்புடன் சேர்த்து பார்க்கின்ற வாய்ப்பு இதுவரையில் கிடைக்கவில்லை.
திருவல்லிக்கேணியில் மேடைக் கச்சேரியென்றால் நாகூர் ஹனீபா அவர்கள் கட்டாயம் துனியாகே ரக்வாலே (படம்:பைஜு பாவ்ரா) பாடலைப் பாடுவார் (எழுபதுகளின் இறுதியில்), அப்பொழுதெல்லாம் அந்தப் பாடலுக்காக பைஜு பபவ்ராவைப் பார்க்கவேண்டுமென்று நினைத்துக்கொண்டதுண்டு . இப்பொழுதும் நினைத்துக்கொள்கிறேன், கூடுதலாக, லதாஜியின் மொஹெ பூல்கயே சான்வரியான் என்னும் இன்னொரு பாடலையும் விருப்பத்தில் சேர்த்திருக்கிறேன். பைஜு பாவ்ராவின் இசையமைப்பாளர், நௌஷாத் அலி.
சோகப்பாடல்களைப் பல நேரங்களில் விரும்புவதில்லை. திரையில் பல நேரங்களில் யதார்த்தம் மீறப்படுவதும், சோகமான நேரத்தில் யார் அப்படி சந்தம் மாறாமல் பாடுவார்கள் என்னும் அணுகுமுறையும் சோகப்பாடல்களை நம்மிடமிருந்து பல நேரங்களில் விலக்கிவைக்கின்றன. ஆனால், நர்கீஸ் அவர்கள் நடித்த மதர் இண்டியா திரைப்படத்தின்,
'துனியாமே ஹம் ஆயேஹை ஜீனாஹி படேகா!
.ஜீவன் ஹை ஸஹர்தோ பீனாஹி படேகா!' பாடலை நான் இதுவரையில் தள்ளிவிட்டுப் பார்த்ததில்லை. நர்கீஸின் நடிப்பாலா, ஷகீல் பதாயுனியின் வரிகளாலா, நௌஷாதின் இசையாலா என்பது ஒரு மாபெரும் அரட்டை அரங்கத்துக்கான தலைப்பு.
வெளிநாட்டில் வாழும் ஒரு மகன் தனது தந்தைக்கு என்னவெல்லாம் கடிதத்தில் எழுதுவான்? சேமிப்பு, காசோலை, வேலையில் சிரமம், விடுமுறை நாள் இப்படியாகவும் இருக்கலாம்; கொஞ்சம் இதைவிட்டு விலகியும் இருக்கலாம். அப்படி விலகி இருக்கும் விஷயங்களில் அரைப்பக்கத்திற்கு நௌஷாத் சாஹேபை சிலாகித்தும் எழுதலாம்.
நான் எழுதினேன்.
1984 அல்லது 85 ஆக இருக்கக்கூடும். நௌஷாத் சாஹேப் ஹஜ் பயணத்திற்கு வந்திருந்தார். இங்கே ஜித்தாவில் செய்தித்தாளில் அவரைப்பற்றிய கட்டுரை ஒன்றும் வெளியானது. அந்த வருடங்களின் சூழலுக்கு அதெல்லாம் அதிகம். கட்டுரை வெளியாவதற்கு ஓரிருவாரங்கள் முன்னர்தான் 'மேரே மெஹபூப்' திரைப்படத்தை ஏகப்பட்ட காட்சிகளை திரும்பத் திரும்பப் போட்டுப் பார்த்து ரசித்து வைத்திருந்தேன். கட்டுரையைப் படித்ததும் எனது தந்தையார் என்னுடன் பகிர்ந்துகொண்ட நௌஷாதின் திரைப்பட விவரங்கள் நினைவுக்கு வந்தன. தந்தையாருக்கு மேரே மெஹபூபின் பாடல்கள் குறித்தும் நௌஷாதை நானும் கேட்டு ரசிப்பது குறித்தும் ஒரு கடிதம் எழுதினேன்.
தந்தையார் மறைந்து வருடங்களாகின்றன. அவரும் நானும் விரும்பிக் கேட்ட /
கேட்கும் இசையமைப்பாளர் நௌஷாதின் மறைவு எனக்கு தந்தையாரையும் நினைவுக்குக் கொண்டுவருகிறது.
ஹெச்.எம்.வி. நிறுவனத்தார் வெளியிட்டிருக்கும் ஐம்பதாண்டு இந்திப் பாடல் தேர்வில் 57 முதல் 62 வரையிலான தேர்வில் இரண்டு பாடல்கள் நௌஷாதினுடையவை. ஒன்று மேலே குறிப்பிடப்பட்டிருக்கும் 'துனியாமே ஹம் ஆயேஹை' (மதர் இண்டியா) பாடல். இன்னொன்று மொஹல்-ஏ-ஆஸம் திரைப்படத்தில் இடம்பெற்ற 'மோஹெ பன்ஹட்பே நந்தலால் சேடு கயோரே'.
சென்ற வாரத்தில் இந்தப் பாடலைக் கேட்டபோது அருகிலிருந்த மகளிடம் இதன் இசையமைப்பாளர் நௌஷாத் அலி எனச் சொன்ன சமயத்தில்,
'சரிப்பா, பன்ஹட்னா என்ன?' என்றேன்.
'பானி-கா ஹட் பன்ஹட்டுன்னு ஆகியிருக்கும். குடம், பானை இந்த மாதிரி எதாவதா இருக்கலாம். பக்கத்துலயே நந்தலால்தான் வந்துட்டார. அந்த மாதிரிதான் எதாவது தண்ணி சம்மந்தப்பட்டதாத்தான் இருக்கும்' இது மகள் சொன்னது.
'பன்ஹட்டுன்னா நீர்நிலை, குளம், ஆறு தொடர்பான வார்த்தைன்னு சொல்றாங்க' இது நான்.
எனது தந்தையார் என்னுடன் நௌஷாத் குறித்த விவரங்களைப் பேசியதால் நௌஷாதின் மறைவு எனக்கு தந்தையாரைப் பற்றிய நினைவுகளைக் கிளறிவிட்டிருக்கிறது. நாளை என்றேனும் மகள் மோஹெ பன்ஹட்டுபே நந்தலால் சேடுகயோரே பாடலைக் கேட்கும்போது என்னைப் பற்றி நினைப்பாளோ.
அன்புடன்
ஆசாத்
'கனாக் கண்ட காதல் கதை _ _ லாச்சே!
.நிலா வீசும் வானில் மழை _ _ லாச்சே!
.மழை _ _ லாச்சே'
அக்பர் திரைப்படத்தின் இந்தப் பாடல் நௌஷாத் அலியின் இசையில் உருவானது.
அதன் இந்திப் பதிப்பான,
'மொஹப்பத் கி ஜூட்டி கஹானிபே ரோயே!
.படே ச்சோட்டு காயி ஜவானிபே ரோயே!'
என்பதான வரிகளில் மதுபாலாவிற்காக வடக்கே பலர் உருகியிருக்கக்கூடும்.
இங்கே எனது வலைப்பதிவில் மொழிமாற்றம் செய்யப்பட்டிருக்கும் காதல் கொண்டேன்
அஞ்சிடுவேனோ பாடலும், கவ்வாலி வடிவத்தை மொழிமாற்றம் செய்யவேண்டும் என்னும் ஆர்வத்தில் மொழிமாற்றம் செய்த 'உந்தன் சபையில்' பாடலும், எனது அபிமான இந்திப் படமான மொஹல்-ஏ-ஆஸம் திரைப்படத்தில் நௌஷாதின் இசையில் உருவானவை.
முகமது ரஃபியின் பாடல்களின் பட்டியலென்றால், 'ஓ துனியாகே ரக்வாலே' இல்லாமல் பட்டியல் கிடையாது. பண்டித நேரு அவர்கள் சிலாகித்துப் பேசிய பாடல் என்றும் சொல்லுவார்கள். விவரம் அறிந்தோர்களின் பேச்சுகளிலிருந்து இந்தப் பாடல் அமைந்திருக்கும் ராகம் தர்பார் என்று அறிந்திருக்கிறேன். 'சாந்துகோ டூண்டே பாகல் சூரஜ்! ஷாம்கோ டூண்டே சவேரா!' என்னும் வரிகளை உச்சரிக்கும்போது ரஃபி சாஹேப் தனது குரலில் வெளிப்படுத்தியிருக்கும் விரக்தியை, திரையில் பாரத் பூஷனின் நடிப்புடன் சேர்த்து பார்க்கின்ற வாய்ப்பு இதுவரையில் கிடைக்கவில்லை.
திருவல்லிக்கேணியில் மேடைக் கச்சேரியென்றால் நாகூர் ஹனீபா அவர்கள் கட்டாயம் துனியாகே ரக்வாலே (படம்:பைஜு பாவ்ரா) பாடலைப் பாடுவார் (எழுபதுகளின் இறுதியில்), அப்பொழுதெல்லாம் அந்தப் பாடலுக்காக பைஜு பபவ்ராவைப் பார்க்கவேண்டுமென்று நினைத்துக்கொண்டதுண்டு . இப்பொழுதும் நினைத்துக்கொள்கிறேன், கூடுதலாக, லதாஜியின் மொஹெ பூல்கயே சான்வரியான் என்னும் இன்னொரு பாடலையும் விருப்பத்தில் சேர்த்திருக்கிறேன். பைஜு பாவ்ராவின் இசையமைப்பாளர், நௌஷாத் அலி.
சோகப்பாடல்களைப் பல நேரங்களில் விரும்புவதில்லை. திரையில் பல நேரங்களில் யதார்த்தம் மீறப்படுவதும், சோகமான நேரத்தில் யார் அப்படி சந்தம் மாறாமல் பாடுவார்கள் என்னும் அணுகுமுறையும் சோகப்பாடல்களை நம்மிடமிருந்து பல நேரங்களில் விலக்கிவைக்கின்றன. ஆனால், நர்கீஸ் அவர்கள் நடித்த மதர் இண்டியா திரைப்படத்தின்,
'துனியாமே ஹம் ஆயேஹை ஜீனாஹி படேகா!
.ஜீவன் ஹை ஸஹர்தோ பீனாஹி படேகா!' பாடலை நான் இதுவரையில் தள்ளிவிட்டுப் பார்த்ததில்லை. நர்கீஸின் நடிப்பாலா, ஷகீல் பதாயுனியின் வரிகளாலா, நௌஷாதின் இசையாலா என்பது ஒரு மாபெரும் அரட்டை அரங்கத்துக்கான தலைப்பு.
வெளிநாட்டில் வாழும் ஒரு மகன் தனது தந்தைக்கு என்னவெல்லாம் கடிதத்தில் எழுதுவான்? சேமிப்பு, காசோலை, வேலையில் சிரமம், விடுமுறை நாள் இப்படியாகவும் இருக்கலாம்; கொஞ்சம் இதைவிட்டு விலகியும் இருக்கலாம். அப்படி விலகி இருக்கும் விஷயங்களில் அரைப்பக்கத்திற்கு நௌஷாத் சாஹேபை சிலாகித்தும் எழுதலாம்.
நான் எழுதினேன்.
1984 அல்லது 85 ஆக இருக்கக்கூடும். நௌஷாத் சாஹேப் ஹஜ் பயணத்திற்கு வந்திருந்தார். இங்கே ஜித்தாவில் செய்தித்தாளில் அவரைப்பற்றிய கட்டுரை ஒன்றும் வெளியானது. அந்த வருடங்களின் சூழலுக்கு அதெல்லாம் அதிகம். கட்டுரை வெளியாவதற்கு ஓரிருவாரங்கள் முன்னர்தான் 'மேரே மெஹபூப்' திரைப்படத்தை ஏகப்பட்ட காட்சிகளை திரும்பத் திரும்பப் போட்டுப் பார்த்து ரசித்து வைத்திருந்தேன். கட்டுரையைப் படித்ததும் எனது தந்தையார் என்னுடன் பகிர்ந்துகொண்ட நௌஷாதின் திரைப்பட விவரங்கள் நினைவுக்கு வந்தன. தந்தையாருக்கு மேரே மெஹபூபின் பாடல்கள் குறித்தும் நௌஷாதை நானும் கேட்டு ரசிப்பது குறித்தும் ஒரு கடிதம் எழுதினேன்.
தந்தையார் மறைந்து வருடங்களாகின்றன. அவரும் நானும் விரும்பிக் கேட்ட /
கேட்கும் இசையமைப்பாளர் நௌஷாதின் மறைவு எனக்கு தந்தையாரையும் நினைவுக்குக் கொண்டுவருகிறது.
ஹெச்.எம்.வி. நிறுவனத்தார் வெளியிட்டிருக்கும் ஐம்பதாண்டு இந்திப் பாடல் தேர்வில் 57 முதல் 62 வரையிலான தேர்வில் இரண்டு பாடல்கள் நௌஷாதினுடையவை. ஒன்று மேலே குறிப்பிடப்பட்டிருக்கும் 'துனியாமே ஹம் ஆயேஹை' (மதர் இண்டியா) பாடல். இன்னொன்று மொஹல்-ஏ-ஆஸம் திரைப்படத்தில் இடம்பெற்ற 'மோஹெ பன்ஹட்பே நந்தலால் சேடு கயோரே'.
சென்ற வாரத்தில் இந்தப் பாடலைக் கேட்டபோது அருகிலிருந்த மகளிடம் இதன் இசையமைப்பாளர் நௌஷாத் அலி எனச் சொன்ன சமயத்தில்,
'சரிப்பா, பன்ஹட்னா என்ன?' என்றேன்.
'பானி-கா ஹட் பன்ஹட்டுன்னு ஆகியிருக்கும். குடம், பானை இந்த மாதிரி எதாவதா இருக்கலாம். பக்கத்துலயே நந்தலால்தான் வந்துட்டார. அந்த மாதிரிதான் எதாவது தண்ணி சம்மந்தப்பட்டதாத்தான் இருக்கும்' இது மகள் சொன்னது.
'பன்ஹட்டுன்னா நீர்நிலை, குளம், ஆறு தொடர்பான வார்த்தைன்னு சொல்றாங்க' இது நான்.
எனது தந்தையார் என்னுடன் நௌஷாத் குறித்த விவரங்களைப் பேசியதால் நௌஷாதின் மறைவு எனக்கு தந்தையாரைப் பற்றிய நினைவுகளைக் கிளறிவிட்டிருக்கிறது. நாளை என்றேனும் மகள் மோஹெ பன்ஹட்டுபே நந்தலால் சேடுகயோரே பாடலைக் கேட்கும்போது என்னைப் பற்றி நினைப்பாளோ.
அன்புடன்
ஆசாத்
Comments
I was really moved by your writing about Naushad saab.
He is my all time best favorite composer in all languagea.
Although I am much older than you,I am pleased to know people of next generation have an appreciation for Naushad's saab's work.
Another famous song in Baiju Bawra,'Bhagwan' in the raga sung by Rafi in Malkauns raag,written by Shkaeel and composed by Naushad-all Muslims incidentally- about a Hindu God makes all the religious intolerance and squabbles inconsequential.
Please teach your daughter about the greatness of Naushad.
My best wishes to you.
Ramamurthy
Thanks for your comment and wishes.
//Shkaeel and composed by Naushad-all Muslims incidentally- about a Hindu God//
My friend and well wisher Ira.Murugan also shared this in Raayarkaapiklub (yahoo group) once.
anbudan
Azad
Wonderful write-up.
About 'Duniya-ke-rakwale' on screen : I watched it on a late night telecast but Bharath Bhushan somehow failed to impress me. I don't think ample justice was done to the marvellous song while rendering it visually. Much unlike Madhubhala enhanced 'pyar kiya to darna kiya' with her nonchalant looks and graceful body language in 'Mugal-e-azam'.
Do you remember that lingering whistle of the train towards the close of Pakeeza song (Lata)? I can still feel the anguish of Meenakumari and Rajkumar with that single note! HFM has lost its anmol treasure in Naushad's demise.
பாக்கீஸா - இரயில் வண்டியின் சீழ்க்கையொலி - லதாஜி - சல்தே சல்தே யூன்ஹி கோயி மில்கயாதா பாடல்தானே. கைஃபி சாஹேபின் வரிகள்.
பாக்கீஸாவின் இசையமைப்பை குலாம் மெஹம்மதிற்குப் பின்னரே நௌஷாத் ஏற்றுக்கொண்டதாக பல குறிப்புகளில் எழுதியிருக்கிறார்கள் (இணையத்தில் படிக்கக் கிடைத்தன).
ப்யார் கியாதோ டர்னா க்யா - எந்நேரமும் நான் விரும்பும் பாடல்.
அன்புடன்
ஆசாத்
Your writeup and Mr.Era.Murukan's followup about Pakeezah brought up lots of nostalgic memories.
I was in India at the time the film was released.
According to my understanding Naushad completed the music of Pakeezah after the demise of Ghulam Mohd.The transition is so seamless we cannot differentiate who created which tune.
I still can not get over Naushad's loss.
Ramamurthy