சில சொந்த சமாசாரங்கள் - சிங்கை (1)

சில சொந்த சமாசாரங்கள் - சிங்கப்பூர் (1)

22ம் தேதி இரவு பதினொன்றரை மணியளவில் கடவுச் சீட்டையும், பயணச் சீட்டையும் முகவரிடமிருந்து வாங்கும் வரையில் சிங்கப்பூர் பயணம் உறுதியாகவில்லை. அதன் பிறகே மறுநாள் புறப்படுவதற்கான ஏற்பாடுகளில் கவனம் செலுத்தினேன். மறக்காமல் சிங்கை நண்பர்களின் தொலைபேசி எண்களைக் குறித்து வந்து, சிங்கை சேர்ந்ததும் அவர்களுடன் ஒரு ஹலோ சொல்லியபின் திருப்தியாக இருந்தது.

ரா.கா.கி. நண்பர் சலாஹுத்தீன் அவர்கள் 'பாய் ஏர்போர்ட்டிற்கு வரவா' என குறுஞ்செய்தி அனுப்பியிருந்தார். அவரிடம் அன்பாக 'வேண்டாம்' சொல்லிவிட்டு 23ம் தேதி மாலை சிங்கையை அடைந்து, அந்த பளப்பளா சாலைகள், அடுக்குமாடிகள், நியான் விளக்குகள், எம்.ஆர்.டி., எல்லாவற்றிலும் மீண்டும் ஒருமுறை மனதை இழந்தாகிவிட்டது.

பயணக் குறிப்புகள் எழுதினால், பயணத்தில் சந்தித்த / தொலைபேசிய நண்பர்களின் பட்டியலை வலைப்பதிவில் இடுவது எழுதாத சட்டமாக விரிந்திருக்கிறது. தனிப்பட்ட முறையில் இந்த வழக்கத்துடன் எனக்கு உடன்பாடு இல்லையென்றபோதும், மரபாக அது வளர்ந்திருப்பதால் கடைப்பிடித்தல் அவசியமாகிறது.

ஆகிர் ஃபார்மாலிட்டீஸ்தோ பூரி கர்னா ஹைனா :) [கடைசில வழக்கமானத செய்யணுமில்ல]

அத்தனை பரபரப்பான சாலையிலிருந்து உள்ளே சென்றதும், கனவுலகில் நுழைந்தாற்போல் வானளவு நின்ற மலையும், நீர்த்தேக்கமும், அதன் நடுவில் ஒற்றையாக ஒரு மரம் நின்று 'அமைதியான நதியினிலே ஓடத்தை' நினைவுபடுத்தியதும், மாலையில் சென்றமர்ந்து நேரம் செல்லச் செல்ல இருள் கவிந்ததும், உடனிருந்த நண்பர் அங்கேயே நோன்பு திறந்ததும், அரட்டைகளும், கருத்துப் பரிமாற்றங்களும், நண்பர்கள் ஒவ்வொருவராக விடைபெற்றதும், மரத்தடி தம்பி எம்.கே.குமாரின் முதலடியாலும், மற்ற நண்பர்கள், சகோதரியின் ஒத்துழைப்பாலும் இது சாத்தியமானதும், மொத்த விவரங்களையும் அடுத்த ஓய்வுவேளையில் எழுதுகிறேன்.

இப்போதைக்கு நான் எடுத்த இரண்டு படங்கள் மட்டும்.
























அன்புடன்
ஆசாத்