Skip to main content

Posts

ஜெயமோகனின் நிழல்வெளிக் கதைகளும் கொஞ்சம் சொந்தக் கதையும்

அமானுடத்தின் மீதான பயம், ஆச்சரியம் இவற்றிலிருந்து நான் தப்பிப் பிழைத்தவன் அல்லன். எங்கள் சென்னை - அல்லிக்கேணி - மீர்சாகிப்பேட்டை - அமீருன்னிசா அறக்கட்டளையின் இடுகாட்டு வாயிலை இரவு நேரங்களில் கடக்கும்போது திகிலுடனும் கடந்திருக்கிறேன். பள்ளிப் பருவம் முடித்து சென்னை சத்யம், ஆனந்த், சஃபையர், சன் திரையரங்குகளுக்கு மாலைக் காட்சியோ இரவுக் காட்சியோ சென்றுவரும்போதும் அந்த வாயிலைக் கடப்பது வழக்கமாகிப் போனதால், மெள்ளமெள்ள திகில் விட்டுப்போனது. இப்படியான வழமைகளும், கொஞ்சம் தைரியமும், சற்றே வாழ்வின் மீதான பிடிப்பை ஒத்தி வைப்பதும் அமானுடத்தின் மீதான பயத்தை விலக்கி வைக்கும் போலிருக்கிறது. புரசைவாக்கத்தில் ஒரு சுருள் கதவின்மேல் (ரோலிங் ஷட்டர்) ஆயத்த ஆடைகளின் படத்தை வரைந்துவிட்டு, நள்ளிரவில் பொடி நடையாக 'தௌலத் ஆர்ட்ஸ்' தௌலத்துடன் புரசையிலிருந்து மீர்சாகிப்பேட்டைக்கு வரும் வழியில் மத்திய சிறைச்சாலைக்கு அருகில் இருக்கும் கிறித்துவ இடுகாட்டையும், முணுக்முணுக்கென விளக்கெரிந்த பாடிகாட் முனீஸ்வரர் ஆலயத்தையும் கடந்தபோது திகில் கொள்ளாததன் காரணம் அந்நேரத்தில் (வேலை இல்லாமல்) வாழ்வின் மீதான பிடிப்பு கொஞ...

எனது உடற்பயிற்சிக்கூடங்கள் - சொந்தக் கதை

சென்னை - திருவல்லிக்கேணி வளர்ப்பிற்குச் சிறிதும் மாற்றமில்லாமல் எல்லா மாணவர்களையும் போலவே எனக்கும் உடற்பயிற்சியில் ஆர்வம் இருந்தது. தாமைரை இலை அளவிற்கு விரிந்த சட்டைப்பட்டைக்குள் (காலர்) பஞ்சு வைத்துத் தைத்த சட்டைகள் போட்டு சாண்டோவாகிவிடத் துடித்த சில நாள்களும் கணக்கில் உண்டு. எல்லாம் துவங்கியது சென்னை - ஐஸ்ஹவுஸ் மாஸ்டர் உடற்பயிற்சிக்கூடத்தில்தான். ஞாயிற்றுக்கிழமைகளில் அங்கு சென்றால் ஆஜானுபாகுவான அந்த மாஸ்டர் இருப்பார். சொந்தமாக உடற்பயிற்சிக்கூடம் வைத்து நடத்தினாலும், வருமானத்திற்கு பள்ளியில் ஓட்டுனராகப் பணிபுரிந்து, உடற்பயிற்சியில் தனக்குள்ள ஈடுபாட்டை விளம்பரமில்லாமல் சொல்லிக்கொண்டிருந்தவர். டாக்டர் சிவா திரைப்படத்தில் ஆதிவாசிகள் பாடுகின்ற பாடலில் ஆதிவாசிகளின் தலைவராக நடித்திருப்பவர்தான் அந்த மாஸ்டர். ஞாயிறுகளில் அங்கு சென்று உடற்பயிற்சிக்கூடத்தைக் கூட்டித் தள்ளி, பளுக்கள், கம்பிகள், கண்ணாடிகள் இவற்றைத் துடைத்தால் ஒருமணி நேரம் இலவசமாக உடற்பயிற்சி செய்யலாம். அப்படிச் செய்ய நான்கைந்து பள்ளிமாணவர்கள் இருந்தார்கள், அவர்களுள் நானும் ஒருவன். அங்கே துவங்கியதுதான் ஆர்வம். கொஞ்சம் வளர்ந்த பிற...

தசாவதாரம் - முதல் சண்டைக்காட்சி குறித்து

ஆணழகன் போட்டியின் அடிப்படை வெளிப்பாடான 'முன் தோள் பரவல்' (Front lat spread) பாணியில் தோள்களை விரித்து புஜங்களின் தசைகள் கட்கத்தில் அழுந்தியிருக்க கீழிருந்து துள்ளி எழுகின்ற காட்சி முதல், "சுங்கம் தவிர்த்த சோழனின் பேரனிடம் கர்வம் தவிர்க்கச் சொல்" என கர்ச்சித்து மணியை அடித்துவிட்டு திரும்பி நின்று குடுமியை முடியும்போது 'இரட்டைப் புஜம் - பின்புறம்' ( Rear double biceps) நிலைக்கு வருகின்ற வரையில் நிகழும் சண்டைக் காட்சிகளில் மிக நேர்த்தியாக நவீன வீச்சுகளின் சாயல் சிறிதும் கலக்காமல் அமைத்திருப்பதன் பின்னணியில் யார் இருக்கக்கூடும் என்னும் வினா எழுகின்றது. கமல்தானா, தியாகராஜனா (சண்டைப்பயிற்சி), கே.எஸ்.ரவிகுமாரா, அல்லது விலக்கப்பட்ட பயிற்சியாளரா? (சண்டைக்காட்சி நடிகர்களைப் பொதுவில் திட்டியதால் பிரச்சனை பெரிதாகி ஒரு பயிற்சியாளர் விலக்கப்பட்டதாக இணையச் செய்திகள் கூறுகின்றன). சண்டை நிகழும் காலகட்டம் பன்னிரண்டாம் நூற்றாண்டென்பதால் சீன ஜப்பானிய சண்டைக் கலைகளில் காணப்படும் வீச்சுகளின் சாயலோ, நமது பாரம்பரியக் குத்துச் சண்டைகளில் வீசப்படும் வரிசைகளோ இல்லாமல் மற்போரின் பாணிய...

கலைஞர் தொலைக்காட்சி - கானா குயில்

கானாப் பாடல்களைத் தொகுத்து வழங்குபவர் சென்னைத் தமிழ்தான் பேசவேண்டும், கானாவின் பாரம்பரியம் காக்கப்படவேண்டும் என்றெல்லாம் பேச வரவில்லை. காலத்திற்கேற்ப எங்கும் மாறுதல்கள் வரும், கானாவிலும் அது வந்திருக்கிறது, அதற்காக கானாவிற்கு எந்தவிதத்திலும் தொடர்பில்லாத பாடல்களையெல்லாம் அந்தப் பெண்மணி பாடிவைத்து இடையிடையே கானாக்களைத் தொகுத்து வழங்குவதை மனம் ஏற்க மறுக்கிறது. கானாவின் மரபு காப்பாற்றப்படாவிட்டாலும் தவறில்லை, ஆனால், தனிப்பட்ட ஒலி-ஒளிப்பதிவினைப் போல இந்த அம்மையாரை மட்டும் திரைப் பாடல்களில் கானாக்கள் அல்லாதவறையும் பாடவைத்து இந்தப் பாடல்களுக்கும் கானாக்களுக்கும் தொடர்பு இருப்பதான மாயையை உண்டாக்குவது தவறு. தீபா வெங்கட் டின் மேல் எனக்கொன்றும் கோபம் கிடையாது. தொலைக்காட்சித் தொடர்களில் அவருக்கென ஓர் இடம் இருப்பதைக் கொஞ்சமேனும் தொடர்களில் கவனம் செலுத்துவோரும் அறிந்திருப்பார்கள். அது வேறு நேயர்க்கூட்டம்; இது வேறு நேயர்க்கூட்டம். இங்கே, கானாக் குயில் நிகழ்ச்சியில் மிகக் குறைந்த அளவே விளம்பரங்கள் வருவதால், இதன் நேயர் வட்டம் குறுகியதென்பதைப் புரிந்துகொள்ள முடிகின்றது. அந்தக் குறுகிய வட்டத்தினருக்காகவ...

தசாவதாரம் - எனது பார்வையில்

இந்தப் படத்தில் நிறைய எதிர்பார்த்துவிட்டேன். உலகநாயகன் பட்டமும், பாடலும், மிரட்டிய முன்னோட்டமும், அங்கங்கே புகைப்படங்களாக வந்த கமலின் மாறுபட்ட முகங்களும் அதிகமான எதிர்பார்ப்பை உண்டாக்கியதால், படத்தை ஒரு சராசரி வணிகப் படமாக அணுகிப்பார்க்கும் எண்ணமே எழாமற்போனது. எந்தவிதமான எதிர்பார்ப்புகளும் இல்லாமல் சென்றிருந்தால் ஒருவேளை ரசித்திருப்பேனோ என்னவோ? சண்டைக் காட்சிகள்: நான் விருப்பத்துடன் பார்க்கும் சண்டைக் காட்சிகள் மட்டும் ஏமாற்றவில்லை. நான்கைந்து பயிற்சியாளர்கள் சண்டைக்காட்சிகளை அமைத்திருக்கிறார்கள். கனல் கண்ணன் பெயரையும், தியாகராஜன் என்பவர் பெயரையும் மட்டுமே படிக்க முடிந்தது. அமெரிக்க - ஜப்பானிய கமல்கள் மோதிக்கொள்ளும் காட்சிகளின் நுணுக்கம் அட்டகாசம். சண்டையின் முதல் பகுதியில் குறிப்பிட்ட உத்தியை உபயோகிக்கும் அமெரிக்க கமல் இரண்டாம் பகுதியில் உத்திகளை மாற்றி வலம்-இடம் என சரேலென விலகிவிலகி...இந்த சண்டைக் காட்சியின் பயிற்சியாளர் பெயரைத் தனியாகப் போட்டிருக்கவேண்டும். கை-கால்களை உடைக்கும்போது, அந்த நாள் முதல் விக்ரம் போட்டுத் தாக்கிக்கொண்டிருக்கும் 'எக்ஸ்-ரே' மின்னல்களைத் தவிர்த்திருக்...

சிக்கன் ஆஃப்கானியும் சில எண்ணங்களும்

வழமையான சிக்கன்65, பட்டர் சிக்கன், சில்லி சிக்கன் ஆசாமிகளுக்கு சிக்கன் ஆஃப்கானி பிடிக்காது. புளிப்பு, காரம், துவர்ப்பு இவற்றைக் கலந்துகட்டி அரைத்தால் என்ன சுவை வருமோ அப்படியான மாறுபட்ட சுவையாக இருக்கும். மசாலாவுடன் சேர்த்து கொஞ்சம் பாக்கையும் அவர்கள் அரைக்கின்றார்களோ என்னும் சந்தேகம் வரக்கூடும். கொஞ்சம் கொஞ்சமாக நாக்கு சுவையறிந்து மூளைக்கு தகவல் அனுப்பிய பின்னரே அந்தத் துவர்ப்பு ஏலக்காயை அரைத்துப் போட்டதால் உண்டானது விளங்கும். நிறத்தை விடுத்து அமைப்பை மட்டும் பார்த்தால் நமது செட்டிநாடு உணவகங்களில் கிடைக்கும் சிக்கன் போன்லெஸுடன் ஒத்துப்போகும். இந்தப் பதார்த்தத்தில் கோழிக்கறியை எலும்புடன் போடுவதா எலும்புகளை நீக்கிவிட்டுப் போடுவதா என்னும் விவாதங்கள் பாகிஸ்தானிய அரசியல் விவாதங்களை விட அதிசிக்கலானவை, அதனால் தேவையற்றவை. நான் எப்பொழுதாவது சாப்பிடும் துபாய் சில்வர் ஈகிள் உணவகத்தில் எலும்புகளை நீக்கிவிட்டுத்தான் சமைக்கிறார்கள். எலும்புகள் நீக்கப்பட்ட மாமிசத்தை சாப்பிடுவதில் அப்படியொன்றும் பேரானந்தம் கிடைப்பதில்லைதான், ஆனாலும், என்னளவில் சிக்கன் ஆஃப்கானி மட்டும் அதற்கு விதிவிலக்கு. மிளகுக் காரமு...

சென்னை கானா - புத்தகம் எனது பார்வையில்-2

சென்னை கானா புத்தகம் - எனது பார்வையில்-1 வடசென்னை விளிம்புநிலை மனிதர்களின் வாழ்வுடன் இரண்டறக் கலந்துவிட்ட காவல் நிலையங்களும், அரசு மருத்துவமனைகளும் கானாக்களில் காணக்கிடைக்கும்போது அவை அறிமுகப்படுத்தும் சென்னையின் இன்னொரு முகம் கிழக்குக் கடற்கரைச் சாலைக்கும் அடுக்கு மாடிக்குடியிருப்புகளுக்கும் அன்னியமானது. நீ குடிச்சுப்புட்டு கலாட்டாப் பண்ணா புடிச்சுருவாரு அந்த போலீஸ்காரு! லாக்கப்புல அடச்சுருவாரு! ஜாமீனுண்ணு வந்தாலும் மாலு நீ தந்தாலும் வைத்திருக்கும் எஸ்.பி. உன்னை விடமாட்டாரு! * அரசாங்க ஆசுபத்திரி அங்கே ரேஷன் கடை மாதிரி ஆயிரக்கணக்கு ஜனங்க நிக்கிதுங்க அஞ்ஜி ரூபா நோட்டக் காட்டு எல்லோருக்கும் முன்ன போயி டாக்டர் முகம் பாக்கலாமுங்க! (பவுராஸ் பாண்டியன்) எஸ்.பி., எஸ்.ஐ., ஏட்டு, மஃப்டி, அக்யூஸ்ட்டு, ஏ2, ஜாமீன், பெயிலு, கஸ்டடி, தொகுதி, பகுதி, வார்டு, சார்பட்டா இப்படியான வார்த்தைகளுள் ஏதாவதொன்றை நிமிடத்தில் ஒருமுறையேனும் உபயோகிக்கும் மக்களின் வாழ்க்கை முறையின் ஒரு சிறிய கீற்றாக பவுராஸ் பாண்டியனின் மேற்கண்ட வரிகளைக் காண முடிகின்றது. பவுராஸின் வரிகளாக புத்தகத்தில் அச்சாகியிருக்கும் சில வரிகள் உண்மை...