வியாழன் வெள்ளிகளில் சாவகாசமாக ஃபூல் தமீஸோ (மொச்சைக்கொட்டையும் ரொட்டியும்), ஷுக்ஷுக்கோ (முட்டை பொடிமாஸ்) தின்றுவிட்டு, இரட்டை இலை (அரசியல் இல்லைங்க, ரெண்டு டீ பேக் போடறது) தேநீர் குடிக்கும்போது அரப் நியூஸ் செய்தித்தாளை விரிப்பேன்.
முதல் பக்கத்தில் ரியாத்தில் சுடப்பட்ட அல்கொய்தா தீவிரவாதியையும், கடைசிப் பக்கத்தில் கெய்ரோ ரோட்டரி கிளப் கிளியோபாட்ராவில் புன்னகைத்து நமது புன்னகை அரசி / இளவரசிகளுக்கெல்லாம் சவால் விடுகின்ற எகிப்திய நடிகை அர்வாவையும் ஒதுக்கிவிட்டு இன்றைக்கு லுப்னா ஹுசைனின் (Lubna Hussain) கட்டுரை ஏதும் வந்திருக்கிறதா எனப் பார்ப்பதும் வழக்கம்.
லுப்னா ஹுசைனின் முன்னோர்கள் இந்தியாவைச் சேர்ந்தவர்கள். சும்மாவேனும் இடையில் ஓரிரண்டு வரிகளை மேலோட்டமாகப் படித்துவிட்டு / கேட்டுவிட்டு ஜல்லியடிக்கும் மக்களை லுப்னா நையாண்டி செய்திருந்தார்.
'லுப்னா, உங்கள் மூதாதையர்கள் இந்தியாவைச் சேர்ந்தவர்களென நினைத்தேன்'
'உண்மைதான். எனது முன்னோர்கள் இந்தியாவைச் சேர்ந்தவர்கள்'
'இல்லையே, எனது நண்பன் நீங்கள் தாய்லாந்திலிருந்து வந்தவர் எனச் சொன்னாரே'
'தாய்லாந்தா..நானா..கிடையாதே'
விஷயம் இதுதான். தன்னைப்பற்றி எழுதிய கட்டுரை ஒன்றில் லுப்னா தான் பிறந்த ஊரைக் குறிப்பிட்டிருக்கிறார். தைவானில் பிறந்ததால் நான் 'மேடு இன் தைவான்' என்று எழுத, அதனை அரைகுறையாக ஏதோ அவசரத்தில் படித்தவர் இவரை 'தாய்' எனப் புரிந்துகொண்டு பூர்வீகத்தையே மாற்றியிருக்கிறார்.
(Arab News 23.12.2005)
சுட்டி
இன்னொரு கட்டுரையில் மற்றவர்களை சரிசமமாக மதிக்காமல் நடக்கும் தனது மக்களைப் பார்த்து சில கேள்விகளை முன்வைத்தார். அமெரிக்கத் தூதரகத்தில் சவூதி ஒருவர் தரக்குறைவாக நடத்தப்பட்டதற்கு தூதரகம் மன்னிப்புக் கேட்டதைக் குறிப்பிட்டு, 'இதே போல் ஒரு தொழிலாளி இந்தியர் சவூதியின் நடத்தை குறித்து கேள்வியை எழுப்பியிருந்தால், அவருக்கு இந்த பதில் போலல்லாமல் மாறுபட்ட பதில்தான் கிடைத்திருக்கும்' என்று எழுதிவிட்டு, அடுத்த பத்தியில் 'ம்ம்..கோபமாக சில விரல்கள் என்னைத் துரோகியாகச் சித்தரித்து விசைப்பலகையைத் தட்டுவது காதுகளில் ஒலிக்கிறது'
என்பதான நையாண்டி வேறு.
(Arab News 16.12.2005)
சுட்டி
லுப்னா ஹுசைன், அபீர் மிஷ்காஸ், நூரா, என பெண் பத்திரிகையாளர்கள் ஒருபுறமும், சேம்பர் ஆ·ப் காமர்ஸ் பதவிகளில், பொறியாளர் சங்கத்தின் பதவிகளில், ஆங்கில வானொலியின் பதவிகளில் என நிர்வாகப் பொறுப்புகளில் ஒருபுறமுமாக அடிக்கடி பத்திரிகைகளில் சவூதி அரேபியப் பெண்மணிகளின் செய்திகள், கட்டுரைகள் நிறைய புகைப்படங்களுடன் பதிவாகின்றன.
ஜித்தா நகரின் வடக்கே நூறு பில்லியன் ரியால் செலவில் உருவாகும் வர்த்தக நகரின் செய்திகளுக்கும் (1 பில்லியன் ரியால் = 266 மில்லியன் அமெரிக்க டாலர்), ஏறுமுகமாகவே இருக்கும் பங்குச் சந்தை (TASI - The Tadawull All-Share index) செய்திகளுக்கும் இடையே பெண்மணிகளின் செய்திகளும் போட்டி போட்டுக்கொண்டு நிற்கின்றன.
அன்புடன்
ஆசாத்
முதல் பக்கத்தில் ரியாத்தில் சுடப்பட்ட அல்கொய்தா தீவிரவாதியையும், கடைசிப் பக்கத்தில் கெய்ரோ ரோட்டரி கிளப் கிளியோபாட்ராவில் புன்னகைத்து நமது புன்னகை அரசி / இளவரசிகளுக்கெல்லாம் சவால் விடுகின்ற எகிப்திய நடிகை அர்வாவையும் ஒதுக்கிவிட்டு இன்றைக்கு லுப்னா ஹுசைனின் (Lubna Hussain) கட்டுரை ஏதும் வந்திருக்கிறதா எனப் பார்ப்பதும் வழக்கம்.
லுப்னா ஹுசைனின் முன்னோர்கள் இந்தியாவைச் சேர்ந்தவர்கள். சும்மாவேனும் இடையில் ஓரிரண்டு வரிகளை மேலோட்டமாகப் படித்துவிட்டு / கேட்டுவிட்டு ஜல்லியடிக்கும் மக்களை லுப்னா நையாண்டி செய்திருந்தார்.
'லுப்னா, உங்கள் மூதாதையர்கள் இந்தியாவைச் சேர்ந்தவர்களென நினைத்தேன்'
'உண்மைதான். எனது முன்னோர்கள் இந்தியாவைச் சேர்ந்தவர்கள்'
'இல்லையே, எனது நண்பன் நீங்கள் தாய்லாந்திலிருந்து வந்தவர் எனச் சொன்னாரே'
'தாய்லாந்தா..நானா..கிடையாதே'
விஷயம் இதுதான். தன்னைப்பற்றி எழுதிய கட்டுரை ஒன்றில் லுப்னா தான் பிறந்த ஊரைக் குறிப்பிட்டிருக்கிறார். தைவானில் பிறந்ததால் நான் 'மேடு இன் தைவான்' என்று எழுத, அதனை அரைகுறையாக ஏதோ அவசரத்தில் படித்தவர் இவரை 'தாய்' எனப் புரிந்துகொண்டு பூர்வீகத்தையே மாற்றியிருக்கிறார்.
(Arab News 23.12.2005)
சுட்டி
இன்னொரு கட்டுரையில் மற்றவர்களை சரிசமமாக மதிக்காமல் நடக்கும் தனது மக்களைப் பார்த்து சில கேள்விகளை முன்வைத்தார். அமெரிக்கத் தூதரகத்தில் சவூதி ஒருவர் தரக்குறைவாக நடத்தப்பட்டதற்கு தூதரகம் மன்னிப்புக் கேட்டதைக் குறிப்பிட்டு, 'இதே போல் ஒரு தொழிலாளி இந்தியர் சவூதியின் நடத்தை குறித்து கேள்வியை எழுப்பியிருந்தால், அவருக்கு இந்த பதில் போலல்லாமல் மாறுபட்ட பதில்தான் கிடைத்திருக்கும்' என்று எழுதிவிட்டு, அடுத்த பத்தியில் 'ம்ம்..கோபமாக சில விரல்கள் என்னைத் துரோகியாகச் சித்தரித்து விசைப்பலகையைத் தட்டுவது காதுகளில் ஒலிக்கிறது'
என்பதான நையாண்டி வேறு.
(Arab News 16.12.2005)
சுட்டி
லுப்னா ஹுசைன், அபீர் மிஷ்காஸ், நூரா, என பெண் பத்திரிகையாளர்கள் ஒருபுறமும், சேம்பர் ஆ·ப் காமர்ஸ் பதவிகளில், பொறியாளர் சங்கத்தின் பதவிகளில், ஆங்கில வானொலியின் பதவிகளில் என நிர்வாகப் பொறுப்புகளில் ஒருபுறமுமாக அடிக்கடி பத்திரிகைகளில் சவூதி அரேபியப் பெண்மணிகளின் செய்திகள், கட்டுரைகள் நிறைய புகைப்படங்களுடன் பதிவாகின்றன.
ஜித்தா நகரின் வடக்கே நூறு பில்லியன் ரியால் செலவில் உருவாகும் வர்த்தக நகரின் செய்திகளுக்கும் (1 பில்லியன் ரியால் = 266 மில்லியன் அமெரிக்க டாலர்), ஏறுமுகமாகவே இருக்கும் பங்குச் சந்தை (TASI - The Tadawull All-Share index) செய்திகளுக்கும் இடையே பெண்மணிகளின் செய்திகளும் போட்டி போட்டுக்கொண்டு நிற்கின்றன.
அன்புடன்
ஆசாத்
Comments