புல்லட்
மற்ற இருசக்கர வண்டிகளை ஓட்டிப் பழக்கப்பட்டு முதன்முறையாக புல்லட்டை ஓட்டினால் "லெ·ப்ட்ல ப்ரேக், லெ·ப்ட்ல ப்ரேக்" என்று ஜெபித்துக்கொண்டே ஓட்டுவது நல்லது.
கார்களையே ஓட்டிப் பழக்கப்பட்டு முதன்முறையாக புல்லட்டைத் தொடுபவர்களும் கட்டாயம் இந்த ஜெபத்தினை உச்சரிக்கவேண்டும். அப்போதுதான் திடீரென்று வண்டியின் முன்னே நுழையும் இடையூறுகளைச் சமாளிக்க அனிச்சையாக வலது காலால் ப்ரேக்கை அழுத்துவது விடுத்து, இடது காலால் ப்ரேக்கை அழுத்தி விபத்தைத் தவிர்க்கலாம்.
மற்ற வண்டிகளுக்கு வலது காலால் ப்ரேக் என்றால், புல்லட்டிற்கு மட்டும் இடது காலால் ப்ரேக். ஓரிரு முறைகள் ஓட்டிப் பழகி விட்டால், அதில் அமர்ந்ததும் வருகின்ற கம்பீரம் போலவே 'இடது கால்' உணர்வும் தானாக வந்துவிடும்.
புல்லட் 350, புல்லட் 500, எலக்ட்ரா வகைகளில் மட்டுமே இடது கால் ப்ரேக் வழக்கம். அவை விடுத்து 'தண்டர் பேர்ட்'டில் இந்தப் பிரச்சனை கிடையாது. தண்டர் பேர்டில் ப்ரேக் வலது புறம்தான். அதனை அறிமுகப் படுத்தும்போதே, 'வலப்புற ப்ரேக்' என்னும் வாசகம் விளம்பரத்தில் இருந்தது. விளம்பரமும் வண்டியும் வெளிவந்த வருடம் இரண்டாயிரத்து ஒன்றா, இரண்டா என்பது சரியாக நினைவில்லை.
ப்ரேக் வலப்புறம் இருந்தால் என்ன, இடப்புறம் இருந்தால் என்ன, படபடவென புல்லட்டில் பயணம் செய்யும்போது கிடைக்கும் மரியாதையே தனி.
நானறிந்த வட்டாரத்தில் புல்லட் வைத்திருந்தவர்கள் செல்வாக்கு உள்ளவர்களாகவே இருந்தார்கள். காவல் துறை அதிகாரி, தென்தமிழகத்திலிருந்து வந்து சென்னையில் வியாபாரம் செய்பவர்கள், நெடிய பருத்த தோற்றம் உள்ளவர்கள், இப்படியானவர்களுக்கு அது செல்வாக்கு வாகனமாக இருந்தது / இருக்கிறது. வெள்ளை வேட்டி, தங்கக் கடிகாரம், முறுக்கு மீசை, பருத்த உடல் இவை புல்லட் 500உடன் பொருந்தியது போலவே, இப்பொழுது ஜீன்ஸ், கண்ணை ஈர்க்கும் 'டி' ஷர்ட், CAT காலணிகள் தண்டர் பேர்டுடன் பொருந்துகின்றன.
தண்டர் பேர்ட் இளையவர்களை நன்றாகவே ஈர்த்துவிட்டதாகத் தெரிகிறது. அருகில் வரும் மற்ற இருசக்கர வாகன ஓட்டிகளைப் பெருமூச்சு விடவைப்பதற்கு எழுபத்தைந்தாயிரம் ரூபாய் முதலீடு தேவையாக இருக்கிறது.
எட்ட இருந்து பார்த்தால் சீறுவதற்குத் தயாராக இருக்கும் சிங்கமாக நிற்கும் புல்லட், நன்றாக ஓட்டத் தெரிந்தவர்களின் கைகளில் குழந்தைதான். காலை ஊன்றி அங்கும் இங்கும் தள்ளிச் செல்லும் கதையெல்லாம் இதில் கிடையாது. குறுகிய திருப்பமாக இருந்தாலும் த்ராட்டலைக் குறைத்து லேசாக ப்ரேக்கில் கால் வைத்தபடி நளினமாகத் திருப்பலாம்.
எந்த வேகத்திலும் ப்ரேக்கை அழுத்தியதும் நச்சென வண்டி நிற்கும். எல்லா வண்டிகளும் ப்ரேக்கை அழுத்தினால் அப்படியேதான் நிற்கும். ஆனாலும், புல்லட் நிற்கும் அழகே தனி. முன் சக்கரத்தைத் திருப்பி அப்படி இப்படி ஆடும் நாட்டியங்களெல்லாம் இதில் கிடையாது. நேராக நினைத்த இடத்தில் நிற்கும்.
சிகப்பு நிறத்தில் பாகங்களும், குரோமியப் பூச்சில் ஜொலிக்கும் கண்கவர் அமைப்புகளும், பொன்னிறத்தில் பொறிக்கப்பட்ட 'ராயல் என்·பீல்ட்' இலச்சும், "என்றைக்கு என்னை சொந்தமாக்கிக் கொள்வாய்" எனக் கேட்பதாவே தோன்றும்.
*
மாணவப் பருவத்திலிருந்து என்னுடன் புல்லட் கனவுகளைப் பகிர்ந்துகொள்ளும் நண்பர் ஒருமுறை சொன்னது,
"கேன்சல் பண்ணிட்டு வர்ரதுக்கு ஒரு மாசம் முன்ன சொல்லு'பா போதும். வாங்கி ரெடி பண்ணி வெச்சிர்ரேன். வந்ததும் ஓட்டலாம். ஒனக்கெல்லாம் ப்ரேக் ஒரு பிரச்சனையே இல்ல. வேணும்னா த்ரீட்·பி·ப்டி டீசல் வாங்கிக்கோ. தண்டர் பேர்ட் ஒன்னோட வயசுக்கு சூட் ஆவாது'பா. பெசண்டுல ஷோரூம் இருக்கு. டீலர்ட்டயும் போலாம். புதுசாவே எடுத்துரலாம். ரிடர்ன் ஆவும்போது டூவீலர்ல போயி பணத்தப் போடணுமான்னு நெனச்சியானா யூஸ்டு கூட வாங்கி ரெடி பண்ணிரலாம். மொறைக்காத'பா, ஒரு பேச்சுக்கு சொன்னேன். கல்·புல இருக்கும்போது நெலம வேறல்ல"
*
அந்த 'கல்·புல இருக்கும் போது'விற்கு வாழ்க்கைப்பட்டு, தொலைத்த கனவுகளில் இளவயதில் புல்லட்டின் சொந்தக்காரனாகவேண்டும் என்ற கனவும் ஒன்று.
கேன்சல் செய்துவிட்டு ஊருக்குச் செல்லும்போது புல்லட் கிடைக்கும், வயது கிடைக்குமா?
அன்புடன்
ஆசாத்
மற்ற இருசக்கர வண்டிகளை ஓட்டிப் பழக்கப்பட்டு முதன்முறையாக புல்லட்டை ஓட்டினால் "லெ·ப்ட்ல ப்ரேக், லெ·ப்ட்ல ப்ரேக்" என்று ஜெபித்துக்கொண்டே ஓட்டுவது நல்லது.
கார்களையே ஓட்டிப் பழக்கப்பட்டு முதன்முறையாக புல்லட்டைத் தொடுபவர்களும் கட்டாயம் இந்த ஜெபத்தினை உச்சரிக்கவேண்டும். அப்போதுதான் திடீரென்று வண்டியின் முன்னே நுழையும் இடையூறுகளைச் சமாளிக்க அனிச்சையாக வலது காலால் ப்ரேக்கை அழுத்துவது விடுத்து, இடது காலால் ப்ரேக்கை அழுத்தி விபத்தைத் தவிர்க்கலாம்.
மற்ற வண்டிகளுக்கு வலது காலால் ப்ரேக் என்றால், புல்லட்டிற்கு மட்டும் இடது காலால் ப்ரேக். ஓரிரு முறைகள் ஓட்டிப் பழகி விட்டால், அதில் அமர்ந்ததும் வருகின்ற கம்பீரம் போலவே 'இடது கால்' உணர்வும் தானாக வந்துவிடும்.
புல்லட் 350, புல்லட் 500, எலக்ட்ரா வகைகளில் மட்டுமே இடது கால் ப்ரேக் வழக்கம். அவை விடுத்து 'தண்டர் பேர்ட்'டில் இந்தப் பிரச்சனை கிடையாது. தண்டர் பேர்டில் ப்ரேக் வலது புறம்தான். அதனை அறிமுகப் படுத்தும்போதே, 'வலப்புற ப்ரேக்' என்னும் வாசகம் விளம்பரத்தில் இருந்தது. விளம்பரமும் வண்டியும் வெளிவந்த வருடம் இரண்டாயிரத்து ஒன்றா, இரண்டா என்பது சரியாக நினைவில்லை.
ப்ரேக் வலப்புறம் இருந்தால் என்ன, இடப்புறம் இருந்தால் என்ன, படபடவென புல்லட்டில் பயணம் செய்யும்போது கிடைக்கும் மரியாதையே தனி.
நானறிந்த வட்டாரத்தில் புல்லட் வைத்திருந்தவர்கள் செல்வாக்கு உள்ளவர்களாகவே இருந்தார்கள். காவல் துறை அதிகாரி, தென்தமிழகத்திலிருந்து வந்து சென்னையில் வியாபாரம் செய்பவர்கள், நெடிய பருத்த தோற்றம் உள்ளவர்கள், இப்படியானவர்களுக்கு அது செல்வாக்கு வாகனமாக இருந்தது / இருக்கிறது. வெள்ளை வேட்டி, தங்கக் கடிகாரம், முறுக்கு மீசை, பருத்த உடல் இவை புல்லட் 500உடன் பொருந்தியது போலவே, இப்பொழுது ஜீன்ஸ், கண்ணை ஈர்க்கும் 'டி' ஷர்ட், CAT காலணிகள் தண்டர் பேர்டுடன் பொருந்துகின்றன.
தண்டர் பேர்ட் இளையவர்களை நன்றாகவே ஈர்த்துவிட்டதாகத் தெரிகிறது. அருகில் வரும் மற்ற இருசக்கர வாகன ஓட்டிகளைப் பெருமூச்சு விடவைப்பதற்கு எழுபத்தைந்தாயிரம் ரூபாய் முதலீடு தேவையாக இருக்கிறது.
எட்ட இருந்து பார்த்தால் சீறுவதற்குத் தயாராக இருக்கும் சிங்கமாக நிற்கும் புல்லட், நன்றாக ஓட்டத் தெரிந்தவர்களின் கைகளில் குழந்தைதான். காலை ஊன்றி அங்கும் இங்கும் தள்ளிச் செல்லும் கதையெல்லாம் இதில் கிடையாது. குறுகிய திருப்பமாக இருந்தாலும் த்ராட்டலைக் குறைத்து லேசாக ப்ரேக்கில் கால் வைத்தபடி நளினமாகத் திருப்பலாம்.
எந்த வேகத்திலும் ப்ரேக்கை அழுத்தியதும் நச்சென வண்டி நிற்கும். எல்லா வண்டிகளும் ப்ரேக்கை அழுத்தினால் அப்படியேதான் நிற்கும். ஆனாலும், புல்லட் நிற்கும் அழகே தனி. முன் சக்கரத்தைத் திருப்பி அப்படி இப்படி ஆடும் நாட்டியங்களெல்லாம் இதில் கிடையாது. நேராக நினைத்த இடத்தில் நிற்கும்.
சிகப்பு நிறத்தில் பாகங்களும், குரோமியப் பூச்சில் ஜொலிக்கும் கண்கவர் அமைப்புகளும், பொன்னிறத்தில் பொறிக்கப்பட்ட 'ராயல் என்·பீல்ட்' இலச்சும், "என்றைக்கு என்னை சொந்தமாக்கிக் கொள்வாய்" எனக் கேட்பதாவே தோன்றும்.
*
மாணவப் பருவத்திலிருந்து என்னுடன் புல்லட் கனவுகளைப் பகிர்ந்துகொள்ளும் நண்பர் ஒருமுறை சொன்னது,
"கேன்சல் பண்ணிட்டு வர்ரதுக்கு ஒரு மாசம் முன்ன சொல்லு'பா போதும். வாங்கி ரெடி பண்ணி வெச்சிர்ரேன். வந்ததும் ஓட்டலாம். ஒனக்கெல்லாம் ப்ரேக் ஒரு பிரச்சனையே இல்ல. வேணும்னா த்ரீட்·பி·ப்டி டீசல் வாங்கிக்கோ. தண்டர் பேர்ட் ஒன்னோட வயசுக்கு சூட் ஆவாது'பா. பெசண்டுல ஷோரூம் இருக்கு. டீலர்ட்டயும் போலாம். புதுசாவே எடுத்துரலாம். ரிடர்ன் ஆவும்போது டூவீலர்ல போயி பணத்தப் போடணுமான்னு நெனச்சியானா யூஸ்டு கூட வாங்கி ரெடி பண்ணிரலாம். மொறைக்காத'பா, ஒரு பேச்சுக்கு சொன்னேன். கல்·புல இருக்கும்போது நெலம வேறல்ல"
*
அந்த 'கல்·புல இருக்கும் போது'விற்கு வாழ்க்கைப்பட்டு, தொலைத்த கனவுகளில் இளவயதில் புல்லட்டின் சொந்தக்காரனாகவேண்டும் என்ற கனவும் ஒன்று.
கேன்சல் செய்துவிட்டு ஊருக்குச் செல்லும்போது புல்லட் கிடைக்கும், வயது கிடைக்குமா?
அன்புடன்
ஆசாத்
Comments