"AZADI EXPRESS" NOW IN TAMILNADU என வெளியாகியிருந்த விளம்பரம், கண்காட்சியின் தேதிகளையும் நேரத்தையும் சொல்லியிருந்தது. பள்ளிக்கூடத்திலிருந்து வந்த குழந்தைகள் விவரங்களைச் சொன்னார்கள். பள்ளியில் விவரம் சொல்லி அனுப்பியிருக்கிறார்கள். சென்ட்ரல் இரயில் நிலையம், பிளாட்பாரம் எண்-11. ஆஸாதி எக்ஸ்பிரஸ் உபயத்தில் பிளாட்பாரம் டிக்கெட் இல்லாமலே சென்ட்ரலுக்குள் நுழைந்து வெளிவர முடிந்தது.
சிப்பாய்க் கலகத்தின் 150வது ஆண்டைச் சிறப்பிக்கும் வகையில் இந்திய விடுதலைப் போராட்டத்தின் முக்கியமான சில குறிப்புகளையும், சில அரிய புகைப்படங்களையும், இந்தியக் குடியரசு அமைந்ததையும், இந்தியாவின் வெற்றிப் பாதையையும், புகைப்படங்களால் கண்காட்சியாக இரயில் பெட்டிகளில் அமைத்து, அந்தப் பெட்டிகள் இந்தியாவிலிருக்கும் முக்கியமான இரயில் நிலையங்களுக்குச் சென்று மக்களின் பார்வைக்கு வைக்கப்படுகின்றன.
கண்காட்சிகள் தொடர் இரயில் பெட்டிகளுக்குள் அமைக்கப்பட்டிருக்கின்றன. முதல் பெட்டியில் ஏறி ஒவ்வொன்றாகப் பார்த்து முடித்து கடைசிப் பெட்டியிலிருந்து வெளியே வருகின்ற அமைப்பு.
பெட்டிகளின் பெயர்கள்:
1.Kampany Raj (Company Raj அல்ல)
2.British take over
3.The Lightning
4.Fire Spreads
5.The National Awakening
6.Gandhiji Leads
7.Quit India
8.Azadi
9.New Dawn
10.India On The Move
11.Vibrant Democracy
கண்காட்சியில் சட்டென எனது கவனத்தை ஈர்த்தவை:
1.ஜான்சி ராணியின் அரசு இலச்சு உருது மொழியில் இருந்துள்ளது.
2.சிப்பாய்க் கலகத்திற்கும் முன்னர் விடுதலை வேட்கைக்காக 77 இடங்களில் போராட்டங்கள் நடந்திருக்கின்றன.
3.தமிழகத்தில் வேலூர் (1807), இராமநாதபுரம் (1847) பகுதிகளில் போராட்டங்கள் நிகழ்ந்திருக்கின்றன.
4.மங்கல் பாண்டே - சிப்பாய் எண்-1446, 5வது கம்பெனி, 34வது ரெஜிமெண்ட்.
5.15.8.1947அன்று இந்தியாவில் வெளியான ஆங்கில நாளேடுகளின் முதல் பக்கங்கள்.
6.முதல் மத்திய அமைச்சரவையினரின் படம்.
பொறுமையாக ஒவ்வொன்றாக ஆழ்ந்து நேரமெடுத்துப் பார்க்க இயலவில்லை. பார்த்துக்கொண்டே நகர்ந்துகொண்டே இருக்கவேண்டுமென இரயில்வே அலுவலர்கள் பெட்டிக்குள் அமர்ந்துகொண்டு நம்மை ஓரிடத்தில் நிற்கவிடாமல் நகரச் செய்கின்றனர்.
அலுவலர்களைக் குறைகூறி ஒன்றும் பலனில்லை, கூட்டம் அப்படி இருந்தது. இன்று (19.1.2007) மதியம் மூன்றரை மணியளவில் நாற்பது நிமிடங்கள் வரிசையில் நின்ற பின்னரே கண்காட்சியின் முதல் பெட்டிக்குள் நுழைய முடிந்தது. கடைசிப் பெட்டியிலிருந்து வெளியே வரும்போது இன்னமும் வரிசையில் அதிகமானோர் நின்றிருந்தார்கள். அனைவரையும் உள்ளே அனுப்பி - வெளியே அனுப்ப அது ஒரு சிரமமென்றால், பெட்டிக்குள் சரியான காற்றுப் போக்குவரத்து இல்லாமல் இன்னொரு சிரமம்.
நம்மால் முடிந்தது...விருந்தினர் ஏட்டில் 'கண்காட்சியைப் பார்ப்பதற்கு போதிய நேரம் தரப்படவில்லை' என ஒரு குறிப்பினை எழுதிவைத்தேன். அது கவனிக்கப்படும் என்ற நம்பிக்கை உள்ளது.
இவையெல்லாம் ஒருபுறமிருக்க, இப்படியான புதிய கண்காட்சி முயற்சியை எடுத்த அரசுக்கு ஒரு சலாம்! இது துவக்கமாக இருக்கலாம், நாளடைவில் சின்னச்சின்ன குறைகள் நிவர்த்தி செய்யப்பட்டு இப்படிப்பட்ட கண்காட்சிகளை அரசு நிறைய நடத்தலாம்.
தேவையென்றால் இங்கு சொடுக்கி ஆஸாதி எக்ஸ்பிரஸ் புறப்பட்டதைப் படிக்கவேண்டுகிறேன்.
அன்புடன்
ஆசாத்
சிப்பாய்க் கலகத்தின் 150வது ஆண்டைச் சிறப்பிக்கும் வகையில் இந்திய விடுதலைப் போராட்டத்தின் முக்கியமான சில குறிப்புகளையும், சில அரிய புகைப்படங்களையும், இந்தியக் குடியரசு அமைந்ததையும், இந்தியாவின் வெற்றிப் பாதையையும், புகைப்படங்களால் கண்காட்சியாக இரயில் பெட்டிகளில் அமைத்து, அந்தப் பெட்டிகள் இந்தியாவிலிருக்கும் முக்கியமான இரயில் நிலையங்களுக்குச் சென்று மக்களின் பார்வைக்கு வைக்கப்படுகின்றன.
கண்காட்சிகள் தொடர் இரயில் பெட்டிகளுக்குள் அமைக்கப்பட்டிருக்கின்றன. முதல் பெட்டியில் ஏறி ஒவ்வொன்றாகப் பார்த்து முடித்து கடைசிப் பெட்டியிலிருந்து வெளியே வருகின்ற அமைப்பு.
பெட்டிகளின் பெயர்கள்:
1.Kampany Raj (Company Raj அல்ல)
2.British take over
3.The Lightning
4.Fire Spreads
5.The National Awakening
6.Gandhiji Leads
7.Quit India
8.Azadi
9.New Dawn
10.India On The Move
11.Vibrant Democracy
கண்காட்சியில் சட்டென எனது கவனத்தை ஈர்த்தவை:
1.ஜான்சி ராணியின் அரசு இலச்சு உருது மொழியில் இருந்துள்ளது.
2.சிப்பாய்க் கலகத்திற்கும் முன்னர் விடுதலை வேட்கைக்காக 77 இடங்களில் போராட்டங்கள் நடந்திருக்கின்றன.
3.தமிழகத்தில் வேலூர் (1807), இராமநாதபுரம் (1847) பகுதிகளில் போராட்டங்கள் நிகழ்ந்திருக்கின்றன.
4.மங்கல் பாண்டே - சிப்பாய் எண்-1446, 5வது கம்பெனி, 34வது ரெஜிமெண்ட்.
5.15.8.1947அன்று இந்தியாவில் வெளியான ஆங்கில நாளேடுகளின் முதல் பக்கங்கள்.
6.முதல் மத்திய அமைச்சரவையினரின் படம்.
பொறுமையாக ஒவ்வொன்றாக ஆழ்ந்து நேரமெடுத்துப் பார்க்க இயலவில்லை. பார்த்துக்கொண்டே நகர்ந்துகொண்டே இருக்கவேண்டுமென இரயில்வே அலுவலர்கள் பெட்டிக்குள் அமர்ந்துகொண்டு நம்மை ஓரிடத்தில் நிற்கவிடாமல் நகரச் செய்கின்றனர்.
அலுவலர்களைக் குறைகூறி ஒன்றும் பலனில்லை, கூட்டம் அப்படி இருந்தது. இன்று (19.1.2007) மதியம் மூன்றரை மணியளவில் நாற்பது நிமிடங்கள் வரிசையில் நின்ற பின்னரே கண்காட்சியின் முதல் பெட்டிக்குள் நுழைய முடிந்தது. கடைசிப் பெட்டியிலிருந்து வெளியே வரும்போது இன்னமும் வரிசையில் அதிகமானோர் நின்றிருந்தார்கள். அனைவரையும் உள்ளே அனுப்பி - வெளியே அனுப்ப அது ஒரு சிரமமென்றால், பெட்டிக்குள் சரியான காற்றுப் போக்குவரத்து இல்லாமல் இன்னொரு சிரமம்.
நம்மால் முடிந்தது...விருந்தினர் ஏட்டில் 'கண்காட்சியைப் பார்ப்பதற்கு போதிய நேரம் தரப்படவில்லை' என ஒரு குறிப்பினை எழுதிவைத்தேன். அது கவனிக்கப்படும் என்ற நம்பிக்கை உள்ளது.
இவையெல்லாம் ஒருபுறமிருக்க, இப்படியான புதிய கண்காட்சி முயற்சியை எடுத்த அரசுக்கு ஒரு சலாம்! இது துவக்கமாக இருக்கலாம், நாளடைவில் சின்னச்சின்ன குறைகள் நிவர்த்தி செய்யப்பட்டு இப்படிப்பட்ட கண்காட்சிகளை அரசு நிறைய நடத்தலாம்.
தேவையென்றால் இங்கு சொடுக்கி ஆஸாதி எக்ஸ்பிரஸ் புறப்பட்டதைப் படிக்கவேண்டுகிறேன்.
அன்புடன்
ஆசாத்
Comments